۲-کُرِنتھِیوں 12:15 - پنجابی نواں عہد نامہ نظرثانی شدہ چھپائی

¹⁵ تے مَیں تُہاڈیاں رُوحاں واسطے بُہت خُوشی نال خرچ کراں گا۔ سگوں آپ وی خرچ ہو جاواں گا۔ جے مَیں تُہاڈے نال وَدّھ مُحبّت رکھاں تے تُسی میرے نال گھٹ مُحبّت رکھو گے؟

۲-کُرِنتھِیوں 12:15 ပူးပေါင်းရင်းမြစ်များ

رُومِیوں 9:3

کیوں جو مَینُوں ایتھوں تِیکر وی منظُور ہوندا۔ پئی اپنے بھراواں واسطے جیہڑے جِسم ولّوں میرے انگ ساک نیں مَیں آپ ای مسِیح توں لعنتی ہوندا۔

۲-کُرِنتھِیوں 1:14

جیویں تُہاڈے وِچوں کئیاں مَن وی لیا اے پئی اسی تُہاڈا فخر آں۔ جیویں ساڈے خُداوند یِسُوع مسِیح دے دِن تُسی وی ساڈا فخر ہوؤ گے۔

۲-کُرِنتھِیوں 1:6

جے ساڈے اُتّے مُصِیبت آؤندی اے تے تُہاڈی تسلّی تے نجات لئی۔ تے جے سانُوں تسلّی مِلدی اے۔ تے تُہاڈی تسلّی دے لئی جِہدے اثر نال تُسی صبر کر کے اوہناں دُکھاں نُوں سہہ لَیندے ہو۔ جیہڑے اسی وی سہنے آں۔

۲-کُرِنتھِیوں 11:11

کیوں؟ ایس کر کے پئی مَیں تُہاڈے نال مُحبّت نئیں رکھدا؟ ایہہ خُدا جان دا اے۔

۲-کُرِنتھِیوں 12:14

ویکھو ایہہ ترِیجی واری مَیں تُہاڈے کول آؤن لئی تیار آں۔ تے تُہاڈے اُتّے بھار نا پاں گا۔ ایس لئی پئی مَیں تُہاڈا مال نئیں سگوں تُہانوں چاہناں آں۔ کیوں جو بچّیاں نُوں ماں پئیو لئی جوڑنا نئیں چاہیدا سگوں ماپیاں نُوں بچّیاں لئی جوڑنا چاہیدا اے۔

۲-کُرِنتھِیوں 12:9

پر اوس مَینُوں آکھیا پئی میرا فضل تیرے لئی بہتیرا اے۔ کیوں جو میری قُدرت کمزوری وِچ پُوری ہوندی اے سو مَیں بڑی خُوشی نال اپنیاں کمزوریاں اُتّے فخر کراں گا۔ تاں جو مسِیح دی قُدرت میرے اُتّے رہے۔

۲-کُرِنتھِیوں 2:3

تے مَیں تُہانوں ایہو گلّ لِکھی سی۔ تاں جو اجیہا نا ہوئے پئی مَیں آ کے جِنہاں توں خُوش ہونا چاہندا ساں۔ اوہناں ای دے سببّوں دلگِیر ہوواں۔ کیوں جو مَینُوں تُہاڈے ساریاں اُتّے ایس گلّ دا بھروسا اے۔ پئی جیہڑی میری خُوشی اے سو ای تُہاڈی سبھناں دی اے۔

۲-کُرِنتھِیوں 4:12

سو مَوت تے ساڈے وِچ اثر کر دی اے تے زِندگی تُہاڈے وِچ۔

۲-کُرِنتھِیوں 7:2

سانُوں اپنے دِلاں وِچ تھاں دیو۔ اساں کِسے نال بے انصافی نئیں کِیتی۔ کِسے نُوں وگاڑیا نئیں۔ کِسے نُوں دھوکھا نئیں دِتّا۔

۲-کُرِنتھِیوں 7:3

مَیں تُہانوں مُجرم بنان لئی ایہہ نئیں آکھدا کیوں جو پہلاں ای آکھ چُکیا آں پئی تُسی ساڈیاں دِلاں وِچ اجیہے وَس گئے اوہ۔ پئی اسی تُسی اکٹّھے ای رہئے۔ تے جیویئے۔

گلتِیوں 4:10

تُسی دِناں تے مہِینیاں تے بنھیاں ہویاں ویلیاں تے ورھیاں نُوں مَن دے ہو۔

فِلِپّیوں 2:17

تے جے تُہاڈے اِیمان دی قُربانی تے سیوا اُتّوں مَیں گھولیا وی جاواں تَد وی خُوش آں۔ تے تُہاڈے سبھناں نال خُوشی کرنا آں۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔