۲-کُرِنتھِیوں 6:3 - پنجابی نواں عہد نامہ نظرثانی شدہ چھپائی

³ اسی کِسے گلّ وِچ ٹھوکر کھان دا کوئی موقع نئیں دیندے تاں جو ساڈی خِدمت اُتّے حرف نا آوے۔

۲-کُرِنتھِیوں 6:3 ပူးပေါင်းရင်းမြစ်များ

متّی 17:27

پر ایس کر کے پئی ساڈے توں اوہناں نُوں ٹھوکر نا لگّے تُوں جا کے سمُندر وِچ کُنڈی سُٹ تے جیہڑی مچّھی پہلاں نِکلے تُوں پَھڑلَے۔ تے اوہدا مُنھ کھول تے تینُوں اِک مِثقال لَبھّے گا۔ اوہنوں لے کے میرے تے اپنے واسطے اوہناں نُوں دے۔

متّی 18:6

پر جیہڑا کوئی ایہناں نِکّیاں وِچوں جیہڑے میرے اُتّے اِیمان لیاؤندے نیں۔ اِک نُوں ٹھوکر لائے۔ اوس شخص دے لئی چَنگا ایہو اے پئی چکّی دا پُڑ اوہدے گلّ وِچ بَدّھا جائے تے اوہ سمُندر دے ڈُونگھے تھاں ڈوبیا جاوے۔

اعمال 19:27

سو نِرا ایہہ خطرہ نئیں پئی ساڈے کمّ دا قدر جاندا رہے پر وڈّی دیوی اَرتمس دا مندر وی اُڈ جائے۔ تے اوہدی وڈیائی وی جاندی رہے جِہنُوں سارا آسِیہ تے ساری دُنیا پُوجدی اے۔

رُومِیوں 14:13

ایس لئی اسی اگّے نُوں اِک دُوجے اُتّے عیب نا لایئے۔ سگوں تُسی اپنے مَن وِچ ایہہ ٹھہراؤ۔ پئی اسی اپنے بھرا دے اگّے کوئی ٹھوکر نا رکھیے۔

۱-کُرِنتھِیوں 9:12

جے ہورناں دا تُہاڈے اُتّے ایہہ اختیار اے تے ساڈا اوہدے نالوں وَدّھ نا ہوئے گا؟ پر اساں اختیار نال کمّ نا لیا۔ سگوں ہر شے دی برداشت کرنے آں۔ تاں جو ساڈے سبّبوں یِسُوع مسِیح دی خُوشخبری وِچ اڑِکا نا ہوئے۔

۱-کُرِنتھِیوں 9:22

کمزوراں لئی مَیں کمزور بنیا۔ تاں جو کمزوراں نُوں کھِچّ لیاواں۔ مَیں ساریاں بندیاں لئی سبھ کُجھ بنیا ہویا آں۔ تاں جو کِسے طرح نال بعضیاں نُوں بچاواں۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 8:20

تے اسی بچدے رہنے آں۔ پئی جِس وڈّی خَیرات لئی خِدمت کرنے آں اوہدی بابت کوئی ساڈے اُتّے کوئی گلّ نا بنائے۔