۲-کُرِنتھِیوں 5:6 - پنجابی نواں عہد نامہ نظرثانی شدہ چھپائی

⁶ سو ساڈی ہمیش ای خاطرجمع رہندی اے۔ تے ایہہ جاننے آں پئی جدوں تِیکر اسی بدن دے وطن وِچ آں۔ خُداوند دے دیسوں دُراڈے آں۔

۲-کُرِنتھِیوں 5:6 ပူးပေါင်းရင်းမြစ်များ

۲-کُرِنتھِیوں 5:1

کیوں جو اسی جاننے آں پئی جد ساڈا ایہہ تنبُو جیہا گھر جیہڑا زمین اُتّے اے ڈیگیا جائے گا۔ تے سانُوں خُدا ولّوں اسماناں اُتّے اِک اجیہی عمارت مِلے گی۔ جیہڑا ہتّھاں دا بنیا ہویا گھر نئیں سگوں سدا رہن والا اے۔

۲-کُرِنتھِیوں 5:8

سو ساڈی خاطرجمع اے تے سانُوں بدن دے وطن توں وَکھریاں ہو کے خُداوند دے وطن وِچ رہنا وَدّھ منظُور اے۔

عِبرانیوں 10:35

ایس لئی اپنی دلیری نُوں نا چھڈو جِہدا بڑا اَجر اے۔

عِبرانیوں 11:13

ایہہ سارے اِیمان وِچ مر گئے تے وعدے دِیاں شیواں نئیں ساں لَیاں سگوں دُوروں ای ویکھ کے اوہناں نُوں چاء چڑھیا تے مَن لیا پئی اسی دُنیا اُتّے پردیسی تے راہی آں۔

عِبرانیوں 13:14

کیوں جو ایتھے ساڈا کوئی قیم رہن والا شہر نئیں۔ سگوں اسی آؤن والے شہر نُوں لَبّھنے آں۔

۱-پطرس 5:1

مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔