۲-کُرِنتھِیوں 2:7 - پنجابی نواں عہد نامہ نظرثانی شدہ چھپائی

⁷ سو اوہدے بدلے وِچ ایہو چَنگا اے پئی اوہدا قصور مُعاف کرو۔ تے تسلّی دیو تاں جو اوہ بُہتے غم دے سبّب برباد نا ہو جائے۔

۲-کُرِنتھِیوں 2:7 ပူးပေါင်းရင်းမြစ်များ

۱-کُرِنتھِیوں 15:54

تے جدوں ایہہ ناس ہون والا جِسم بقا دا جامہ پائے گا۔ تے ایہہ مرن والا جِسم سدا دی زِندگی دا جامہ پا لے گا۔ تاں اوہ گلّ پُوری ہوئے گی۔ جیہڑی لِکھی اے۔ پئی مَوت فتح دی بُرکی بن گئی۔

۲-کُرِنتھِیوں 2:8

ایس لئی مَیں تُہاڈی مِنّت کرنا آں پئی اوہدی بابت اپنی مُحبّت نُوں پَکیّاں کرو۔

۲-کُرِنتھِیوں 5:4

کیوں جو اسی ایس ڈیرے وِچ رہ کے بھار دیاں مارِیاں کُرلاؤندے آں۔ ایس کر کے نئیں پئی ایہہ پوشاک لاہنی چاہنے آں۔ سگوں ایس اُتّے ہور پانی چاہنے آں۔ تاں جو اوہ جیہڑی فنا ہو جان والی اے۔ زِندگی دے وِچ ڈُب جائے۔

۲-کُرِنتھِیوں 7:10

کیوں جو خُدا پرستی دا غم اجیہی تَوبہ پَیدا کر دا اے جِہدا نتیجہ نجات اے۔ تے اوہدے توں پچھتانا نئیں پَیندا۔ پر دُنیا دا غم مَوت پَیدا کر دا اے۔

اِفسِیوں 4:32

تے اِک دُوجے اُتّے مہربان تے نرم دِل ہوؤ۔ تے جیویں مسِیح دے سببّوں خُدا ساڈے قصور بخش دِتّے نیں۔ تُسی وی اِک دُوجے نُوں بخشو۔

فِلِپّیوں 2:27

بے شک اوہ بیماری نال مرن والا ہویا سی۔ پر خُدا اوہدے اُتّے رَحم کِیتا۔ تے نِرا اوسے اُتّے ای نئیں۔ سگوں میرے اُتّے وی۔ تاں جو مَینُوں غم اُتّے غم نا ہوئے۔

کُلُسِّیوں 3:13

جے کِسے نُوں دُوجے دی شکایت ہوئے تے اِک دُوجے دی برداشت کرے۔ تے اِک دُوجے دے قصور مُعاف کرے۔ جیویں خُداوند تُہاڈے قصور مُعاف کِیتے نیں اوسے طرح تُسی وی کرو۔

۱-تھِسّلُنِیکوں 4:13

پر بھراؤ! اسی نئیں چاہندے۔ پئی تُسی اوہناں ولّوں نا واقف رہو۔ جیہڑے سَوں جاندے نیں۔ تاں جو تُسی ہورناں وانگر جیہڑے نا آس نیں غم نا کرو۔

۲-تھِسّلُنِیکوں 3:6

ہُن بھراؤ! اسی اپنے خُداوند یِسُوع مسِیح دے ناں وِچ تُہانوں حُکم دینے آں پئی اجیہے ہر اِک بھرا توں بچے رہو۔ جیہڑا بے قاعدہ ٹُردا اے تے اوس روائت اُتّے عمل نئیں کر دا جیہڑی اوہنوں ساڈے ولّوں مِلی اے۔