۲-کُرِنتھِیوں 12:20 - پنجابی نواں عہد نامہ نظرثانی شدہ چھپائی

²⁰ کیوں جو مَیں ڈرنا آں۔ کِتے اجیہا نا ہوئے۔ پئی مَیں آ کے جیویں تُہانوں چاہناں آں ایہو جِہیا نا ویکھیاں۔ تے مَینُوں جیہا تُسی نئیں چاہندے اوہو جِہیا ای ویکھو۔ پئی تُہاڈے وِچ جھگڑا۔ ساڑا۔ غُصّہ۔ جُدائِیاں۔ بدگوئِیاں۔ چُغلیاں۔ شیخیاں تے فساد ہون۔

۲-کُرِنتھِیوں 12:20 ပူးပေါင်းရင်းမြစ်များ

رُومِیوں 1:29

اوہ ساری بے انصافی۔ بُریائی۔ حرص۔ وَیر نال بھر گئے۔ تے ساڑے۔ خُون۔ جھگڑے۔ دغے تے دُشمنی نال بھرے ہوئے چُغلی کرن والے۔

رُومِیوں 1:30

بُرا آکھن والے۔ خُدا اگّے نفرتی۔ طعنے مارن والے گُھمنّڈی۔ گپّی۔ بدیاں دے بانی۔ ماپیاں دا آکھا نا مَنّن والے۔

رُومِیوں 2:8

پر اوہناں اُتّے جیہڑے لڑاکے نیں تے سچیائی نُوں نئیں سگوں ناراستی نُوں مَن دے نیں قَہر تے غضب ہوئے گا۔

۱-کُرِنتھِیوں 1:11

کیوں جو بھراؤ! تُہاڈی بابت مَینُوں خلوئے دے کئیاں توں پتا لگّا۔ پئی تُہاڈے وِچ جھگڑے ہوندے نیں۔

۱-کُرِنتھِیوں 14:33

کیوں جو خُدا گڑبڑی دا نئیں سگوں امن دا بانی اے۔ جیویں پاک لوکاں دِیاں سارِیاں کلِیسیاواں وِچ اے۔

۱-کُرِنتھِیوں 5:2

تے تُسی افسوس تے کر دے نئیں۔ تاں جو جِس ایہہ کمّ کِیتا اے۔ اوہ تُہاڈے وِچوں کڈھیا جائے۔ سگوں شیخیاں مار دے ہو۔

۲-کُرِنتھِیوں 1:23

مَیں خُدا نُوں گواہ کرناں آں پئی مَیں اجے تِیکر کُرِنتِھس وِچ ایس کر کے نئیں آیا۔ کیوں جو مَینُوں تُہاڈے اُتّے ترس آؤندا سی۔

۲-کُرِنتھِیوں 10:2

سگوں مِنّت کرنا آں۔ پئی مَینُوں حاضر ہو کے اوس بے دھڑکی نال دلیر نا ہونا پَوے جِس نال مَیں کئیاں لوکاں اُتّے دلیر ہون دا اِرادہ کرنا آں جیہڑے سانُوں ایس طرح سمجھدے نیں۔ پئی اسی جِسم دے سببّوں زِندگی کٹنے آں۔

۲-کُرِنتھِیوں 10:6

تے اسی تیار آں پئی جد تُہاڈی تابعداری پُوری ہوئے تے ہر طرح دی نافرمانی دا بدلہ لئیے۔

۲-کُرِنتھِیوں 12:21

تے فیر مَیں جد آواں۔ تے میرا خُدا مَینُوں تُہاڈے اگّے عاجز کرے۔ تے مَینُوں بتھیریاں لئی افسوس کرنا پَوے۔ جِنہاں پہلاں گُناہ کِیتے نیں۔ تے اوس پلِیتی تے زنا۔ تے شہوت پرستی توں جیہڑی اوہناں توں ہوئی تَوبہ نا کِیتی۔

۲-کُرِنتھِیوں 13:2

جیویں مَیں جد دُوجی وار حاضر ساں۔ تے پہلاں توں آکھ دِتّا سی۔ ایسے طرح ای ہُن حاضر نا ہو کے وی اوہناں لوکاں نُوں جِنہاں پہلاں گُناہ کِیتے نیں۔ تے ہور ساریاں لوکاں نُوں پہلوں ای آکھ دینا آں پئی جے فیر آواں تے چھڈاں گا نئیں۔

۲-کُرِنتھِیوں 2:1

مَیں اپنے دِل وِچ ایہہ اِرادہ کِیتا سی۔ پئی فیر تُہاڈے کول دلگِیر ہو کے نا آواں۔

گلتِیوں 5:15

پر جے تُسی اِک دُوجے نُوں وَڈّھ دے تے پاڑ کھاندے ہو۔ تے خبردار رہو۔ پئی تُہاڈا اِک دُوجے کولوں ستیاناس نا ہوئے۔

گلتِیوں 5:26

اسی نا حق فخر کر کے نا اِک دُوجے نُوں چِڑائیے۔ تے نا اِک دُوجے ولّوں سڑئیے۔

یعقُوب 4:11

بھراؤ! اِک دُوجے دی بدگوئی نا کرو۔ جیہڑا اپنے بھرا دی بدگوئی کر دا اے یا الزام لاندا اے اوہ شریعت دی بدگوئی کر دا اے تے شریعت اُتّے الزام لاندا اے۔ جے تُوں شریعت اُتّے الزام لانا ایں تے تُوں شریعت اُتّے عمل نئیں کِیتا۔ سگوں اوہدے اُتّے حاکم بنیا۔

۱-پطرس 2:1

فیر ساری بدی تے سارے فریب تے مکّاری تے ساڑا تے بُرا آکھنا چھڈ کے۔

۲-پطرس 2:18

اوہ مغرُوری دِیاں واہیات گلّاں بَک بَک کے لُچ پُنے دی راہِیں اوہناں لوکاں نُوں جِسمانی خواہشاں وِچ پھساندے نیں جیہڑے بدراہاں وِچوں مَساں مَساں پئے نِکلدے نیں۔

یہُوداہ 1:16

ایہہ بُڑبُڑ تے شکایت کرن والے نیں تے اپنیاں حِرصاں دے اُتّے ٹُر دے نیں۔ نالے اپنے مُنھوں وڈّے وڈّے بول بولدے نیں۔ تے نفع لئی لوکاں دی رَئی کر دے نیں۔