۲-کُرِنتھِیوں 6:4 - پنجابی نواں عہد نامہ نظرثانی شدہ چھپائی

⁴ سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

۲-کُرِنتھِیوں 6:4 ပူးပေါင်းရင်းမြစ်များ

لُوقا 21:19

تے اپنے صبر وِچ ای تُسی اپنیاں جاناں نُوں بچاؤ گے۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

اعمال 20:34

تُسی آپ ای جان دے ہو۔ پئی ایہو ہتّھ میرِیاں تے میرے نالدیاں دِیاں لوڑاں نُوں پُورا کر دے رہے۔

اعمال 9:16

کیوں جو مَیں اوہنوں دس دیاں گا۔ پئی میرے ناں دے بدلے اوہنوں کیڈے کیڈے دُکھ جَھلّنے پَین گے۔

رُومِیوں 14:18

کیوں جو جیہڑا ایس طرح مسِیح دا غلام ہوندا اے۔ اوہ خُدا اگّے چَنگا اے۔ تے بندیاں اگّے کھرا اے۔

رُومِیوں 16:10

اَپلِّیس نُوں جیہڑا مسِیح وِچ مقبُول اے۔ سلام آکھنا۔ اَرِستُِبُولُس دے گھر دیاں نُوں میرا سلام آکھو۔

رُومِیوں 3:5

پر جے ساڈی ناراستی خُدا دی راستبازی نُوں قیم کر دی اے۔ تے اسی کِیہ آکھیئے؟ خُدا ناراست اے۔ جیہڑا قَہر گھلدا اے؟ (مَیں اِنسان ہوندیاں گلّ کرنا آں۔)

رُومِیوں 5:8

پر خُدا اپنی مُحبّت دی خُوبی ساڈے اُتّے ایس طرح ظاہر کر دا اے۔ پئی جد اسی اجے گُناہی ساں مسِیح ساڈے بدلے مویا۔

۱-کُرِنتھِیوں 3:5

اُپلّوس کِیہ شے اے؟ تے پَولُس کِیہ اے؟ سیوائے جِنہاں دی راہِیں تُساں اِیمان لیاندا۔ تے ہر اِک دا اوناں ای درجہ اے۔ جِنّاں خُداوند دِتّا اے

۱-کُرِنتھِیوں 4:1

بندہ سانُوں اجیہا جانے پئی اسی مسِیح دے سیوائے تے خُدا دے بھیتاں دے مُختِیار آں۔

۱-کُرِنتھِیوں 9:11

سو اساں تُہاڈے لئی رُوحانی شیواں بِیجیاں۔ تے ایہہ کوئی وڈّی گلّ اے۔ پئی اسی تُہاڈیاں جِسمانی شیواں دی فصل وَڈّھئے؟

۲-کُرِنتھِیوں 11:23

اوہ مسِیح دے خادم نیں؟ (میرا ایہہ آکھنا نادانی اے) مَیں وَدّھ آں۔ محِنتاں وِچ وَدّھ کے۔ قید وِچ وَدّھ کے کولڑے کھان وِچ حدّوں وَدّھ۔ کئی واری مَوت دے خطریاں وِچ رہیا آں۔

۲-کُرِنتھِیوں 11:27

محنت تے مُشقّت وِچ۔ کئی واری جاگدیاں رہن۔ بُھکھ تے تَریہہ دی مُصِیبت وِچ۔ کئی واری فاقے وِچ۔ پالے تے ننگے رہن دی حالت وِچ رہیا آں۔

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-کُرِنتھِیوں 12:12

رسُول ہوندیاں نشانِیاں پُورے صبر دے نال نشاناں تے عجب کمّاں تے کراماتاں دے وسیلے تُہاڈے وِچ ظاہر ہوئیاں۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

۲-کُرِنتھِیوں 4:8

اسی ہر اِک گلّ وِچ مُصِیبت تے چُکنے آں۔ پر لاچار نئیں ہوندے۔ حَیران تے ہُنے آں پر نا آس نئیں ہوندے۔

۲-کُرِنتھِیوں 7:11

سو ویکھو ایس گلّ نے پئی تُسی خُدا پرستی دے نال اُداس ہوئے تُہاڈے وِچ کِنی کُو سرگرمی تے عُذر تے خفگی تے خَوف تے شَوق تے جوش تے بدلے دا خیال پَیدا کر دِتّا۔ تُساں ہر طرح نال ثابت کر وکھایا۔ پئی تُسی ایس گلّ وِچ بَری اوہ۔

کُلُسِّیوں 1:11

تے اوہدے جلال دی قُدرت دے سببّوں ہر طرح دی قُوّت پَیدا کرو۔ تاں جو خُوشی نال سارِیاں گلّاں وِچ صبر تے حَوصلہ کرو۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تھِسّلُنِیکوں 3:7

ایس لئی بھراؤ! سانُوں ساری تنگی تے مُصِیبت وِچ تُہاڈے اِیمان دے سبّب تُہاڈے ولّوں تسلّی ہوئی۔

۱-تھِسّلُنِیکوں 5:14

تے بھراؤ! اسی تُہانوں نصِیحت کرنے آں پئی بے قاعدہ ٹُرن والیاں نُوں سمجھاؤ۔ نِگھریاں ہویاں نُوں دلاسا دیو ماڑیاں نُوں سنبھالو۔ سبھناں نال صبر دا سلُوک کرو۔

۱-تِیمُتِھیُس 2:15

پر اولاد جمّن دے سببّوں نجات پائے گی۔ جے اِیمان تے پیار تے پاکیزگی تے پرہیزگاری اُتّے قیم رہے۔

۱-تِیمُتِھیُس 4:6

جے تُوں بھراواں نُوں ایہہ گلّ یاد کرائیں گا۔ تے مسِیح یِسُوع دا چَنگا خادم بنیں گا۔ تے اِیمان تے اوس چنگی سِکھیا نال جِنہاں نُوں تُوں مَندا آیا ایں پلدا رہیں گا۔

۱-تِیمُتِھیُس 6:11

پر تُوں اَے خُدا دے بندیا۔ ایہناں گلّاں توں نَسّ تے راستبازی تے دِینداری تے اِیمان تے مُحبّت تے صبر تے حلِیمی دے مگر لگ۔

۲-تِیمُتِھیُس 1:8

سو ساڈے خُداوند دی گواہی توں تے میرے کولوں جیہڑا اوہدا قیدی آں شرم نا کر۔ سگوں اوس خُدا دی قُدرت نال خُوشخبری دی خاطر میرے نال دُکھ سہہ۔

۲-تِیمُتِھیُس 2:24

تے چَنگا نئیں پئی خُداوند دا بندہ جھگڑا کرے سگوں ساریاں دے نال نرمی کرے تے تعلِیم دین دے لائق تے صبر کرن والا ہوئے۔

۲-تِیمُتِھیُس 4:5

پر تُوں سارِیاں گلّاں وِچ ہُشیار رہ۔ دُکھ سہہ۔ اِنجِیل دا کمّ کر۔ اپنی خِدمت نُوں پُوریاں کر۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔