۲-کُرِنتھِیوں 4:4 - پنجابی نواں عہد نامہ نظرثانی شدہ چھپائی

⁴ یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 4:4 ပူးပေါင်းရင်းမြစ်များ

متّی 13:22

تے اوہ جیہڑا ملہیاں وِچ بِیجیا گیا سو اوہ اے جیہڑا کلام سُندا اے تے زمانے دی سوچ فِکر تے دَولت دا دھوکھا کلام نُوں دَبا لَیندا اے تے اوہ اپّھل ہو جاندا اے۔

یُوحنّا 1:14

تے جِسم لیا تے فضل تے سچیائی نال بھرپُور ہو کے ساڈے کول ڈیرہ کِیتا۔ تے اساں اُسدا اجیہا جلال ویکھیا جیویں باپ دے اِکلَوتے دا جلال۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 12:31

ہُن ایس دُنیا دی عدالت ہوندی اے۔ ہُن ایس دُنیا دا سردار باہر کڈھیا جائے گا۔

یُوحنّا 12:35

تَد یِسُوع اوہناں نُوں آکھیا۔ اجے تھوڑا چِر چانن تُہاڈے وِچ اے۔ جِنّاں چِر تُہاڈے وِچ چانن اے ٹُرو پِھرو اجیہا نا ہوئے پئی ہنیرا تُہانوں آگھیرے۔ تے ہنیرے وِچ ٹُرن والے نُوں پتا نئیں لگ دا پئی کِتّھے جاندا اے۔

یُوحنّا 12:40

اوس اوہناں دِیاں اَکھّیاں اَنھیاں کِیتیاں نیں تے اوہناں دے دِل سخت کِیتے۔ کِتے ایویں نا ہوئے پئی اوہ اَکھّیاں نال ویکھن تے دِل نال سمجھن تے مُڑن تے مَیں اوہناں نُوں ولّ کراں۔

یُوحنّا 12:45

تے اوہ جیہڑا مَینُوں ویکھدا اے میرے گھلّن والے نُوں ویکھدا اے۔

یُوحنّا 14:30

ایدوں پِچّھوں مَیں تُہاڈے نال بُہت گلّاں نا کراں گا کیوں جو دُنیا دا سردار آؤندا اے تے میرے وِچ اوہدا کُجھ نئیں اے۔

یُوحنّا 15:24

جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 16:11

عدالت دی بابت ایس لئی پئی دُنیا دا سردار مُجرم کِیتا گیا۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

اعمال 26:23

پئی مسِیح ضرُور دُکھ سہے گا۔ تے مُردیاں وِچوں اُٹھ کے ایس قوم نُوں تے غیر قوماں نُوں وی پہلاں اوہ ای چانن دی خبر دے گا۔

۱-کُرِنتھِیوں 10:20

نئیں مَیں سگوں ایہہ آکھنا آں پئی جیہڑی قُربانی غیر قوماں کر دیاں نیں۔ شیطاناں اگّے قُربانی کر دیاں نیں نا خُدا اگّے۔ تے مَیں نئیں چاہندا پئی تُسی شیطاناں دے شریک ہوؤو۔

۲-کُرِنتھِیوں 2:11

تاں جو شیطان دا ساڈے اُتّے داء نا چلّے کیوں جو اسی ایہدیاں فریباں توں ناواقِف نئیں آں۔

۲-کُرِنتھِیوں 2:12

تے جد مَیں مسِیح دی خُوشخبری دین لئی تروآس وِچ آیا۔ تے خُداوند وِچ میرے لئی بُوہا کُھل گیا۔

۲-کُرِنتھِیوں 3:11

کیوں جو جد مِٹن والی شے جلال والی سی تے باقی رہن والی شے تے ضرُور ای جلال والی ہوئے گی۔

۲-کُرِنتھِیوں 3:14

پر اوہناں دے دِل سخت ہوگئے۔ کیوں جو اَج توڑی پرانے عہد نامے نُوں پڑھدیاں اوہناں دے دِلاں اُتّے اوہو پردہ پیا رہندا اے۔ تے اوہ مسِیح وِچ اُٹھایا جاندا اے۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 1:4

جِس ساڈیاں گُناہاں دے بدلے اپنے آپ نُوں قُربان کر دِتّا۔ ایس کر کے پئی ساڈے خُدا تے باپ دی مرضی دے سببّوں سانُوں ہُن وی بَھیڑی دُنیا توں چھڈائے۔

اِفسِیوں 2:2

جِنہاں وِچ تُسی پہلاں ایس دُنیا دی چال اُتّے ٹُر دے سو۔ وَا دے پتّے دے حاکم یعنی اوس رُوح دے مگر مگر ٹُردے سو۔ جیہڑی ہُن نافرمان لوکاں وِچ اثر کر دی اے۔

اِفسِیوں 6:12

کیوں جو اساں لہو تے جِسم نال نئیں سگوں اساں حکُومت تے اختیار والیاں تے ایس دُنیا دے ہنیرے دِیاں حاکماں تے شرارت دِیاں رُوحانی فَوجاں نال گُھلنا اے۔ جیہڑیاں اسمانی تھانواں وِچ نیں۔

فِلِپّیوں 2:6

اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔

کُلُسِّیوں 1:15

اوہ اَن ویکھے خُدا دی صُورت تے ساری خلقت وِچوں پلیٹھا اے۔

کُلُسِّیوں 1:27

جِنہاں اُتّے خُدا ظاہر کرنا چاہندا سی۔ پئی غیر قوماں وِچ اوس بھیت دے جلال دی دَولت کیہو جیہی اے۔ تے اوہ ایہہ اے۔ پئی مسِیح جیہڑا جلال دی آس اے۔ تُہاڈے وِچ رہندا اے۔

۱-تِیمُتِھیُس 1:11

ایہہ مُبارک خُدا دے جلال دی اوس خُوشخبری دے سببّوں اے۔ جیہڑی میرے سپُرد ہوئی اے۔

طِطُس 2:13

تے اوس مُبارک آس یعنی اپنے بزُرگ خُدا تے نجات دین والے یِسُوع مسِیح دے جلال دے ظاہر ہون دی اُڈِیک وِچ رہئے۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔

عِبرانیوں 6:4

ایس لئی پئی جِنہاں نُوں اِک واری لو لگ گئی تے اوہناں اسمانی بخشِش دا سواد لے لیا۔ تے پاک رُوح دے سنگی ہوئے۔

۲-پطرس 1:19

تے ساڈے کول نبیاں دا اوہ کلام اے جیہڑا وَدّھ اعتبار والا اے۔ تے تُسی چَنگا کر دے ہو جو ایہہ سمجھ کے اوہدے اُتّے دھیان کر دے ہو پئی اوہ اِک دِیوا اے۔ جیہڑا ہنیرے تھاں وِچ چانن کر دا اے۔ جد تِیکر دِن نا چڑھے تے صُبح دا ستارہ تُہاڈے دِلاں وِچ نا چمکے۔

۱-یُوحنّا 2:11

پر جیہڑا اپنے بھرا نال وَیر رکھدا اے اوہ ہنیرے وِچ ای اے۔ تے ہنیرے وِچ ٹُردا اے۔ تے اوہنوں پتا نئیں پئی مَیں کِتّھے لگا جاناں آں کیوں جو ہنیرے اوہدیاں اَکھّیاں اَنھیاں کر چھڈیاں نیں۔

۱-یُوحنّا 2:8

فیر تُہانوں اِک نواں حُکم لِکھناں آں۔ تے ایہہ گلّ اوہدے اُتّے تے تُہاڈے اُتّے ٹھیک آؤندی اے۔ کیوں جو ہنیرا ہَٹ دا جاندا اے تے سَچّا چانن چمکن لگ پیا اے۔

۱-یُوحنّا 5:19

سانُوں پتا اے پئی اسی خُدا ولّوں آں تے ساری دُنیا اوس شریر دے ہتّھ وِچ پئی ہوئی اے۔