۲-کُرِنتھِیوں 4:6 - پنجابی نواں عہد نامہ نظرثانی شدہ چھپائی

⁶ ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۲-کُرِنتھِیوں 4:6 ပူးပေါင်းရင်းမြစ်များ

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 11:40

یِسُوع اوہنوں آکھیا مَیں تینُوں نئیں سی آکھیا جے تُوں اِیمان لِیاویں تے خُدا دا جلال ویکھیں گی؟

یُوحنّا 12:41

یسعیاہ ایہہ گلّاں آکھیاں کیوں جو اوس اوہدا جلال دیکھیا تے اوس اوہدیاں گلّاں کِیتیاں۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

۱-کُرِنتھِیوں 12:8

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔

۲-کُرِنتھِیوں 2:10

جِہنُوں تُسی مُعاف کر دے اوہ۔ اوہنوں مَیں وی مُعاف کرنا آں کیوں جو جو کُجھ مَیں مُعاف کِیتا۔ جے کر مَیں کُجھ مُعاف کِیتا اے۔ اوہ مسِیح دا قیم مقام ہو کے تُہاڈی خاطر مُعاف کِیتا۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 1:18

تے تُہاڈے دِل دِیاں اَکھّیاں سوجاکھِیاں ہو جان۔ تاں جو تُہانوں پتا لگّے۔ پئی اوہدے سَدّن توں کیہو جیہی آس اے۔ تے اوہدی میراث دے جلال دی دَولت پاک لوکاں وِچ کیڈی کُو اے۔

اِفسِیوں 5:8

کیوں جو تُسی پہلاں ہنیرا سو۔ ہُن خُداوند وِچ چانن ہو۔ سو چانن دے بچّیاں وانگر چلّو۔

فِلِپّیوں 2:6

اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔

کُلُسِّیوں 1:15

اوہ اَن ویکھے خُدا دی صُورت تے ساری خلقت وِچوں پلیٹھا اے۔

۱-تھِسّلُنِیکوں 2:12

تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 6:4

ایس لئی پئی جِنہاں نُوں اِک واری لو لگ گئی تے اوہناں اسمانی بخشِش دا سواد لے لیا۔ تے پاک رُوح دے سنگی ہوئے۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۲-پطرس 1:19

تے ساڈے کول نبیاں دا اوہ کلام اے جیہڑا وَدّھ اعتبار والا اے۔ تے تُسی چَنگا کر دے ہو جو ایہہ سمجھ کے اوہدے اُتّے دھیان کر دے ہو پئی اوہ اِک دِیوا اے۔ جیہڑا ہنیرے تھاں وِچ چانن کر دا اے۔ جد تِیکر دِن نا چڑھے تے صُبح دا ستارہ تُہاڈے دِلاں وِچ نا چمکے۔