۲-کُرِنتھِیوں 13:7 - پنجابی نواں عہد نامہ نظرثانی شدہ چھپائی

⁷ تے اسی خُدا توں دُعا منگنے آں۔ پئی تُسی کوئی بُریائی نا کرو۔ نا ایس لئی پئی اسی قبولے ہوئے معلُوم ہوئے۔ سگوں ایس لئی پئی تُسی نیکی کرو۔ بھانویں اسی نامقبُول وی ٹھہریئے۔

۲-کُرِنتھِیوں 13:7 ပူးပေါင်းရင်းမြစ်များ

متّی 6:13

تے سانُوں ازمایش وِچ نا لیا۔ سگوں بُریائی توں بچا [کیوں جو بادشاہی تے قُدرت تے جلال ہمیشہ تِیکر تیرے ای نیں۔ آمِین۔]

یُوحنّا 17:15

میری ایہہ درخواست نئیں اے پئی تُوں اوہناں نُوں دُنیا وِچوں چُک لَویں پر ایہہ پئی تُوں اوس شریر توں اوہناں دی راکھی کر۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 12:17

بدی دے بدلے کِسے نال بدی نا کرو۔ جیہڑیاں گلّاں سبھناں نُوں چَنگیاں لگدِیاں نیں اوہناں نُوں سوچو۔

رُومِیوں 13:13

جیویں دِن نُوں چاہیدا اے۔ بھلمانسی نال چلیئے۔ نا لُچ پنیاں تے نشیاں وِچ۔ نا حرامکاری تے بدماشِیاں وِچ۔ نا جھگڑے تے ساڑے وِچ۔

رُومِیوں 16:10

اَپلِّیس نُوں جیہڑا مسِیح وِچ مقبُول اے۔ سلام آکھنا۔ اَرِستُِبُولُس دے گھر دیاں نُوں میرا سلام آکھو۔

۱-کُرِنتھِیوں 11:19

کیوں جو تُہاڈے وِچ بِدعتاں دا ہونا ضرُوری اے۔ تاں جو پَتا لگ جائے پئی تُہاڈے وِچ قبول کِیتے ہوئے کیہڑے کیہڑے نیں۔

۲-کُرِنتھِیوں 10:10

کیوں جو آکھدے نیں پئی اوہدے خط تے ضرُور تاثِیر کرن والے زبردست نیں پر جد آپی موجُود ہوندا اے۔ تے ماڑا جِہیا معلُوم ہوندا اے۔ تے اوہدا بولنا ایویں کوِیں ای اے۔

۲-کُرِنتھِیوں 10:18

کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۲-کُرِنتھِیوں 13:6

پر مَیں آس رکھنا آں پئی تُسی معلُوم کر لو گے پئی اسی تے نامقبُول نئیں۔

۲-کُرِنتھِیوں 13:8

کیوں جو اسی سچیائی دے برخلاف کُجھ نئیں کر سکدے۔ پر نِرا سچیائی دے لئی کر سکنے آں۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

۲-کُرِنتھِیوں 6:4

سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

۲-کُرِنتھِیوں 8:21

کیوں جو اسی اجیہی شیواں دی تدبیر کرنے آں جیہڑیاں نا نِریاں خُداوند دے اگّے بھلیاں نیں سگوں بندیاں دے اگّے وی۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۱-تِیمُتِھیُس 2:2

بادشاہاں تے اُچّے رُتبے والیاں واسطے ایس لئی کِیتے جان۔ پئی اسی پُوری دِینداری تے حلِیمی تے امن تے ارمان نال زِندگی کِٹئے۔

۲-تِیمُتِھیُس 2:15

اپنے آپ نُوں خُدا دے سامھنے مقبُول تے اجیہے کمّ کرن والے وانگر پیش کرن دی کوشش کر جِہنُوں شرمندہ ہونا نا پَوے۔ جیہڑا سَچّے کلام نُوں چج نال کمّ وِچ لیاؤندا اے۔

۲-تِیمُتِھیُس 4:18

خُداوند ہر اِک بُرے کمّ توں بچاوے گا۔ تے اپنی اسمانی بادشاہی وِچ صحِیح سلامت اَپڑائے گا۔ اوہدا جلال سدا تِیکر ہوندا رہے آمِین۔

یعقُوب 1:12

دھنّ اوہ بندہ اے جیہڑا ازمایش سہندا اے کیوں جو اوہ جدوں قبول ہویا تے اوہنوں زِندگی دا اوہ تاج مِلے گا۔ جِہدا خُداوند اپنیاں پیار کرن والیاں نال وعدہ کِیتا اے۔

۱-پطرس 2:12

تے غیر قوماں وِچ اپنا چال چَلّن نیک رکھو۔ تاں جو جیہڑیاں گلّاں وِچ اوہ تُہانوں بدکار جان کے تُہاڈے اُتّے عیب لاندے نیں تُہاڈے نیک کمّاں نُوں ویکھ کے اوہناں دے سببّوں پڑتال دے دِہاڑے خُدا دی وڈیائی کرن۔