۲-کُرِنتھِیوں 10:6 - پنجابی نواں عہد نامہ نظرثانی شدہ چھپائی

⁶ تے اسی تیار آں پئی جد تُہاڈی تابعداری پُوری ہوئے تے ہر طرح دی نافرمانی دا بدلہ لئیے۔

۲-کُرِنتھِیوں 10:6 ပူးပေါင်းရင်းမြစ်များ

رُومِیوں 2:23

تُوں جیہڑا شریعت اُتّے فخر کرنا ایں۔ شریعت دے ٹالن نال خُدا دی بے عِزّتی کرنا ایں؟

۱-کُرِنتھِیوں 4:21

تُسی کِیہ چاہندے ہو؟ پئی مَیں سوٹا لے کے تُہاڈے کول آواں یاں مُحبّت تے حلِیمی نال؟

۲-کُرِنتھِیوں 13:10

ایس لئی مَیں غیر حاضری وِچ ایہہ گلّاں لِکھنا آں۔ تاں جو حاضر ہو کے مَینُوں اوس اختیار دے سببّوں سختی نا کرنی پَوے۔ جیہڑا خُداوند مَینُوں بنان لئی دِتّا اے نا وگاڑن لئی۔

۲-کُرِنتھِیوں 13:2

جیویں مَیں جد دُوجی وار حاضر ساں۔ تے پہلاں توں آکھ دِتّا سی۔ ایسے طرح ای ہُن حاضر نا ہو کے وی اوہناں لوکاں نُوں جِنہاں پہلاں گُناہ کِیتے نیں۔ تے ہور ساریاں لوکاں نُوں پہلوں ای آکھ دینا آں پئی جے فیر آواں تے چھڈاں گا نئیں۔

۲-کُرِنتھِیوں 2:9

کیوں جو مَیں ایس کر کے وی لِکھیا سی پئی تُہانوں ازمانواں پئی سارِیاں گلّاں وِچ فرمانبردار ہویا نئیں۔

۲-کُرِنتھِیوں 7:15

تے جدوں اوہنوں تُہاڈی سبھناں دی فرمانبرداری یاد آؤندی اے۔ پئی تُسی کِس طرح ڈر دے تے کمبدے ہوئے اوہدے نال مِلے۔ تے اوہدی دِلی مُحبّت تُہاڈے نال ہور وی وَدھیری ہوندی جاندی اے۔

۱-تِیمُتِھیُس 1:20

اوہناں وِچوں ہُمِنِیُس تے سکندر نیں۔ اوہناں نُوں مَیں شیطان دے ہتّھ وِچ دے دِتّا اے۔ پئی کُفر توں مُڑنا سِکھّن۔

۳-یُوحنّا 1:10

سو جدوں مَیں آواں گا تے اوہدیاں کمّاں نُوں جیہڑے اوہ کر دا اے یاد دواواں گا پئی ساڈی بابت بُریاں گلّاں بَکدا اے تے فیر وی بس نئیں کر دا سگوں آپ وی بھراواں نُوں قبول نئیں کر دا تے جیہڑے قبول کرنا چاہندے نیں اوہناں نُوں وی ڈکدا اے۔ تے کلِیسیا وِچوں کڈھ دیندا اے۔