۲-کُرِنتھِیوں 7:8 - پنجابی نواں عہد نامہ نظرثانی شدہ چھپائی

⁸ مَیں تُہانوں اپنے خط نال اُداس تے کِیتا پر اوہدے توں پچھتاندا نئیں بھانویں پہلاں پچھتاندا ساں۔ کیوں جو ویکھنا آں پئی اوس خط توں تُہانوں غم ہویا بھانویں تھوڑے ای چِر تِیکر رہیا۔

۲-کُرِنتھِیوں 7:8 ပူးပေါင်းရင်းမြစ်များ

یُوحنّا 16:6

پر ایس کر کے پئی مَیں ایہہ گلّاں تُہانوں آکھیاں نیں تُہاڈا دِل غم نال بھر گیا اے۔

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

۲-کُرِنتھِیوں 7:11

سو ویکھو ایس گلّ نے پئی تُسی خُدا پرستی دے نال اُداس ہوئے تُہاڈے وِچ کِنی کُو سرگرمی تے عُذر تے خفگی تے خَوف تے شَوق تے جوش تے بدلے دا خیال پَیدا کر دِتّا۔ تُساں ہر طرح نال ثابت کر وکھایا۔ پئی تُسی ایس گلّ وِچ بَری اوہ۔

۲-کُرِنتھِیوں 7:12

سو بھانویں مَیں تُہانوں لِکھیا سی۔ پر نا اوہدے سبّب لِکھیا۔ جِس بے انصافی کِیتی۔ تے نا اوہدے سبّب جِہدے اُتّے بے انصافی ہوئی۔ پر ایس لئی پئی تُہاڈی سرگرمی جیہڑی ساڈے واسطے اے خُدا دے حضُور تُہاڈے اُتّے ظاہر ہو جائے۔

۲-کُرِنتھِیوں 7:6

تَد وی عاجزاں نُوں تسلّی دین والے یعنی خُدا نے طِطُس دے آؤن نال سانُوں تسلّی دِتّی۔

۲-کُرِنتھِیوں 7:7

تے نا نِرا اوہدے آؤن نال۔ سگوں اوہدی اوس تسلّی نال وی جیہڑی اوہنوں تُہاڈے ولّوں ہوئی تے اوس تُہاڈا شَوق۔ تُہاڈا غم۔ تے تُہاڈا جوش۔ جیہڑا میری بابت سی ساڈے اگّے بیان کِیتا۔ جِہدے توں مَیں ہور وی خُوش ہویا۔

۲-کُرِنتھِیوں 7:9

ہُن مَیں ایس کر کے خُوش نئیں ہویا۔ پئی تُہانوں غم ہویا سگوں ایس لئی پئی تُہاڈے غم دا نتیجہ تَوبہ ہویا۔ کیوں جو تُہاڈا غم خُدا پرستی دا سی تاں جو تُہانوں ساڈے ولّوں کِسے طرح دا نُقصان نا ہوئے۔

مُکاشفہ 3:19

مَیں جِنہاں نُوں پیار کرنا آں اوہناں نُوں جِھڑکدا تے سزا وی دینا آں۔ ایس لئی سرگرم ہو تے تَوبہ کر۔