۲-کُرِنتھِیوں 11:7 - پنجابی نواں عہد نامہ نظرثانی شدہ چھپائی

⁷ کِیہ ایہہ مَیتھوں خطا ہوئی؟ پئی مَیں تُہانوں خُدا دی خُوشخبری مُفت اپڑا کے اپنے آپ نُوں نِیویاں کِیتا۔ تاں جو تُسی اُچّے ہو جاؤ؟

۲-کُرِنتھِیوں 11:7 ပူးပေါင်းရင်းမြစ်များ

اعمال 20:33

مَیں تے کِسے دی چاندی یا سونے یا کپڑے دا لالچ نئیں کِیتا۔

اعمال 20:34

تُسی آپ ای جان دے ہو۔ پئی ایہو ہتّھ میرِیاں تے میرے نالدیاں دِیاں لوڑاں نُوں پُورا کر دے رہے۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

۱-کُرِنتھِیوں 9:12

جے ہورناں دا تُہاڈے اُتّے ایہہ اختیار اے تے ساڈا اوہدے نالوں وَدّھ نا ہوئے گا؟ پر اساں اختیار نال کمّ نا لیا۔ سگوں ہر شے دی برداشت کرنے آں۔ تاں جو ساڈے سبّبوں یِسُوع مسِیح دی خُوشخبری وِچ اڑِکا نا ہوئے۔

۱-کُرِنتھِیوں 9:6

یا نِرا مَینُوں تے برنباس نُوں محنت نا کرن دا اختیار نئیں؟

۲-کُرِنتھِیوں 10:1

مَیں پَولُس جیہڑا تُہاڈے سامھنے عاجز تے پِٹھ پِچّھے تُہاڈے اُتّے دلیر آں۔ مسِیح دی حلِیمی تے نرمی یاد دوا کے آپ تُہاڈے اگّے عرض کرنا آں۔

۲-کُرِنتھِیوں 10:16

تاں جو تُہاڈیاں حداں توں پرانہہ خُوشخبری پُچایئے۔ نا پئی ہورناں دی حد وِچ بنیاں بنائِیاں شیواں اُتّے فخر کریئے۔

۲-کُرِنتھِیوں 12:13

تُسی کیہڑی گلّ وِچ ہورناں کلِیسیاواں نالوں گھٹ نِکلے۔ ایہدے سِوا پئی مَیں تُہاڈے اُتّے بھار نا پایا؟ میری ایہہ بے انصافی مُعاف کرو۔

۲-کُرِنتھِیوں 2:12

تے جد مَیں مسِیح دی خُوشخبری دین لئی تروآس وِچ آیا۔ تے خُداوند وِچ میرے لئی بُوہا کُھل گیا۔

۱-تھِسّلُنِیکوں 2:9

کیوں جو بھراؤ تُہانوں ساڈی محنت تے سختی یاد اے۔ دِنے راتِیں مزدُوری کر کے تُہاڈے کول خُدا دی خُوشخبری دی منادی کِیتی۔ تاں جو تُہاڈے وِچوں کِسے اُتّے بھارُو نا ہوئے۔

۲-تھِسّلُنِیکوں 3:8

تے نا کِسے دی روٹی مُفت کھاندے ساں سگوں محنت مُشقّت نال دِنے راتِیں کمّ کر دے ساں تاں جو تُہاڈے وِچوں کِسے اُتّے بھارُو نا ہوئے۔