۲-کُرِنتھِیوں 12:14 - پنجابی نواں عہد نامہ نظرثانی شدہ چھپائی

¹⁴ ویکھو ایہہ ترِیجی واری مَیں تُہاڈے کول آؤن لئی تیار آں۔ تے تُہاڈے اُتّے بھار نا پاں گا۔ ایس لئی پئی مَیں تُہاڈا مال نئیں سگوں تُہانوں چاہناں آں۔ کیوں جو بچّیاں نُوں ماں پئیو لئی جوڑنا نئیں چاہیدا سگوں ماپیاں نُوں بچّیاں لئی جوڑنا چاہیدا اے۔

۲-کُرِنتھِیوں 12:14 ပူးပေါင်းရင်းမြစ်များ

اعمال 20:33

مَیں تے کِسے دی چاندی یا سونے یا کپڑے دا لالچ نئیں کِیتا۔

۱-کُرِنتھِیوں 10:24

کوئی اپنا فائدہ نا لَبھّے سگوں دُوجے دا۔

۱-کُرِنتھِیوں 10:33

سو مَیں وی سبھناں گلّاں وِچ سبھناں نُوں خُوش کرنا آں۔ تے اپنا نئیں پر بتھیریاں دا فائدہ لبّھنا آں۔ پئی بچ جان۔

۱-کُرِنتھِیوں 11:34

جے کوئی بُھکھا ہوئے تے اپنے گھر وِچ کھائے۔ تاں جو تُہاڈا اکٹّھا ہونا سزا دا سبّب نا ہوئے۔ تے باقی گلّاں مَیں آ کے ٹھیک کراں گا۔

۱-کُرِنتھِیوں 16:5

تے مَیں مَکِدُنیہ ہو کے تُہاڈے کول آواں گا۔ کیوں جو مَیں مَکِدُنیہ وِچوں ای ہو کے جاناں اے۔

۱-کُرِنتھِیوں 4:19

پر خُداوند دی مرضی ہوئی تے مَیں تُہاڈے کول چھیتی آواں گا۔ تے شیخی خوریاں دِیاں گلّاں نُوں نئیں سگوں اوہناں دی قُدرت نُوں معلُوم کراں گا۔

۱-کُرِنتھِیوں 9:12

جے ہورناں دا تُہاڈے اُتّے ایہہ اختیار اے تے ساڈا اوہدے نالوں وَدّھ نا ہوئے گا؟ پر اساں اختیار نال کمّ نا لیا۔ سگوں ہر شے دی برداشت کرنے آں۔ تاں جو ساڈے سبّبوں یِسُوع مسِیح دی خُوشخبری وِچ اڑِکا نا ہوئے۔

۱-کُرِنتھِیوں 9:18

سو مَینُوں کِیہ بدلہ مِلدا اے؟ ایہہ پئی جدوں خُوشخبری دی منادی کراں تے خُوشخبری نُوں مُفت کر دیاں۔ تاں جو جیہڑا اختیار مَینُوں خُوشخبری دے لئی مِلیا ہویا اے۔ اوہدے سببّوں پُورا عمل نا کراں۔

۱-کُرِنتھِیوں 9:19

بھانویں مَیں ساریاں لوکاں توں اَزاد آں تَد وی مَیں اپنے آپ نُوں سبھناں دا غلام بنا دِتّا اے۔ تاں جو ہور وی وَدّھ لوکاں نُوں کھِچّ لیاواں۔

۲-کُرِنتھِیوں 1:15

تے ایسے بھروسے اُتّے مَیں ایہہ اِرادہ کِیتا سی پئی پہلاں تُہاڈے کول آواں تاں جو تُہانوں اِک ہور بخشِش مِلے۔

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔

۲-کُرِنتھِیوں 12:13

تُسی کیہڑی گلّ وِچ ہورناں کلِیسیاواں نالوں گھٹ نِکلے۔ ایہدے سِوا پئی مَیں تُہاڈے اُتّے بھار نا پایا؟ میری ایہہ بے انصافی مُعاف کرو۔

گلتِیوں 4:19

میرے بالو! تُہاڈے ولّوں مَینُوں نَوِیں سِریوں جمّن دِیاں پِیڑاں لگِیاں نیں۔ جدوں تِیکر مسِیح تُہاڈے وِچ صُورت نا پھڑ لَئے۔

فِلِپّیوں 4:1

ایس لئی میرے پیارے بھراؤ! جِنہاں دی مَینُوں چاہ اے۔ تے جیہڑے میری خُوشی تے تاج ہو۔ میرے پیاریو! خُداوند وِچ پکّے رہو۔

فِلِپّیوں 4:17

ایہہ نئیں پئی اِنعام منگنا آں پر اجیہا پَھل چاہناں آں۔ جیہڑا تُہاڈے لیکھے وِچ وَدّھ ہو جائے۔

۱-تھِسّلُنِیکوں 2:11

جیویں تُسی جان دے ہو۔ پئی پئیو اپنے بچّیاں نال کر دا اے ایویں ای اسی وی تُہاڈے وِچوں ہر اِک نُوں نصِیحت کر دے تے دلاسا دیندے تے سمجھاؤندے رہے۔

۱-تھِسّلُنِیکوں 2:8

ایسے طرح اسی تُہاڈے چاہ وند ہو کے نِرے خُدا دی خُوشخبری نئیں پر اپنی جان تِیکر دے دین نُوں راضی ساں۔ ایس لئی پئی تُسی ساڈے پیارے ہوگئے سو۔