۲-کُرِنتھِیوں 12:10 - پنجابی نواں عہد نامہ نظرثانی شدہ چھپائی

¹⁰ ایس لئی مَیں مسِیح دی خاطر کمزوری وِچ۔ بے عزّتِیاں وِچ۔ لوڑاں وِچ۔ ستائے جان وِچ۔ تنگِیاں وِچ خُوش آں۔ کیوں جو جد مَیں کمزور ہوناں آں۔ اوسے ویلے زور والا ہوناں آں۔

۲-کُرِنتھِیوں 12:10 ပူးပေါင်းရင်းမြစ်များ

لُوقا 6:22

دھنّ ہو تُسی جد اِبنِ آدم دے سبّب بندے تُہاڈے نال وَیر رکھن گے تے تُہانوں باہر کڈھ دین گے تے ملامت کرن گے تے تُہاڈا ناں بُرا جانن گے۔

یُوحنّا 15:21

پر ایہہ سبھ کُجھ میرے ناں کر کے تُہاڈے نال کرن گے ایس لئی پئی اوہ اوہنوں نئیں جان دے جِس مَینُوں گھلّیا اے۔

اعمال 5:41

سو اوہ صدرِ مجلس دے اگّوں خُوش ہو کے ٹُر گئے پئی اسی ایس ناں دی خاطر بے عِزّت ہون دے لائق تاں سمجھے گئے۔

رُومِیوں 5:3

تے نِرا ایہو نئیں سگوں اسی اپنیاں تنگِیاں وِچ وی فخر کریئے۔ ایہہ جان کے پئی تنگی صبر پَیدا کر دی اے۔

۱-کُرِنتھِیوں 4:10

اسی مسِیح دی خاطر مُورکھ آں۔ پر تُسی مسِیح وِچ عقل والے ہو اسی ماڑے آں تے تُسی زور والے۔ تُسی عِزّت والے اسی بے عِزّت آں۔

۲-کُرِنتھِیوں 1:4

اوہ ساڈیاں سارِیاں مُصِیبتاں وِچ سانُوں تسلّی دیندا اے۔ تاں جو اسی اوس تسلّی دے سبّب جیہڑی خُدا سانُوں دیندا اے۔ اوہناں نُوں وی تسلّی دے سکِئے۔ جیہڑے کِسے نا کِسے طرح دی مُصِیبت وِچ پئے ہوئے نیں۔

۲-کُرِنتھِیوں 10:18

کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۲-کُرِنتھِیوں 12:9

پر اوس مَینُوں آکھیا پئی میرا فضل تیرے لئی بہتیرا اے۔ کیوں جو میری قُدرت کمزوری وِچ پُوری ہوندی اے سو مَیں بڑی خُوشی نال اپنیاں کمزوریاں اُتّے فخر کراں گا۔ تاں جو مسِیح دی قُدرت میرے اُتّے رہے۔

۲-کُرِنتھِیوں 13:4

ہاں اوہ کمزوری دے سببّوں صلِیب دِتّا گیا پر خُدا دی قُدرت دے سببّوں زِندہ اے۔ تے اسی وی اوہدے وِچ کمزور تے آں پر اوہدے نال خُدا دی اوس قُدرت نال زِندہ ہوواں گے جیہڑی تُہاڈے لئی اے۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔

۲-کُرِنتھِیوں 4:5

کیوں جو اسی اپنی نئیں سگوں مسِیح یِسُوع دی منادی کرنے آں۔ پئی اوہ خُداوند اے۔ تے اپنی بابت ایہہ آکھنے آں۔ پئی یِسُوع دی خاطر تُہاڈے نوکر آں۔

۲-کُرِنتھِیوں 5:15

تے اوہ ایس لئی ساریاں لئی مویا پئی جیہڑے جِیوندے نیں اوہ اگّے نُوں اپنے واسطے نا جیون سگوں اوہدے لئی جیہڑا اوہناں واسطے مویا تے فیر جی اُٹھیا۔

۲-کُرِنتھِیوں 5:20

سو اسی مسِیح دے ایلچی آں۔ جیویں خُدا ساڈی راہِیں مِنّت کر دا اے اسی مسِیح ولّوں مِنّت کرنے آں پئی خُدا نال میل کرو۔

۲-کُرِنتھِیوں 6:4

سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

۲-کُرِنتھِیوں 7:4

مَیں تُہاڈے نال بڑی دلیری نال گلّاں کرنا آں۔ مَینُوں تُہاڈے اُتّے بڑا فخر اے۔ مَینُوں پُوری تسلّی ہوگئی اے۔ جِنّیاں مُصِیبتاں ساڈے اُتّے آؤندیاں نیں۔ اوہناں سبھناں وِچ میرا دِل خُوشی نال بھریا رہندا اے۔

اِفسِیوں 6:10

باقی خُداوند تے اوہدی بڑی قُوّت دی طاقت وِچ تگڑے رہو۔

فِلِپّیوں 1:29

کیوں جو مسِیح دی خاطر تُہاڈے اُتّے ایہہ فضل ہویا۔ پئی نا نِرے اوہدے اُتّے اِیمان لیاؤ سگوں اوہدی خاطر دُکھ وی سَہندے رہو۔

کُلُسِّیوں 1:24

ہُن مَیں اوہناں دُکھاں توں خُوش آں۔ جیہڑے تُہاڈے لئی سہنا آں۔ تے مسِیح دے دُکھاں دا گھاٹا اوہدے بدن یعنی کلِیسیا دی خاطر اپنے جِسم وِچ پُورا کرنا آں۔

۲-تھِسّلُنِیکوں 1:4

ایتھوں تِیکر پئی اسی آپ خُدا دی کلِیسیاواں وِچ تُہاڈے ولّوں فخر کرنے آں۔ پئی جِنّے ظُلم تے مُصِیبتاں تُسی سَہندے ہو۔ اوہناں ساریاں وِچ تُہاڈا صبر تے اِیمان ظاہر ہوندا اے۔

۲-تِیمُتِھیُس 3:11

یعنی اجیہے دُکھاں وِچ جیہڑے انطاکیہ تے اِکُنِیُم تے لُسترہ وِچ میرے اُتّے پئے تے ہورناں دُکھاں وِچ وی جیہڑے مَیں سہے نیں۔ پر خُداوند مَینُوں اوہناں ساریاں توں بچایا۔

یعقُوب 1:2

میرے بھراؤ جدوں تُسی کئی طرح دِیاں ازمایشاں وِچ پَوو۔

مُکاشفہ 2:3

تے تُوں صبر کرنا ایں تے میرے ناں دی خاطر مُصِیبت سہہ سہہ کے تھکیا نئیں۔