۲-کُرِنتھِیوں 10:3 - پنجابی نواں عہد نامہ نظرثانی شدہ چھپائی

³ کیوں جو اسی بھانویں جِسم وِچ زِندگی کٹنے آں پر جِسم دے سببّوں لڑدے نئیں۔

۲-کُرِنتھِیوں 10:3 ပူးပေါင်းရင်းမြစ်များ

رُومِیوں 7:5

کیوں جو جد اسی جِسمانی ساں تَد گُناہ دِیاں خواہشاں جیہڑیاں شریعت دے سببّوں سن۔ ساڈے انگاں وِچ مَوت دے لئی پَھل لیاؤن نُوں زور کر دِیاں سن۔

رُومِیوں 8:13

کیوں جو جے جِسم دے سببّوں زِندگی کٹّو تاں تُہانوں مرنا پئے گا۔ پر جے تُسی رُوح نال بدن دیاں کمّاں نُوں مار دے رہو۔ تے جِیوندے رہو گے۔

رُومِیوں 8:4

تاں جو شریعت دا راست حُکم ساڈے وِچ جیہڑے جِسم دے سببّوں نئیں سگوں رُوح دے سببّوں ٹُر نیں آں۔ پُورا کِیتا جائے۔

۲-کُرِنتھِیوں 1:17

سو مَیں جو ایہہ اِرادہ کِیتا سی کِیہ مَیں اِقرار دا کچّا ساں؟ یا جِنہاں گلّاں دا اِرادہ کرنا آں جِسم ولّوں کرنا آں پئی ہاں ہاں وی کراں تے نئیں نئیں وی؟

۲-کُرِنتھِیوں 10:4

ایس لئی پئی ساڈی لڑائی دے ہتّھیار جِسمانی نئیں۔ سگوں خُدا دے اگّے قِلعیاں نُوں ڈھاہ سُٹّن جو گے نیں۔

گلتِیوں 2:20

مَیں مسِیح دے نال سُولی دِتّا گیا آں ہُن مَیں جِیوندا نا رہیا۔ سگوں مسِیح میرے وِچ جِیوندا اے۔ تے مَیں جیہڑا ہُن جِسم وِچ جِیوناں آں۔ تے خُدا دے پُتر اُتّے اِیمان لیاؤن نال جِیوناں آں۔ جِس مَینُوں پیار کِیتا تے میری تھانویں اپنا آپ دے دِتّا۔

۱-تِیمُتِھیُس 1:18

میرے پُتر تِیمُتِھیُس۔ اوہناں پیشِینگوئِیاں دے سببّوں جِنہاں تینُوں راہ پایا۔ مَیں ایہہ حُکم کرنا آں۔ پئی تُوں اوہناں دی راہِیں چنگی لڑائی لڑیں۔

۲-تِیمُتِھیُس 4:7

مَیں چَنگا دنگل گھلّیا اے مَیں دَوڑ مُکا چھڈی۔ مَیں اِیمان نُوں سانبھ رکھیا۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔