۲-کُرِنتھِیوں 12:2 - پنجابی نواں عہد نامہ نظرثانی شدہ چھپائی

² مَیں مسِیح وِچ اِک بندے نُوں جاننا آں چَوداں ورھے ہوئے پئی اوہ اِک دم ترِیجے اسمان تِیکر اُٹھا لیا گیا۔ مَینُوں پتا نئیں پئی بدن سَنے یا بدن بِناں۔ ایہہ خُدا نُوں پتا اے۔

۲-کُرِنتھِیوں 12:2 ပူးပေါင်းရင်းမြစ်များ

لُوقا 24:51

تے ایویں ہویا پئی جد اوہناں نُوں برکت پیا دیندا سی۔ تے اوہ اوہناں توں وَکھ ہویا۔ تے اسمان اُتّے چُکیا گیا۔

یُوحنّا 6:56

اوہ جیہڑا میرا گوشت کھاندا تے میرا لہو پَیندا اے میرے وِچ رہندا اے تے مَیں اوہدے وِچ۔

اعمال 14:6

اوہ ایس گلّ نُوں معلُوم کر کے لُکااُنیہ دے شہراں لُسترہ۔ تے دِربے۔ تے آلے دوالے دے دیس وِچ نَسّ گئے۔

اعمال 22:17

تے جد مَیں یرُوشلِیم نُوں مُڑ آیا۔ تے ہیکل وِچ دُعا پیا منگدا ساں۔ ایویں ہویا پئی مَینُوں ہول پَے گیا۔

رُومِیوں 16:10

اَپلِّیس نُوں جیہڑا مسِیح وِچ مقبُول اے۔ سلام آکھنا۔ اَرِستُِبُولُس دے گھر دیاں نُوں میرا سلام آکھو۔

رُومِیوں 16:3

پرسِکّلہ تے اَکوِلہ نُوں جیہڑے مسِیح یِسُوع وِچ میرے نال دے کمّ کرن والے نیں سلام آکھو۔

رُومِیوں 16:7

میرے ساکاں اندرُنِیکُس تے یُونِیاس نُوں سلام آکھو۔ اوہ تے قید وِچ میرے ساتھی سن تے رسُولاں وِچ مشہُور نیں۔ تے مَیتھوں اگیترے مسِیح وِچ سن۔

رُومِیوں 16:9

اُربانُس مسِیح وِچ ساڈے نال دے کمّ کرن والے نُوں تے میرے پیارے استخُس نُوں سلام آکھنا۔

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

۱-کُرِنتھِیوں 1:30

پر تُسی اوہدے ولّوں یِسُوع مسِیح وِچ ہو جیہڑا ساڈے لئی خُدا ولّوں حِکمت ہویا یعنی راستبازی تے پاکیزگی تے مُکتی۔

۲-کُرِنتھِیوں 11:11

کیوں؟ ایس کر کے پئی مَیں تُہاڈے نال مُحبّت نئیں رکھدا؟ ایہہ خُدا جان دا اے۔

۲-کُرِنتھِیوں 13:5

تُسی اپنے آپ نُوں ازماؤ پئی اِیمان وِچ ہویا نئیں۔ اپنے آپ نُوں پرکھو تُسی اپنی بابت ایہہ نئیں جان دے پئی یِسُوع مسِیح تُہاڈے وِچ اے؟ نئیں تے تُسی نامقبُول اوہ۔

۲-کُرِنتھِیوں 5:17

ایس لئی جے کوئی مسِیح وِچ اے۔ تے اوہ نواں مخلُوق اے پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں۔

۲-کُرِنتھِیوں 5:21

جیہڑا گُناہ توں واقف نئیں سی اوسے نُوں اوس ساڈے لئی گُناہ ٹھہرایا۔ تاں جو اسی اوہدے وِچ ہو کے خُدا دی راست بازی ہو جائیے۔

گلتِیوں 1:22

تے یہُودیہ دِیاں کلِیسیاواں جیہڑیاں مسِیح وِچ سن میرِیاں واقف تے نئیں سن۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

اِفسِیوں 4:10

تے ایہہ اُترن والا اوہو ای اے۔ جیہڑا ساریاں اسماناں توں اُچّا چڑھیا تاں جو سارِیاں شیواں نُوں بھر دے۔)

۱-تھِسّلُنِیکوں 4:17

فیر اسی جیہڑے جِیوندے باقی ہوواں گے۔ اوہناں دے نال بدّلاں اُتّے چُکے جاواں گے تاں جو وَا وِچ خُداوند دی اگّوالی کریئے۔ تے ایس طرح سدا خُداوند دے نال رہاں گے۔

عِبرانیوں 4:14

سو جد ساڈا اجیہا اِک وَڈا سردار کاہِن اے جیہڑا اسماناں وِچوں لنگھ گیا۔ یعنی خُدا دا پُتر یِسُوع۔ تے اسی اپنے اِقرار اُتّے پکّے پَیر رہئے۔

عِبرانیوں 9:24

کیوں جو مسِیح اوس ہتّھاں نال بنائے ہوئے پاک مکان وِچ نئیں وڑیا۔ جیہڑا اصلی مکان دی نقل اے پر اصلی اسمان وِچ وڑیا تاں جو خُدا دے اگّے ساڈے لئی حاضر ہوئے۔

مُکاشفہ 1:10

مَیں خُداوند دے دِن رُوح وِچ آگیا۔ تے اپنے پِچّھے تُرہی وانگر اِک اُوچی اواز سُنی۔

مُکاشفہ 12:5

تے اوس پُتر جمّیا یعنی اوہ مُنڈا جیہڑا لوہے دے ڈنڈے نال سارِیاں قوماں اُتّے حکُومت کرے گا۔ تے اوہدا بچّہ جھٹ پَٹ خُدا تے اوہدے تخت کول اَپڑایا گیا۔

مُکاشفہ 4:2

جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔