۲-کُرِنتھِیوں 13:14 - پنجابی نواں عہد نامہ نظرثانی شدہ چھپائی

¹⁴ خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

۲-کُرِنتھِیوں 13:14 ပူးပေါင်းရင်းမြစ်များ

متّی 6:13

تے سانُوں ازمایش وِچ نا لیا۔ سگوں بُریائی توں بچا [کیوں جو بادشاہی تے قُدرت تے جلال ہمیشہ تِیکر تیرے ای نیں۔ آمِین۔]

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 4:14

پر جیہڑا اوس پانی توں پِیوے جیہڑا مَیں اوہنوں دیاں گا۔ اوہ کدی تریہایا نا ہوئے گا۔ پر جیہڑا پانی مَیں اوہنوں دیاں گا۔ اوہ اوہدے وِچ اِک چشمہ بن جاوے گا جیہڑا سدا دی زِندگی لئی وگدا رہے گا۔

یُوحنّا 7:38

اوہ جیہڑا میرے اُتّے اِیمان لیاؤندا اے جیہا کتابِ مُقدّس آکھدی اے اوہدے ڈِھڈ وِچوں جیون دے پانی دِیاں ندیاں وَگن گِیاں۔

اعمال 15:11

سگوں سانُوں یقِین اے۔ پئی جیویں اوہناں نُوں اوسے طرح سانُوں وی خُداوند یِسُوع دے فضل نال نجات مِلے گی۔

رُومِیوں 1:7

اوہناں ساریاں دے ناں جیہڑے رُومہ وِچ خُدا دے پیارے پاک ہون لئی سَدّے گئے نیں۔ ساڈے باپ خُدا تے خُداوند یِسُوع مسِیح ولّوں تُہانوں فضل تے سلامتی مِلدی رئے۔

رُومِیوں 16:20

تسلّی دا خُدا چھیتی تُہاڈے پیراں ہیٹھ شیطان نُوں لتاڑے گا۔ ساڈے خُداوند یِسُوع مسِیح دا فضل تُہاڈے نال ہوئے۔

رُومِیوں 16:23

گَیُس جِہدے مَیں تے ساری کلِیسیا پَروہنے آں۔ تُہانوں سلام آکھدا اے۔ اِراستُس جیہڑا شہر دا خزانچی اے۔ تے بھرا کوارتُس تُہانوں سلام آکھدے نیں۔

رُومِیوں 16:27

اوسے اکلّے سیانپ والے خُدا دی۔ یِسُوع مسِیح دی راہِیں سدا وڈیائی ہوئے۔ آمِین

رُومِیوں 5:5

تے آس شرمندہ ایس لئی نئیں کر دی۔ پئی خُدا دی مُحبّت پاک رُوح دی راہِیں جیہڑا سانُوں دِتّا گیا ساڈے دِلاں وِچ پائی ہوئی اے۔

رُومِیوں 8:39

نا اُچیائی نا ڈونگھیائی تے نا کوئی ہور مخلُوق سانُوں خُدا دی اوس مُحبّت توں جیہڑی یِسُوع مسِیح ساڈے خُداوند وِچ اے وَکھ کر سکے گی۔

رُومِیوں 8:9

پر تُسی جِسمانی نئیں سگوں رُوحانی ہو۔ جے خُدا دا رُوح تُہاڈے وِچ وَسدا ہوئے۔ پر جِہدے وِچ مسِیح دا رُوح نئیں اوہ اوہدا نئیں اے۔

۱-کُرِنتھِیوں 12:13

کیوں جو اساں ساریاں بھانویں یہُودی ہوئے بھانویں یُونانی بھانویں غلام بھانویں اَزاد اِکّو رُوح دی راہِیں اِک جِسم ہون لئی بپتِسمہ لیا تے سبھناں نُوں اِکّو رُوح پیا یا گیا۔

۱-کُرِنتھِیوں 14:16

نئیں تے جے تُوں رُوح نال ای حمد کریں گا تے ناواقِف بندہ تیری شُکر گُزاری اُتّے آمِین کِس طرح آکھے گا؟ ایس لئی پئی اوہ نئیں جان دا پئی توں کِیہ آکھنا ایں۔

۱-کُرِنتھِیوں 16:23

خُداوند یِسُوع مسِیح دا فصل تُہاڈے اُتّے ہوندا رہے۔

۱-کُرِنتھِیوں 3:16

تُسی نئیں جان دے ہو۔ پئی تُسی خُدا دی ہیکل ہو تے خُدا دا رُوح تُہاڈے وِچ وَسدا اے؟

۱-کُرِنتھِیوں 6:19

تُسی نئیں جان دے پئی تُہاڈا بدن پاک رُوح دی ہیکل اے جیہڑا تُہاڈے وِچ وَسدا اے۔ تے تُہانوں خُدا ولّوں مِلیا اے۔ تے تُسی اپنے نئیں۔

۲-کُرِنتھِیوں 8:9

کیوں جو تُسی ساڈے خُداوند یِسُوع مسِیح دے فضل نُوں جان دے اوہ۔ پئی اوہ بھانویں دَولتمند سی پر تُہاڈی خاطر غرِیب بن گیا۔ تاں جو تُسی اوہدی غرِیبی دے سبّب دَولت مند بن جاؤ۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

اِفسِیوں 2:18

کیوں جو اوسے دی راہِیں ساڈی دوہاں دی اِکّو جِہی رُوح وِچ باپ کول ڈھوئی اے۔

اِفسِیوں 2:22

تے تُسی وی اوہدے وِچ رَل کے اُسارے جاندے ہو۔ تاں جو رُوح وِچ خُدا دا گھر بنو۔

اِفسِیوں 5:9

(ایس لئی پئی چانن دا پَھل پُوری نیکی تے راستبازی تے سچیائی اے۔)

اِفسِیوں 6:23

خُدا باپ تے خُداوند یِسُوع مسِیح ولّوں بھراواں نُوں تسلّی مِلے۔ تے اوہناں وِچ اِیمان دے نال مُحبّت ہوئے۔

فِلِپّیوں 2:1

ایس لئی جیکر مسِیح وِچ کُجھ نصِیحت اے تے جیکر کُجھ مُحبّت پاروں دلاسا اے تے جیکر رُوح دی کُجھ سانجھ اے تے جیکر کُجھ کھِچّ پِیڑ اے۔

۱-یُوحنّا 1:3

جو کُجھ اساں ویکھیا تے سُنیا اے۔ تُہانوں وی اوہ دسنے آں۔ تاں جو تُسی وی ساڈے نال سنگت رکھو۔ تے ساڈی سنگت باپ دے نال تے اوہدے پُتر یِسُوع مسِیح دے نال اے۔

۱-یُوحنّا 3:16

اساں مُحبّت نُوں ایتھوں ای پہچانیا اے۔ پئی اوس ساڈے لئی جان دے دِتّی تے سانُوں وی بھرا نُوں لئی جان دینی چاہیدی اے۔

۱-یُوحنّا 3:24

تے جیہڑا اوہدے حُکماں نُوں مَندا اے اوہ ایہدے وِچ رہندا اے۔ تے ایہہ اوہدے وِچ۔ تے اوس رُوح توں جیہڑا اوس سانُوں دِتّا اے اسی جاننے آں پئی اوہ ساڈے وِچ رہندا اے۔

یہُوداہ 1:21

اپنے آپ نُوں خُدا دی مُحبّت وِچ پَکیّاں رکھو۔ تے سدا دی زِندگی لئی ساڈے خُداوند یِسُوع مسِیح دی رحمت دی اُڈِیک رکھو۔