۲-کُرِنتھِیوں 2:12 - پنجابی نواں عہد نامہ نظرثانی شدہ چھپائی

¹² تے جد مَیں مسِیح دی خُوشخبری دین لئی تروآس وِچ آیا۔ تے خُداوند وِچ میرے لئی بُوہا کُھل گیا۔

۲-کُرِنتھِیوں 2:12 ပူးပေါင်းရင်းမြစ်များ

اعمال 14:27

تے اوتھے اَپڑ کے کلِیسیا نُوں اکٹّھا کِیتا۔ تے اوہناں نُوں خبر دِتّی۔ پئی خُدا نے ساڈی راہِیں کِیہ کِیہ کمّ کِیتے۔ تے غیر قوماں دے اگّے اِیمان دا بُوہا کھول دِتّا۔

اعمال 16:11

سو تروآس توں جہاز وِچ بَہہ کے سِدّھے سمُتراکے نُوں آئے۔ تے دُوجے دِن نیاپُلِس وِچ۔

اعمال 16:8

سو مُوسیہ دے کولوں لنگھ کے اوہ تروآس وِچ آئے۔

اعمال 20:8

تے اوس چوبارے وِچ جِتّھے اسی اکٹّھے ہوئے ساں۔ بتھیرے دِیوے بَلدے سن۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

۱-کُرِنتھِیوں 16:9

کیوں جو میرے لئی اِک وَڈا سارے کمّ دا بُوہا لتّھا اے۔ تے وَیری بتھیرے نیں۔

۱-کُرِنتھِیوں 9:12

جے ہورناں دا تُہاڈے اُتّے ایہہ اختیار اے تے ساڈا اوہدے نالوں وَدّھ نا ہوئے گا؟ پر اساں اختیار نال کمّ نا لیا۔ سگوں ہر شے دی برداشت کرنے آں۔ تاں جو ساڈے سبّبوں یِسُوع مسِیح دی خُوشخبری وِچ اڑِکا نا ہوئے۔

۱-کُرِنتھِیوں 9:14

ایسے طرح خُداوند وی حُکم دِتّا اے۔ پئی خُوشخبری سُنان والے خُوشخبری دی راہِیں گذارہ کرن۔

۱-کُرِنتھِیوں 9:16

جے خُوشخبری سُناواں تے میرا کوئی فخر نئیں کیوں جو ایہہ تے میرے لئی ضرُوری گلّ اے۔ سگوں میرے اُتّے افسوس اے جے خُوشخبری نا سُناواں۔

۲-کُرِنتھِیوں 10:14

کیوں جو اسی اپنے آپ نُوں حدّوں وَدّھ نئیں وَدھاندے جِہیا تُہاڈے کول نا اپڑن ویلے ہوندا۔ سگوں اسی مسِیح دی خُوشخبری دیندے ہوئے تُہاڈے کول اَپڑ گئے ساں۔

۲-کُرِنتھِیوں 11:4

کیوں جو جیہڑا آؤندا اے جے اوہ کِسے دُوجے یِسُوع دی منادی کر دا اے۔ جِہدی اساں منادی نئیں کِیتی۔ یا کوئی ہور رُوح تُہانوں مِلدا اے۔ جیہڑا نئیں سی مِلیا۔ یا دُوجی خُوشخبری مِلی۔ جِہنُوں تُساں قبول نئیں سی کِیتا۔ تے تُہاڈا سہہ لینا ٹھیک اے

۲-کُرِنتھِیوں 11:7

کِیہ ایہہ مَیتھوں خطا ہوئی؟ پئی مَیں تُہانوں خُدا دی خُوشخبری مُفت اپڑا کے اپنے آپ نُوں نِیویاں کِیتا۔ تاں جو تُسی اُچّے ہو جاؤ؟

۲-کُرِنتھِیوں 4:3

تے جے ساڈی خُوشخبری اُتّے پردہ پیا ہویا اے۔ تے ہلاک ہون والیاں ای دے لئی پیا اے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

۲-کُرِنتھِیوں 8:18

تے اساں اوہدے نال اوس بھرا نُوں گھلّیا۔ جِہدی وڈیائی خُوشخبری دے سبّب سارِیاں کلِیسیاواں وِچ ہوندی اے۔

۲-کُرِنتھِیوں 9:13

ایس لئی پئی جیہڑی نِیّت ایس خِدمت توں ثابت ہوئی اوہدے سببّوں اوہ خُدا دی وڈیائی کر دے نیں پئی تُسی مسِیح دی خُوشخبری دا اِقرار کر کے اوہدے اُتّے تابعداری نال عمل کر دے ہو۔ تے اوہناں دی تے ساریاں لوکاں دی مدد کرن وِچ سخی ہو۔

کُلُسِّیوں 4:3

تے نال نال ساڈے لئی وی دُعا منگیا کرو پئی خُدا ساڈے اُتّے کلام دا بُوہا کھولے۔ تاں جو مَیں مسِیح دا اوہ بھیت بیان کراں جِہدے سببّوں بَدّھا ہویا آں۔

۱-تھِسّلُنِیکوں 3:2

تے اساں تِیمُتِھیُس نُوں جیہڑا ساڈا بھرا تے مسِیح دی خُوشخبری وِچ خُدا دا نوکر اے۔ ایسے واسطے گھلّیا پئی اوہ تُہانوں پَکیّاں کرے۔ تے تُہاڈے اِیمان ولّوں تُہانوں تسلّی دیوے۔