۲-کُرِنتھِیوں 6:7 - پنجابی نواں عہد نامہ نظرثانی شدہ چھپائی

⁷ سچیائی دے کلام نال۔ خُدا دی قُدرت نال۔ راست بازی دے ہتّھیاراں دی راہِیں جیہڑے سَجّے کھبّے نیں۔

۲-کُرِنتھِیوں 6:7 ပူးပေါင်းရင်းမြစ်များ

مرقس 16:20

تے اوہناں باہر جا کے ہر تھاں منادی کِیتی۔ تے خُداوند اوہناں دے نال ہو کے کمّ کر دا تے کلام نُوں اوہناں مُعجزیاں دے راہِیں جیہڑے نال نال ہوندے سن ثابت کر دا سی۔ آمِین۔

اعمال 11:21

تے خُداوند دا ہتّھ اوہناں دے اُتّے سی۔ تے بتھیرے لوک جیہڑے اِیمان لیائے خُداوند ولّ پِھرے۔

۱-کُرِنتھِیوں 1:24

پر جیہڑے سَدّے ہوئے نیں یہُودی ہون بھانویں یُونانی۔ اوہناں بھانے مسِیح خُدا دی قُدرت تے خُدا دی حِکمت اے۔

۲-کُرِنتھِیوں 13:4

ہاں اوہ کمزوری دے سببّوں صلِیب دِتّا گیا پر خُدا دی قُدرت دے سببّوں زِندہ اے۔ تے اسی وی اوہدے وِچ کمزور تے آں پر اوہدے نال خُدا دی اوس قُدرت نال زِندہ ہوواں گے جیہڑی تُہاڈے لئی اے۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

۲-کُرِنتھِیوں 7:14

تے جے مَیں اوہدے اگّے تُہاڈی بابت کُجھ فخر کِیتا تے شرمندہ نا ہویا سگوں جیویں اساں سارِیاں گلّاں تُہانوں سَچ سَچ آکھیاں ایسے طرح جیہڑا فخر اساں طِطُس دے اگّے کِیتا۔ اوہ وی سَچ نِکلیا۔

اِفسِیوں 1:13

تے تُساں وی جدوں سچیائی دا کلام سُنیا جیہڑا تُہاڈی نجات دی خُوشخبری اے۔ نالے اوہدے اُتّے اِیمان لیاندا تے مسِیح وِچ تُہاڈے اُتّے وعدہ کِیتے ہوئے پاک رُوح دی مُہر لگّی۔

اِفسِیوں 3:20

ہُن جیہڑا اِنج قُدرت والا اے۔ پئی اوس قُدرت دے سببّوں جیہڑی ساڈے وِچ اثر کر دی اے۔ ساڈی درخواست تے خیال توں بُہت وَدّھ کر سکدا اے۔

اِفسِیوں 4:21

سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

۱-تھِسّلُنِیکوں 5:8

پر اسی جیہڑے دِن دے آں اِیمان تے مُحبّت دی بکتر پا کے تے نجات دی آس دا خود پا کے ہُشیار رہئے۔

۲-تِیمُتِھیُس 2:15

اپنے آپ نُوں خُدا دے سامھنے مقبُول تے اجیہے کمّ کرن والے وانگر پیش کرن دی کوشش کر جِہنُوں شرمندہ ہونا نا پَوے۔ جیہڑا سَچّے کلام نُوں چج نال کمّ وِچ لیاؤندا اے۔

۲-تِیمُتِھیُس 4:7

مَیں چَنگا دنگل گھلّیا اے مَیں دَوڑ مُکا چھڈی۔ مَیں اِیمان نُوں سانبھ رکھیا۔

عِبرانیوں 2:4

تے نال ای خُدا وی اپنی مرضی دے سببّوں نشاناں تے کراماتاں تے طرح طرح دے مُعجزیاں تے پاک رُوح دِیاں نِعمتاں دی راہِیں اوہدی گواہی دیندا رہیا۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔