۲-کُرِنتھِیوں 11:3 - پنجابی نواں عہد نامہ نظرثانی شدہ چھپائی

³ پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

۲-کُرِنتھِیوں 11:3 ပူးပေါင်းရင်းမြစ်များ

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

رُومِیوں 12:8

تے جے وعظ نصِیحت کرن والا ہوئے۔ تے وعظ نصِیحت وِچ لگّا رہے۔ خَیرات کرن والا کُھلِّیں ہتّھِیں کرے۔ پیشوا کوشش نال پیشوائی کرے۔ رَحم کرن والا خُوشی نال کرے۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 11:20

جد کوئی تُہانوں غلام بناندا اے یا کھا لَیندا اے۔ یا پھسا لَیندا اے۔ یا اپنے آپ نُوں وَڈا بناندا اے۔ یا تُہاڈے مُنھ اُتّے چپیڑ مار دا اے۔ تے تُسی سہہ لَیندے ہو۔

۲-کُرِنتھِیوں 11:29

کِہدی کمزوری توں مَیں کمزور نئیں ہوندا؟ کِہدے ٹھوکر کھان توں میرا دِل نئیں دُکھدا؟

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

گلتِیوں 1:6

مَینُوں اچرج جاپدا اے پئی تُسی ایڈی چھیتی اوہدے ولّوں پھر کے جِس تُہانوں مسِیح دے فضل نال سدّیا کِسے ہور خُوشخبری ولّ دھیان کر دے ہو۔

گلتِیوں 2:4

ایہہ اوہناں جُھوٹھیاں بھراواں دے سببّوں ہویا جیہڑے چوری چوری آ وڑے سن ایس کر کے پئی اوس اَزادی دا جیہڑی سانُوں مسِیح وِچ مِلدی اے سُوہے بن کے پتا لین۔ تے سانُوں غلامی وِچ لیاؤن۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

گلتِیوں 4:11

مَیں ڈرنا آں پئی اوہ محنت جیہڑی مَیں تُہاڈے اُتّے کِیتی اے۔ کِتے ایویں نا جائے۔

اِفسِیوں 4:14

پئی اسی اگّے نُوں بچّے نا رہیئے۔ یعنی بندیاں دے فریب تے مکر دے سبّب اوہناں دی بھڑکان والی چالاکی پِچّھے ہر اِک تعلِیم دی وَا نال ڈولدے نا پِھریئے۔

اِفسِیوں 4:22

پئی تُسی اپنے اگلے چال چَلّن دی اوس پرانی اِنسانِیّت نُوں لاہ چھڈو۔ جیہڑی فریب دین والِیاں شہوتاں پِچّھے خراب ہوندی جاندی اے۔

اِفسِیوں 6:24

جیہڑے ساڈے خُداوند یِسُوع مسِیح نال سدا قیم رہن والی مُحبّت رکھدے نیں۔ اوہناں ساریاں اُتّے فضل ہوئے۔

کُلُسِّیوں 2:18

کوئی بندہ عاجزی یا فرِشتیاں دی بندگی نُوں پسند کر کے تُہاڈا دَوڑ والا اِنعام نا کھو لَئے۔ اجیہا بندے اپنے جِسم دی عقل اُتّے بے فائدہ شیخی مار کے ویکھیاں ہویاں شیواں وِچ لگّا رہندا اے۔

کُلُسِّیوں 2:4

ایہہ مَیں ایس لئی آکھنا آں پئی کوئی جَنا مِٹّھیاں گلّاں نال تُہانوں دھوکھا نا دیوے۔

کُلُسِّیوں 2:8

خبردار تُہانوں کوئی بندہ اوس فلسفی تے بے فائدہ فریب نال لُٹ نا لَئے۔ جیہڑے بندیاں دِیاں روائِتاں تے دُنیا دِیاں مُڈھ والِیاں گلّاں وانگر نیں۔ پر مسِیح وانگر نئیں۔

۱-تھِسّلُنِیکوں 3:5

ایس واسطے جد مَیں ہور برداشت نا کر سکیا۔ تَد تُہاڈے اِیمان دا حال دریافت کرن لئی گھلّیا۔ پئی اجیہا نا ہوئے۔ پئی ازمان والے تُہاڈی ازمایش کِیتی ہوئے۔ تے ساڈی محنت ایویں گئی ہوئے۔

۱-تِیمُتِھیُس 1:3

جیویں مَکِدُنیہ جان دے ویلے مَیں تینُوں نصِیحت دِتّی سی۔ پئی اِفِسُس وِچ رہ کے بعضیاں بندیاں نُوں حُکم دَیا کر پئی اوہ ہور طرح دی تعلِیم نا دین۔

۱-تِیمُتِھیُس 2:14

تے آدم فریب نئیں سی کھادا سگوں زنانی فریب کھا کے گُناہ وِچ پَے گئی۔

۲-تِیمُتِھیُس 3:13

تے بُرے تے دھوکھے باز بندے فریب دیندے تے فریب کھاندے وِگڑدے لگے جان گے۔

طِطُس 1:10

کیوں جو بتھیرے لوک نافرمان تے بیُہودہ گلّاں کرن والے تے دھوکھے باز نیں خاص کر سُنت والیاں وِچوں۔

عِبرانیوں 13:9

وَکھو وَکھ تے اوپریاں تعلِیماں پِچّھے بُھلّے نا پِھرو۔ کیوں جو ایہہ چَنگا اے۔ پئی فضل نال دِل تگڑا رہے اوہناں خُوراکاں نال نئیں جِنہاں دے ورتن والیاں نُوں کُجھ فائدہ نئیں ہویا۔

۲-پطرس 3:17

سو پیاریو! ایس کر کے پئی تُسی ایہناں گلّاں نُوں اگیترے جان دے ہو۔ خبردار ہو تاں جو بے دِیناں وی بد راہی ولّ کھِچّے جا کے اپنی پُختیائی چھڈ نا دیو۔

۲-پطرس 3:3

تے ایہہ پہلاں جان لوؤ پئی اخِیری دِناں وِچ اجیہے مخَولئے آؤن گے۔ جیہڑے اپنیاں خواہشاں دے سببّوں ٹُرن گے۔

۱-یُوحنّا 2:18

مُنڈیو۔ ایہہ چھیکڑلا ویلا اے تے جِہیا تُساں سُنیا اے۔ پئی مسِیح دا وَیری آؤن والا اے سو ہُن وی مسِیح دے بتھیرے وَیری اُٹھ کھلوتے نیں۔ ایس توں اسی جاننے آں پئی ایہہ اخِیری ویلا اے۔

۱-یُوحنّا 4:1

پیاریو۔ سارِیاں رُوحاں نُوں نا مَنّو۔ سگوں رُوحاں نُوں پر کھو پئی خُدا ولّوں نیں کہ نئیں۔ کیوں جو بتھیرے جُھوٹھے نبی دُنیا وِچ نِکل گئے نیں۔

یہُوداہ 1:4

کیوں جو کئی اجیہے بندے چُپ کِیتے ساڈے وِچ آ وڑے نیں۔ جِنہاں دی ایس سزا دا چَرچا پرانے زمانے توں پہلاں لِکھیا گیا سی۔ ایہہ بے دین نیں تے ساڈے خُداوند دے فضل نُوں لُچ پُناں بناندے نیں۔ تے ساڈے اِکّو مالک تے خُداوند یِسُوع مسِیح توں مُکّر جاندے نیں۔

مُکاشفہ 12:15

تے سَپّ نے اوس زنانی دے مگر اپنے مُنھ توں ندی وانگر پانی وگایا۔ پئی اوہنوں ایس ندی نال روہڑ دیوے۔

مُکاشفہ 12:9

تے اوہ وَڈا ناگ یعنی اوہو ای پرانا سَپّ جیہڑا ابلیس تے شیطان اکھواؤندا اے تے سارے جہان نُوں بدراہ کر دیندا اے۔ زمین اُتّے ڈیگیا گیا تے اوہدے فرِشتے وی اوہدے نال ڈیگے گئے۔

مُکاشفہ 20:2

اوس ناگ یعنی پرانے سَپّ نُوں جیہڑا ابلیس تے شیطان اے پَھڑکے ہزار ورھے لئی بنھیا۔