۲-کُرِنتھِیوں 10:18 - پنجابی نواں عہد نامہ نظرثانی شدہ چھپائی

¹⁸ کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۲-کُرِنتھِیوں 10:18 ပူးပေါင်းရင်းမြစ်များ

لُوقا 16:15

تَد اوس اوہناں نُوں آکھیا تُسی اوہ لوک ہو۔ جیہڑے بندیاں اگّے اپنے آپ نُوں نیک بناندے ہو۔ پر خُدا تُہاڈے دِلاں دِیاں جان دا اے۔ کیوں جو جیہڑی شے بندیاں دی سمجھ وِچ قدر والی اے۔ سو خُدا دے اگّے کرہتی اے۔

یُوحنّا 12:43

کیوں جو اوہ بندیاں دی وڈیائی نُوں خُدا دی وڈیائی نالوں وَدّھ پیار کر دے سن۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

رُومِیوں 14:18

کیوں جو جیہڑا ایس طرح مسِیح دا غلام ہوندا اے۔ اوہ خُدا اگّے چَنگا اے۔ تے بندیاں اگّے کھرا اے۔

رُومِیوں 16:10

اَپلِّیس نُوں جیہڑا مسِیح وِچ مقبُول اے۔ سلام آکھنا۔ اَرِستُِبُولُس دے گھر دیاں نُوں میرا سلام آکھو۔

رُومِیوں 2:29

سگوں ٹھیک یہُودی اوہو اے۔ جیہڑا اندروں اے تے سُنتی بہنا اوہو اے۔ جیہڑا دِل دا اے رسمی نا ہوئے پر رُوحانی ہوئے۔ اجیہے دی وڈیائی بندیاں ولّوں نئیں پر خُدا ولّوں اے۔

۱-کُرِنتھِیوں 11:19

کیوں جو تُہاڈے وِچ بِدعتاں دا ہونا ضرُوری اے۔ تاں جو پَتا لگ جائے پئی تُہاڈے وِچ قبول کِیتے ہوئے کیہڑے کیہڑے نیں۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۲-کُرِنتھِیوں 10:12

کیوں جو ساڈے وِچ ایہہ حَوصلہ نئیں پئی اپنے آپ نُوں اوہناں بندیاں وِچ رلایئے۔ یاں اوہناں نال کوئی برابری کریئے جیہڑے اپنی نیک نامی جتاؤندے نیں۔ پر اوہ آپ ای اپنے آپ نُوں مَن کے تے اپنے آپ دی اِک دُوجے نال برابری کر کے نادان بن دے نیں۔

۲-کُرِنتھِیوں 13:7

تے اسی خُدا توں دُعا منگنے آں۔ پئی تُسی کوئی بُریائی نا کرو۔ نا ایس لئی پئی اسی قبولے ہوئے معلُوم ہوئے۔ سگوں ایس لئی پئی تُسی نیکی کرو۔ بھانویں اسی نامقبُول وی ٹھہریئے۔

۲-کُرِنتھِیوں 3:1

کِیہ اسی فیر اپنی نیک نامی دسنی شُروع کرنے آں؟ یا سانُوں کئیاں وانگر نیک نامی دِیاں چِٹّھیاں تُہاڈے کول لیاؤن یا تُہاتھوں لین دی لوڑ اے؟

۲-کُرِنتھِیوں 5:12

اسی فیر اپنی نیک نامی تُہاڈے اُتّے نئیں جتاؤندے سگوں اپنے سبّب اسی تُہانوں فخر کرن دا موقع دینے آں تاں جو تُسی اوہناں نُوں جواب دے سکو۔ جیہڑے ظاہر اُتّے شیخی مار دے نیں۔ تے باطن اُتّے نئیں۔

۲-کُرِنتھِیوں 6:4

سگوں خُدا دے کامیاں وانگ اپنی خُوبی ظاہر کرنے آں۔ بڑے صبر نال۔ مُصِیبتاں نال۔ لوڑاں نال ۔تنگِیاں نال۔

۲-تِیمُتِھیُس 2:15

اپنے آپ نُوں خُدا دے سامھنے مقبُول تے اجیہے کمّ کرن والے وانگر پیش کرن دی کوشش کر جِہنُوں شرمندہ ہونا نا پَوے۔ جیہڑا سَچّے کلام نُوں چج نال کمّ وِچ لیاؤندا اے۔

۱-پطرس 1:7

تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔