۲-کُرِنتھِیوں 12:1 - پنجابی نواں عہد نامہ نظرثانی شدہ چھپائی

¹ مَینُوں فخر کرنا ضرُور ہویا بھانویں فائدہ مند نئیں۔ سو جیہڑے رویا تے اِلہام مَینُوں خُداوند ولّوں مِلے۔ مَیں اوہناں دا بیان کرنا آں۔

۲-کُرِنتھِیوں 12:1 ပူးပေါင်းရင်းမြစ်များ

یُوحنّا 16:7

تَد وی مَیں تُہانوں ٹھیک آکھنا آں پئی میرا ٹُر جانا تُہاڈے واسطے چَنگا اے کیوں جو جے مَیں نا جاواں تے مددگار تُہاڈے کول نئیں آوے گا۔ پر جے مَیں جاواں تے اوہنوں تُہاڈے کول گھلاں گا۔

یُوحنّا 18:14

تے کائفا اوہو سی جِہنے یہُودِیاں نُوں صلاح دِتّی پئی قوم دے بدلے اِک بندے دا مرنا چَنگا اے۔

اعمال 18:9

تَد خُداوند رات دے ویلے رویا وِچ پَولُس نُوں آکھیا پئی نا ڈر سگوں آ کھدا جا تے چُپ نا ہو۔

اعمال 23:11

تے اوسے رات خُداوند اوہدے کول آ کے آکھیا حَوصلہ رکھ کیوں جو جیویں تُوں یرُوشلِیم وِچ میرِیاں گلّاں اُتّے گواہی دِتّی اے۔ اوسے طرح تینُوں رُومہ وِچ وی گواہی دینی پَوے گی۔

۱-کُرِنتھِیوں 10:23

سارِیاں شیواں روا تے ہَین۔ پر سارِیاں شیواں فائدے والیاں نئیں۔ سارِیاں شیواں روا تے ہَین۔ پر سارِیاں ترقی دا سبّب نئیں۔

۱-کُرِنتھِیوں 14:6

سو بھراؤ جے مَیں تُہاڈے کول آ کے اوپری زبان وِچ گلّاں کراں تے اِلہام یا عِلم یا نبُوّت یا تعلِیم دِیاں گلّاں نا کراں تے تُہانوں مَیتھوں کِیہ فائدہ ہوئے گا؟

۱-کُرِنتھِیوں 6:12

سارِیاں شیواں میرے واسطے روا تے نیں پر سارِیاں شیواں فائدے والیاں نئیں۔ سارِیاں شیواں میرے لئی روا تے نیں۔ پر مَیں کِسے شے دے قابُو وِچ نا ہوواں گا۔

۲-کُرِنتھِیوں 12:11

مَیں مُورکھ تے بنیاں پر تُساں ای مَینُوں لاچار کِیتا کیوں جو تُہانوں میری وڈیائی کرنی چاہیدی سی۔ ایس لئی پئی مَیں اوہناں وڈّیاں رسُولاں نالوں کِسے گلّ وِچ گھٹ نئیں بھانویں کُجھ وی نئیں ساں۔

۲-کُرِنتھِیوں 12:5

مَیں اجیہے بندے اُتّے تے فخر کراں گا پر اپنے اُتّے اپنی کمزوری دے بِناں فخر نا کراں گا۔

۲-کُرِنتھِیوں 12:7

تے الہاماں دے بُہتے ہون دے سببّوں پئی متے مَیں پُھل نا جاواں میرے جِسم وِچ کنڈا چوبھیا گیا اے۔ یعنی شیطان دا گھلّیا ہویا تاں جو مَینُوں ہُورے مارے تے مَیں پُھل نا جاواں۔

۲-کُرِنتھِیوں 12:9

پر اوس مَینُوں آکھیا پئی میرا فضل تیرے لئی بہتیرا اے۔ کیوں جو میری قُدرت کمزوری وِچ پُوری ہوندی اے سو مَیں بڑی خُوشی نال اپنیاں کمزوریاں اُتّے فخر کراں گا۔ تاں جو مسِیح دی قُدرت میرے اُتّے رہے۔

۲-کُرِنتھِیوں 8:10

تے مَیں ایس گلّ وِچ اپنی صلاح دینا آں کیوں جو ایہہ تُہاڈے لئی فائدے والی اے۔ ایس لئی پئی تُسی پِچّھلے ورھے توں نا نِرے ایس کمّ وِچ سگوں ایہدے اِرادے کرن وِچ وی پہلے سو۔

گلتِیوں 1:12

کیوں جو نا تے اوہ مَینُوں بندیاں ولّوں اَپڑی تے نا مَینُوں کِسے سِکھائی۔ پر یِسُوع مسِیح ولّوں مَینُوں اوہدا اِلہام ہویا۔

گلتِیوں 2:2

تے میرا جانا اِلہام دے سببّوں ہویا تے اوہناں نُوں اوہ خُوشخبری دسی جِہدی منادی مَیں غیر قوماں وِچ کرنا آں تے اوہناں لوکاں نُوں جیہڑے کِسے گنتری وِچ سن۔ پڑدے نال دسی۔ ایس کر کے پئی متے میری اگلی پِچّھلی کِیتی کتری ایویں نا جائے۔

اِفسِیوں 3:3

یعنی ایہہ پئی اوہ بھیت مَینُوں اِلہام نال معلُوم ہویا تے نالے مَیں پہلاں اوہدا تھوڑا جیہا حال لِکھیا سی۔

۱-تھِسّلُنِیکوں 4:15

سگوں اسی تُہانوں خُدا دے کلام دے سببّوں آکھنے آں پئی اسی جیہڑے جیونے آں تے خُداوند دے آؤن توڑی باقی رہاں گے سُتّیاں ہویاں توں کِسے طرح اگّے نا وَدھاں گے۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔