۲-کُرِنتھِیوں 4:18 - پنجابی نواں عہد نامہ نظرثانی شدہ چھپائی

¹⁸ جِس حال اسی ویکھیاں ہویاں شیواں اُتّے نئیں سگوں اَن ویکھیاں شیواں اُتّے نِگاہ کرنے آں۔ کیوں جو ویکھیاں ہویاں شیواں تھوڑیاں دِناں دِیاں نیں۔ پر اَن ویکھیاں شیواں سدا رہن والیاں نیں۔

۲-کُرِنتھِیوں 4:18 ပူးပေါင်းရင်းမြစ်များ

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

۲-کُرِنتھِیوں 5:7

کیوں جو اسی اِیمان نال ٹُرنے آں نا اَکھّیں ویکھے اُتّے۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

عِبرانیوں 11:1

ہُن اِیمان آس کِیتیاں ہویاں شیواں دا پَکّ تے اَن ڈِٹھ شیواں دا ثبُوت اے۔

عِبرانیوں 11:13

ایہہ سارے اِیمان وِچ مر گئے تے وعدے دِیاں شیواں نئیں ساں لَیاں سگوں دُوروں ای ویکھ کے اوہناں نُوں چاء چڑھیا تے مَن لیا پئی اسی دُنیا اُتّے پردیسی تے راہی آں۔

عِبرانیوں 9:11

پر جد مسِیح آؤن والِیاں چَنگیاں شیواں دا سردار کاہِن ہو کے آیا یعنی ایدوں وڈّے تے کامِل تنبُو دے راہ آیا جیہڑا ہتّھاں دا یعنی ایس دُنیا دا بنایا ہویا نئیں۔

۱-یُوحنّا 2:25

تے جیہڑی گلّ دا اوس ساڈے نال وعدہ کِیتا اے اوہ سدا دی زِندگی اے۔