۲-کُرِنتھِیوں 5:15 - پنجابی نواں عہد نامہ نظرثانی شدہ چھپائی

¹⁵ تے اوہ ایس لئی ساریاں لئی مویا پئی جیہڑے جِیوندے نیں اوہ اگّے نُوں اپنے واسطے نا جیون سگوں اوہدے لئی جیہڑا اوہناں واسطے مویا تے فیر جی اُٹھیا۔

۲-کُرِنتھِیوں 5:15 ပူးပေါင်းရင်းမြစ်များ

لُوقا 1:74

پئی سانُوں ایہہ بخشے گا پئی اسی اپنیاں وَیرِیاں دے ہتھّوں چُھٹ کے۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 6:57

جیویں باپ جیہڑا جِیوندا اے مَینُوں گھلّیا تے مَیں باپ دے سبّب جِیوناں آں۔ اوہ وی جیہڑا مَینُوں کھاندا اے میرے سبّب جیوے گا۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 4:25

جیہڑا ساڈیاں قصوراں دے لئی حوالے کِیتا گیا۔ تے سانُوں راستباز ٹھہران لئی جوایا گیا۔

رُومِیوں 6:2

خُدا نا کرے۔ اسی جیہڑے گُناہ ولّوں مر گئے کِیویں اگّے نُوں اوہدے وِچ زِندگی کِٹئے؟

رُومِیوں 6:6

ایہہ جان کے پئی ساڈی پرانی اِنسانِیّت اوہدے نال صلِیب دِتّی گئی۔ تاں جو گُنہگار بدن رَدّ کِیتا جائے تے اگّے نُوں اسی گُناہ دی غلامی نا کریئے۔

رُومِیوں 8:10

تے جے مسِیح تُہاڈے وِچ اے تاں بدن گُناہ دے سبّب مُردہ اے۔ پر رُوح راستبازی دے سبّب زِندہ اے۔

رُومِیوں 8:2

کیوں جو جیہڑی زِندگی مسِیح یِسُوع وِچ اے۔ اوہدے رُوح دی شریعت مَینُوں گُناہ تے مَوت دی شریعت توں چھڈا دِتّا۔

رُومِیوں 8:6

کیوں جو جِسمانی نِیّت مَوت اے پر رُوحانی نِیّت زِندگی تے چَین اے۔

۱-کُرِنتھِیوں 10:33

سو مَیں وی سبھناں گلّاں وِچ سبھناں نُوں خُوش کرنا آں۔ تے اپنا نئیں پر بتھیریاں دا فائدہ لبّھنا آں۔ پئی بچ جان۔

۲-کُرِنتھِیوں 12:10

ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-کُرِنتھِیوں 3:6

جِس سانُوں نَوِیں عہد دے خادم ہون جوگیاں وی کِیتا۔ لفظاں دے خادم نئیں سگوں رُوح دے کیوں جو لفظ مار سُٹّدے نیں پر رُوح جوالدی اے۔

۲-کُرِنتھِیوں 5:16

سو ہُن توں اسی کِسے نُوں جِسم ولّوں نا سنجھاناں گے۔ آں بھانویں مسِیح نُوں وی جِسم ولّوں جانیا سی۔ پر ہُن توں نا جاناں گے۔

گلتِیوں 5:25

جے اسی رُوح دے سببّوں جیونے آں۔ تے رُوح دے طَور نال چلنا وی چاہیدا اے۔

اِفسِیوں 4:17

ایس لئی مَیں ایہہ آکھنا آں تے خُدا ولّوں ایہہ دس دینا آں پئی جِیکن غیر قوماں اپنے واہیات خیالاں وِچ ٹُردیاں نیں۔ تُسی اوس طرح نا ٹُرناں۔

اِفسِیوں 5:14

ایس لئی اوہ آکھدا اے۔ پئی اے سُتّیا ہویا جاگ تے مُردیاں وِچوں جِیو اُٹھ۔ تے مسِیح دا چانن تیرے اُتّے چمکے گا۔

کُلُسِّیوں 2:12

تے اوہدے ای نال بپتِسمے وِچ دبّے گئے تے اوسے وِچ خُدا دی قُوّت اُتّے اِیمان لیا کے اوہدے نال جی وی اُٹھے۔ جِس اوہنوں مُردیاں وِچوں جوالیا۔

کُلُسِّیوں 3:1

سو جے تُسی مسِیح نال جوالے گئے ہو تاں اُتّے دِیاں شیواں نُوں لبّھدے رہو۔ جِتّھے مسِیح رہندا اے تے خُدا دے سَجّے ہتّھ بَیٹھا اے۔

کُلُسِّیوں 3:17

تے کلام یا کمّ جو کُجھ کر دے ہو اوہ سبھ خُداوند یِسُوع دے ناں اُتّے کرو۔ تے اوسے دی راہِیں خُدا باپ دا شُکر کرو۔

کُلُسِّیوں 3:23

جیہڑا کمّ کرو دِل نال کرو۔ ایہہ جان کے پئی خُداوند لئی کر دے اوہ۔ بندیاں واسطے نئیں۔

۱-تھِسّلُنِیکوں 5:10

اوہ ساڈی خاطر ایس لئی مویا۔ پئی اسی بھانویں جاگدے بھانویں سُتّے سارے مِل کے اوسے دے نال جِیوئیے۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

۱-پطرس 4:6

کیوں جو مُردیاں نُوں وی خُوشخبری ایسے لئی سُنائی گئی سی۔ پئی جِسم ولّوں بندیاں وانگر اوہناں دی عدالت ہوئے۔ پر رُوح ولّوں اوہ خُدا دے سببّوں جِیوندے رہن۔

۱-یُوحنّا 4:9

ایتھوں ساڈے نال خُدا دی مُحبّت جاپدی اے۔ پئی خُدا اپنے اِکلَوتے پُتر نُوں دُنیا وِچ گھلّیا اے۔ پئی اسی اوہدی راہِیں جِیوندے رہئے۔

مُکاشفہ 1:18

تے جِیونا ہاں۔ مَیں مر گیا ساں تے ویکھ ہُن ہمیشہ تِیکر جِیوندا رہاں گا۔ تے مَوت تے پاتال دِیاں کُنجیاں میرے کول نیں۔