۲-کُرِنتھِیوں 7:14 - پنجابی نواں عہد نامہ نظرثانی شدہ چھپائی

¹⁴ تے جے مَیں اوہدے اگّے تُہاڈی بابت کُجھ فخر کِیتا تے شرمندہ نا ہویا سگوں جیویں اساں سارِیاں گلّاں تُہانوں سَچ سَچ آکھیاں ایسے طرح جیہڑا فخر اساں طِطُس دے اگّے کِیتا۔ اوہ وی سَچ نِکلیا۔

۲-کُرِنتھِیوں 7:14 ပူးပေါင်းရင်းမြစ်များ

یُوحنّا 17:19

تے اوہناں دے سببّوں مَیں اپنے آپ نُوں مُقدّس کرنا آں تاں جو اوہ وی سچیائی دی راہِیں پاک ہون۔

۲-کُرِنتھِیوں 10:8

کیوں جو جے مَیں ایس اختیار اُتّے کُجھ وَدّھ فخر وی کراں۔ جیہڑا خُداوند تُہاڈے بنان لئی مَینُوں دِتّا اے۔ تے تُہاڈے وگاڑن لئی نئیں۔ تے مَیں شرمندہ نا ہوواں گا۔

۲-کُرِنتھِیوں 12:6

تے جے فخر کرنا چاہاں وی۔ تے مُورکھ نا ٹھہراں گا۔ ایس لئی پئی سَچ بولاں گا۔ پر تَد وی رُکیا رہنا آں۔ تاں جو کوئی مَینُوں اوہدے نالوں وَدّھ نا سمجھے جِہیا مَینُوں ویکھدا اے۔ یا میرے کولوں سُندا اے۔

۲-کُرِنتھِیوں 2:13

تے میری رُوح نُوں آرام نا مِلیا۔ ایس لئی پئی مَیں اپنے بھرا طِطُس نُوں نا ویکھیا۔ سگوں اوہناں توں وِداع ہو کے مَکِدُنیہ نُوں ٹُر گیا۔

۲-کُرِنتھِیوں 7:13

ایسے لئی سانُوں تسلّی ہوئی اے۔ تے ساڈی ایس تسلّی وِچ سانُوں طِطُس دی خُوشی دے سببّوں ہور وی وَدّھ خُوشی ہوئی کیوں جو تُہاڈے سبھناں دے سببّوں ایہدی رُوح فیر نَوِیں ہوگئی۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

۲-کُرِنتھِیوں 7:6

تَد وی عاجزاں نُوں تسلّی دین والے یعنی خُدا نے طِطُس دے آؤن نال سانُوں تسلّی دِتّی۔

۲-کُرِنتھِیوں 8:24

سو اپنی اوہ مُحبّت تے ساڈا اوہ فخر جیہڑا تُہاڈے اُتّے اے کلِیسیاواں دے رُوبرُو اوہناں اُتّے ثابت کرو۔

فِلِپّیوں 1:26

تے جیہڑا مان تُہانوں میرے اُتّے اے۔ اوہ میرے تُہاڈے کول مُڑ آؤن نال مسِیح یِسُوع وِچ وَدھیرا ہو جائے۔

۲-تھِسّلُنِیکوں 1:4

ایتھوں تِیکر پئی اسی آپ خُدا دی کلِیسیاواں وِچ تُہاڈے ولّوں فخر کرنے آں۔ پئی جِنّے ظُلم تے مُصِیبتاں تُسی سَہندے ہو۔ اوہناں ساریاں وِچ تُہاڈا صبر تے اِیمان ظاہر ہوندا اے۔