۲-کُرِنتھِیوں 5:12 - پنجابی نواں عہد نامہ نظرثانی شدہ چھپائی

¹² اسی فیر اپنی نیک نامی تُہاڈے اُتّے نئیں جتاؤندے سگوں اپنے سبّب اسی تُہانوں فخر کرن دا موقع دینے آں تاں جو تُسی اوہناں نُوں جواب دے سکو۔ جیہڑے ظاہر اُتّے شیخی مار دے نیں۔ تے باطن اُتّے نئیں۔

۲-کُرِنتھِیوں 5:12 ပူးပေါင်းရင်းမြစ်များ

۲-کُرِنتھِیوں 1:14

جیویں تُہاڈے وِچوں کئیاں مَن وی لیا اے پئی اسی تُہاڈا فخر آں۔ جیویں ساڈے خُداوند یِسُوع مسِیح دے دِن تُسی وی ساڈا فخر ہوؤ گے۔

۲-کُرِنتھِیوں 10:12

کیوں جو ساڈے وِچ ایہہ حَوصلہ نئیں پئی اپنے آپ نُوں اوہناں بندیاں وِچ رلایئے۔ یاں اوہناں نال کوئی برابری کریئے جیہڑے اپنی نیک نامی جتاؤندے نیں۔ پر اوہ آپ ای اپنے آپ نُوں مَن کے تے اپنے آپ دی اِک دُوجے نال برابری کر کے نادان بن دے نیں۔

۲-کُرِنتھِیوں 10:18

کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۲-کُرِنتھِیوں 10:7

تُسی تے اوہناں شیواں نُوں ویکھدے ہو۔ جیہڑیاں اَکھّیاں اگّے نیں۔ جے کِسے نُوں اپنے اُتّے بھروسا ہوئے۔ پئی اوہ مسِیح دا اے۔ تے اپنے دِل وِچ ایہہ وی سوچ لَوے۔ پئی جیویں اوہ مسِیح دا اے۔ اوسے طرح اسی وی آں۔

۲-کُرِنتھِیوں 10:8

کیوں جو جے مَیں ایس اختیار اُتّے کُجھ وَدّھ فخر وی کراں۔ جیہڑا خُداوند تُہاڈے بنان لئی مَینُوں دِتّا اے۔ تے تُہاڈے وگاڑن لئی نئیں۔ تے مَیں شرمندہ نا ہوواں گا۔

۲-کُرِنتھِیوں 12:11

مَیں مُورکھ تے بنیاں پر تُساں ای مَینُوں لاچار کِیتا کیوں جو تُہانوں میری وڈیائی کرنی چاہیدی سی۔ ایس لئی پئی مَیں اوہناں وڈّیاں رسُولاں نالوں کِسے گلّ وِچ گھٹ نئیں بھانویں کُجھ وی نئیں ساں۔

۲-کُرِنتھِیوں 3:1

کِیہ اسی فیر اپنی نیک نامی دسنی شُروع کرنے آں؟ یا سانُوں کئیاں وانگر نیک نامی دِیاں چِٹّھیاں تُہاڈے کول لیاؤن یا تُہاتھوں لین دی لوڑ اے؟

۲-کُرِنتھِیوں 6:4

سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

فِلِپّیوں 1:26

تے جیہڑا مان تُہانوں میرے اُتّے اے۔ اوہ میرے تُہاڈے کول مُڑ آؤن نال مسِیح یِسُوع وِچ وَدھیرا ہو جائے۔