۲-کُرِنتھِیوں 10:2 - پنجابی نواں عہد نامہ نظرثانی شدہ چھپائی

² سگوں مِنّت کرنا آں۔ پئی مَینُوں حاضر ہو کے اوس بے دھڑکی نال دلیر نا ہونا پَوے جِس نال مَیں کئیاں لوکاں اُتّے دلیر ہون دا اِرادہ کرنا آں جیہڑے سانُوں ایس طرح سمجھدے نیں۔ پئی اسی جِسم دے سببّوں زِندگی کٹنے آں۔

۲-کُرِنتھِیوں 10:2 ပူးပေါင်းရင်းမြစ်များ

رُومِیوں 8:1

سو ہُن اوہناں اُتّے کُجھ وی سزا دا حُکم نئیں۔ جیہڑے مسِیح یِسُوع وِچ نیں۔

رُومِیوں 8:4

تاں جو شریعت دا راست حُکم ساڈے وِچ جیہڑے جِسم دے سببّوں نئیں سگوں رُوح دے سببّوں ٹُر نیں آں۔ پُورا کِیتا جائے۔

رُومِیوں 8:5

کیوں جو اوہ لوک جیہڑے جِسمانی نیں اوہ جِسمانی گلّاں سوچدے نیں پر اوہ جیہڑے رُوحانی نیں اوہ رُوحانی گلّاں سوچدے نیں۔

۲-کُرِنتھِیوں 1:17

سو مَیں جو ایہہ اِرادہ کِیتا سی کِیہ مَیں اِقرار دا کچّا ساں؟ یا جِنہاں گلّاں دا اِرادہ کرنا آں جِسم ولّوں کرنا آں پئی ہاں ہاں وی کراں تے نئیں نئیں وی؟

۲-کُرِنتھِیوں 11:21

میرا ایہہ آکھنا بے عِزّتی دے طَور اُتّے ای سہی۔ پئی اسی ماڑے جیہے ساں۔ پر جِس کِسے گلّ وِچ کوئی دلیر اے (بھانویں ایہہ آکھنا کملی گلّ اے) مَیں وی دلیر آں۔

۲-کُرِنتھِیوں 13:10

ایس لئی مَیں غیر حاضری وِچ ایہہ گلّاں لِکھنا آں۔ تاں جو حاضر ہو کے مَینُوں اوس اختیار دے سببّوں سختی نا کرنی پَوے۔ جیہڑا خُداوند مَینُوں بنان لئی دِتّا اے نا وگاڑن لئی۔

۲-کُرِنتھِیوں 13:2

جیویں مَیں جد دُوجی وار حاضر ساں۔ تے پہلاں توں آکھ دِتّا سی۔ ایسے طرح ای ہُن حاضر نا ہو کے وی اوہناں لوکاں نُوں جِنہاں پہلاں گُناہ کِیتے نیں۔ تے ہور ساریاں لوکاں نُوں پہلوں ای آکھ دینا آں پئی جے فیر آواں تے چھڈاں گا نئیں۔