۲-کُرِنتھِیوں 1:9 - پنجابی نواں عہد نامہ نظرثانی شدہ چھپائی

⁹ سگوں اپنے اُتّے مَوت دا حُکم یقِین کر لیا سی۔ تاں جو اپنا بھروسا نا رکھیے سگوں خُدا دا جیہڑا مُردیاں نُوں جوالدا اے۔

۲-کُرِنتھِیوں 1:9 ပူးပေါင်းရင်းမြစ်များ

لُوقا 18:9

فیر اوس کئیاں نُوں۔ جیہڑے اپنے اُتّے بھروسا رکھدے سن۔ پئی اسی نیک آں تے جیہڑے ہورناں نُوں ماڑیاں جاندے سن۔ ایہہ تمثِیل سُنائی۔

رُومِیوں 8:36

جیویں لِکھیا اے۔ اسی تیری خاطر سارا دِن مارے جانے آں۔ اسی کوہِیاں جان والِیاں بھیڈاں وانگُوں گِنے جانے آں۔

۲-کُرِنتھِیوں 1:10

سو اوسے سانُوں ایڈی وڈّی ہلاکت توں چھڈایا تے چھڈاوے گا تے سانُوں اوہدے توں آس اے۔ پئی اگّے نُوں وی چھڈاؤندا رہے گا۔

۲-کُرِنتھِیوں 1:8

بھراؤ! اسی نئیں چاہندے پئی تُسی اوس مُصِیبت توں ناواقِف رہو۔ جیہڑی آسِیہ وِچ ساڈے اُتّے پئی۔ تے اسی حدّوں وَدّھ تے طاقتوں باہر تنگ ہوگئے۔ ایتھوں توڑی پئی اساں اپنی جانوں وی ہتّھ دھوئے۔

۲-کُرِنتھِیوں 3:5

ایہہ نئیں پئی آپ ای اسی ایس لائق آں۔ پئی اپنے ولّوں کُجھ خیال وی کر سکِئے۔ سگوں ساڈی لیاقت خُدا ولّوں اے۔

۲-کُرِنتھِیوں 4:7

پر ساڈے کول ایہہ خزانہ مِٹّی دیاں بھانڈیاں وِچ رکھیا ہویا اے۔ تاں جو اوہ حدّوں وَدّھ قُدرت ساڈے ولّوں نئیں سگوں خُدا ولّوں معلُوم ہوئے۔

عِبرانیوں 11:19

کیوں جو اوہ ایہہ سمجھیا۔ پئی خُدا مویاں وِچوں وی جوال سکدا اے۔ تے مِثال وانگُوں مویاں وِچوں اوہنوں فیر مِلیا سی۔