۲-کُرِنتھِیوں 13:11 - پنجابی نواں عہد نامہ نظرثانی شدہ چھپائی

¹¹ سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

۲-کُرِنتھِیوں 13:11 ပူးပေါင်းရင်းမြစ်များ

متّی 1:23

”ویکھو اِک کواری جمّن والی ہوئے گی تے اوہدے ولّ پُتر ہوئے گا۔ تے اوہدا ناں عمانوایل رکھن گے۔ جِہدا مطلب اے خُدا ساڈے نال۔“

متّی 5:48

سو تُسی کامِل ہوؤو جیویں تُہاڈا اسمانی باپ کامِل اے۔

مرقس 10:49

تَد یِسُوع کھلو کے آکھیا پئی اوہنوں سَدّ لوؤ۔ تے اوہناں اوس اَنھے نُوں ایہہ آکھ کے سدّیا پئی حَوصلہ کر۔ اُٹھ اوہ تینُوں سدّدا اے۔

مرقس 9:50

لُون چنگی شے اے۔ پر جیکر لُون بے سوادا ہو جائے تے کاہدے نال اوہنوں مزیدار کرو گے؟ سو اپنے وِچ لُون رکھو تے آپو وِچ مِلے رہو۔

لُوقا 9:61

اِک ہور نے وی آکھیا اَے خُداوند۔ مَیں تیرے مگر ٹُراں گا۔ پر پہلاں مَینُوں اجازت دے۔ پئی اپنے گھر دے لوکاں توں وِداع ہو آواں۔

یُوحنّا 17:23

مَیں اوہناں وِچ تے تُوں میرے وِچ تاں جو کامِل ہو کے اِک ہو جان۔ تے دُنیا جانے پئی تُوں مَینُوں گھلّیا۔ تے جِس طرح تُوں مَینُوں پیار کِیتا اوسے طرح تُوں اوہناں نُوں وی پیار کِیتا۔

اعمال 15:29

پئی تُسی بُتاں دے چڑھاویاں توں۔ تے لہو توں۔ تے گل گُھٹّیاں ہویاں شیواں توں۔ تے حرامکاری توں بچے رہو۔ جے تُسی ایہناں شیواں توں اپنے آپ نُوں بچائے رکھو گے۔ تاں چَنگا کرو گے۔ سلامت رہو۔

اعمال 18:21

سگوں ایہہ آکھ کے۔ پئی جے خُدا چاہے تُہاڈے کول مُڑ آواں گا۔ تے اوہ اوہناں توں وِداع ہویا۔ تے جہاز اُتّے چڑھ کے اِفِسُس توں ٹُر پیا۔

اعمال 23:30

تے جدوں مَینُوں خبر ہوئی۔ پئی اوہدے اُتّے مَتا پکُّو اے۔ اوس ویلے مَیں اوہنوں تیرے کول گھل دِتّا۔ تے اوہدے مُدّعیاں نُوں وی حُکم کِیتا پئی تیرے اگّے اوہدے اُتّے دعویٰ کرن۔

رُومِیوں 12:16

آپو وِچ اِکّو جِہیا خیال رکھو۔ اُچّے اُچّے خیال نا بنھنو۔ سگوں نِیویاں ولّ دھیان کرو۔ اپنے ولّوں سِیانے نا بن بَیٹھو۔

رُومِیوں 12:18

جِتّھوں تِیکر ہو سکے۔ ساریاں لوکاں نال صُلح رکھو۔

رُومِیوں 14:19

سو آؤ اسی اوہناں گلّاں دا پِچھّا کریئے۔ جِنہاں توں میل ملاپ تے اِک دُوجے دی ترقی ہوئے۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

رُومِیوں 15:33

ہُن تسلّی دا خُدا تُہاڈے سبھناں نال ہوئے آمِین۔

رُومِیوں 16:20

تسلّی دا خُدا چھیتی تُہاڈے پیراں ہیٹھ شیطان نُوں لتاڑے گا۔ ساڈے خُداوند یِسُوع مسِیح دا فضل تُہاڈے نال ہوئے۔

۱-کُرِنتھِیوں 1:10

ہُن بھراؤ! مَیں یِسُوع مسِیح دا جیہڑا ساڈا خُداوند اے ناں یاد دوا کے تُہاڈے اگّے مِنّت کرنا آں۔ پئی اِکّو جِہی گلّ آکھو تے تُہاڈے وِچ دُوجا پن نا ہوئے۔ سگوں آپو وِچ اِک دِل تے اِک صلاح ہو کے کامِل بنے رہو۔

۲-کُرِنتھِیوں 1:4

اوہ ساڈیاں سارِیاں مُصِیبتاں وِچ سانُوں تسلّی دیندا اے۔ تاں جو اسی اوس تسلّی دے سبّب جیہڑی خُدا سانُوں دیندا اے۔ اوہناں نُوں وی تسلّی دے سکِئے۔ جیہڑے کِسے نا کِسے طرح دی مُصِیبت وِچ پئے ہوئے نیں۔

۲-کُرِنتھِیوں 13:14

خُداوند یِسُوع مسِیح دا فضل تے خُدا دی مُحبّت تے پاک رُوح دی سنگت تُہاڈے سبھناں نال ہوندی رہے۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

اِفسِیوں 4:12

تاں جو پاک لوک کامِل بنن تے سیوا دا کمّ کِیتا جائے۔ تے مسِیح دا جِسم وَدھے۔

اِفسِیوں 4:3

تے ایہو ای کوشش کر دے رہو۔ پئی رُوح دی اِکتائی صُلح دے بند نال بَدّھی رہے۔

اِفسِیوں 6:23

خُدا باپ تے خُداوند یِسُوع مسِیح ولّوں بھراواں نُوں تسلّی مِلے۔ تے اوہناں وِچ اِیمان دے نال مُحبّت ہوئے۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

فِلِپّیوں 3:16

تَد وی جِتّھوں تِیکر اسی پُجے آں اوسے ای سیدھ اُتّے ٹُریئے۔

فِلِپّیوں 4:2

مَیں یُوؤدیہ نُوں وی نصِیحت کرنا آں تے سنُتخے نُوں وی پئی اوہ خُداوند وِچ اِک دِل ہون۔

فِلِپّیوں 4:4

خُداوند وِچ ہرویلے خُوش رہو۔ فیر آکھنا آں۔ پئی خُوش رہو۔

فِلِپّیوں 4:9

جیہڑیاں گلّاں تُساں مَیتھوں سِکھیاں تے پائیاں تے سُنیاں تے میرے وِچ ویکھیاں نیں اوہناں اُتّے عمل کرو۔ تے جیہڑا تسلّی دا خُدا اے۔ تُہاڈے نال رہے گا۔

۱-تھِسّلُنِیکوں 3:10

اسی دِنے راتِیں بُہت وَدّھ کے دُعا منگنے آں۔ پئی تُہاڈی صُورت ویکھئے۔ تے تُہاڈے اِیمان دے گھاٹے نُوں پُوریاں کرئیے۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۱-تھِسّلُنِیکوں 4:18

سو تُسی ایہناں گلّاں نال اِک دُوجے نُوں تسلّی دَیا کرو۔

۱-تھِسّلُنِیکوں 5:13

تے اوہناں دے کمّ دے سبّب مُحبّت نال اوہناں دی بُہتی عِزّت کرو۔ تے آپو وِچ میل ملاپ رکھو۔

۱-تھِسّلُنِیکوں 5:16

ہر ویلے خُوش رہو۔

۱-تھِسّلُنِیکوں 5:23

خُدا جیہڑا تسلّی دا چشمہ اے آپ تُہانوں بالکل پاک کرے تے تُہاڈی رُوح تے جان تے بدن ساڈے خُداوند یِسُوع مسِیح دے آؤن تِیکر ثابت ثبُوت تے بے عیب بچے رہن۔

۲-تھِسّلُنِیکوں 2:16

ہُن ساڈا خُداوند یِسُوع مسِیح آپ تے ساڈا باپ خُدا جِس ساڈے نال مُحبّت رکھی تے فضل نال سدا دی تسلّی تے چنگی آس سانُوں بخشی۔

۲-تھِسّلُنِیکوں 3:1

سو بھراؤ! ساڈے حق اندر دُعا کرو۔ پئی خُدا دا کلام ایڈی چھیتی پھیل جائے۔ تے جلال پائے۔ جیویں تُہاڈے وِچ۔

۲-تھِسّلُنِیکوں 3:16

ہُن تسلّی دا خُداوند آپے تُہانوں ہمیشہ تے ہر طرح نال تسلّی بخشے۔ خُداوند تُہاڈے سبھناں نال رہے۔

۲-تِیمُتِھیُس 2:22

جوانی دِیاں خواہشاں توں بچ۔ جیہڑے صاف دِلی نال خُداوند توں دُعا منگدے نیں۔ اوہناں دے نال راستبازی تے اِیمان تے پیار تے صُلح دا لَبّھن والا ہو۔

عِبرانیوں 12:14

سبھناں نال میل رکھن دی کوشش کرو۔ تے اوس پاکیزگی نُوں لَبّھو۔ جِہدے بِناں کوئی خُداوند نُوں نا ویکھے گا۔

عِبرانیوں 13:20

ہُن تسلّی دا خُدا جِس بھیڈاں دے وڈّے ایّالی یعنی ساڈے خُداوند یِسُوع نُوں ہمیشہ دے عہد دے لہو دے سبّب مُردیاں وِچوں جوال کے آندا۔

یعقُوب 1:4

تے صبر نُوں اپنا پُورا اثر کرن دیو۔ تاں جو تُسی پُورے تے کامِل ہو جاؤ۔ تے تُہاڈے وِچ کِسے گلّ دا گھاٹا نا رہے۔

۱-پطرس 3:11

بدی توں لانبھے رہے تے نیکی کر دا رہے۔ صُلح لَبّھدا رہے تے اوہدا پِچھّا کر دا رہے۔

۱-پطرس 3:8

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔

مُکاشفہ 22:21

خُداوند یِسُوع دا فضل پاک لوکاں دے نال رہے۔ آمِین۔