۲-کُرِنتھِیوں 8:19 - پنجابی نواں عہد نامہ نظرثانی شدہ چھپائی

¹⁹ تے نِرا اوہو ای نئیں سگوں اوہ کلِیسیاواں ولّوں ایس خَیرات دے سببّوں ساڈے نال سفر کرن والا مُقرّر ہویا تے اسی ایہہ خِدمت ایس لئی کرنے آں پئی خُداوند دا جلال تے ساڈا شَوق ظاہر ہوئے۔

۲-کُرِنتھِیوں 8:19 ပူးပေါင်းရင်းမြစ်များ

اعمال 14:23

تے روزے تے دُعا نال ہر اِک کلِیسیا وِچ اوہناں دے لئی بزُرگاں نُوں مُقرّر کِیتا۔ تے اوہناں نُوں خُداوند دے سپُرد کِیتا جِہدے اُتّے اوہ اِیمان لیائے سن۔

اعمال 15:22

تَد رسُولاں تے بزُرگاں نیں ساری کلِیسیا سَنے ہَچھّا جانیا۔ پئی اپنے وِچوں کُجھ بندے چُنن تے پَولُس تے برنباس دے نال انطاکیہ نُوں گھلّن۔ یعنی یہُوداہ نُوں جیہڑا برسبّا اکھواؤندا اے۔ تے سِیلاس نُوں جیہڑے بھراواں وِچ وڈّے بندے سن۔

اعمال 15:25

ایس واسطے اساں اِک دِل ہو کے ہَچھّا جانیا پئی کئی بندیاں نُوں چُن کے اپنے پیارے برنباس تے پَولُس دے نال۔

اعمال 19:22

تے اوس اپنے سیوا کرن والیاں وِچوں دو بندے تِیمُتِھیُس تے اِراستُس نُوں مَکِدُنیہ ولّ ٹور دِتّا۔ پر اوہ آپ آسِیہ وِچ کُجھ چِر رہیا۔

اعمال 19:29

تے سارے شہر وِچ ہُلّڑ مَچ گیا۔ تے سبھ مِل کے گَیُس تے ارِسترخُس نُوں جیہڑے مَکِدُنیہ دے رہن والے تے پَولُس دے سفر وِچ ساتھی سن پَھڑکے تماشے دی تھانویں اِک دِل ہو کے بھج گئے۔

رُومِیوں 5:11

تے نِرا ایہو نئیں سگوں اسی خُدا وِچ فخر وی کرنے آں۔ اپنے خُداوند یِسُوع مسِیح دی خاطر جِہدی راہِیں ہُن اسی مِلائے گئے آں۔

رُومِیوں 5:3

تے نِرا ایہو نئیں سگوں اسی اپنیاں تنگِیاں وِچ وی فخر کریئے۔ ایہہ جان کے پئی تنگی صبر پَیدا کر دی اے۔

۲-کُرِنتھِیوں 4:15

ایس لئی پئی سارِیاں شیواں تُہاڈے واسطے نیں تاں جو بتھیریاں لوکاں دے سببّوں فضل بُہتا ہو کے خُدا دے جلال لئی شُکر گُزاری نُوں وی وَدھائے۔

۲-کُرِنتھِیوں 8:11

سو ہُن ایس کمّ نُوں پُوریاں وی کرو۔ تاں جو جیویں تُسی اِرادہ کرن وِچ تگڑے سو۔ اوسے طرح قدر دے سببّوں اوہنوں پُوریاں وی کرو۔

۲-کُرِنتھِیوں 8:12

کیوں جو جے نِیّت ہوئے تے خَیرات اوہدے دے سببّوں قبول ہوئے گی۔ جو کُجھ بندے دے کول اے۔ نا اوس دے سببّوں جو کُجھ اوہدے کول نئیں۔

۲-کُرِنتھِیوں 8:20

تے اسی بچدے رہنے آں۔ پئی جِس وڈّی خَیرات لئی خِدمت کرنے آں اوہدی بابت کوئی ساڈے اُتّے کوئی گلّ نا بنائے۔

۲-کُرِنتھِیوں 9:2

کیوں جو مَیں تُہاڈا شَوق جاننا آں۔ جِہدے سبّب مَکِدُنیہ دیاں لوکاں اگّے تُہاڈے اُتّے فخر کرنا آں۔ پئی اَخیہ دے لوک پِچّھلے ورھے توں تیار نیں۔ تے تُہاڈی سرگرمی نے کئیاں لوکاں نُوں جوش دوایا۔

۲-کُرِنتھِیوں 9:8

تے خُدا تُہاڈے اُتّے ہر طرح دا فضل بُہتا کر سکدا اے۔ تاں جو تُہانوں سدا ہر شے وادُھو مِلیا کرے۔ تے ہر نیک کمّ لئی تُہاڈے کول بُہت کُجھ موجُود رہیا کرے۔