۲-کُرِنتھِیوں 1:12 - پنجابی نواں عہد نامہ نظرثانی شدہ چھپائی

¹² کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 1:12 ပူးပေါင်းရင်းမြစ်များ

اعمال 23:1

تے پَولُس صدرِ مجلس والیاں نُوں دھیان نال ویکھ کے آکھیا۔ بھراؤ اَج تِیکر مَیں پُوری نیک نِیتی نال خُدا دے اگّے چلدا رہیا آں۔

اعمال 24:16

مَیں وی ایہدے وِچ کوشش کرنا آں۔ پئی خُدا تے بندیاں دے اگّے میرا دِل کَدے مَینُوں ملامت نا کرے۔

رُومِیوں 9:1

مسِیح وِچ ہو کے مَیں سَچ آکھنا آں۔ جُھوٹھ نئیں آکھدا میرا دِل پاک رُوح وِچ میرے نال ایہو گواہی دیندا اے۔

۱-کُرِنتھِیوں 1:17

کیوں جو مسِیح مَینُوں بپتِسمے لئی نئیں سگوں خُوشخبری سُنان لئی گھلّیا اے تے اوہ وی کلام دی دنائی نال نئیں۔ تاں جو مسِیح دی صلِیب بے اثر نا ہو جائے۔

۱-کُرِنتھِیوں 12:8

کیوں جو اِک نُوں رُوح دی راہِیں حِکمت دا کلام مِلدا اے تے دُوجے نُوں اوسے رُوح دی مرضی نال عِلم دا کلام۔

۱-کُرِنتھِیوں 15:10

پر جو کُجھ آں خُدا دے فضل توں آں۔ تے اوہدا فضل جیہڑا میرے اُتّے ہویا بے فائدہ نا ہویا۔ سگوں مَیں اوہناں ساریاں نالوں وَدّھ محنت کِیتی۔ تے ایہہ میرے ولّوں نئیں ہوئی سگوں خُدا دے فضل توں جیہڑا میرے اُتّے سی۔

۱-کُرِنتھِیوں 2:13

تے اسی ایہناں گلّاں نُوں اوہناں لفظاں وِچ نئیں بیان کر دے۔ جیہڑے اِنسانی حِکمت نال سانُوں سِکھائے گئے ہون۔ سگوں اوہناں لفظاں وِچ جیہڑے رُوح سِکھائے نیں۔ تے رُوحانی گلّاں نُوں رُوحانی گلّاں نال جاچنے آں۔

۱-کُرِنتھِیوں 4:4

کیوں جو میرا دِل تے مَینُوں ملامت نئیں کر دا پر اوہدے توں مَیں راستباز نئیں ٹھہردا۔ سگوں میرا پرکھن والا خُداوند اے۔

۱-کُرِنتھِیوں 5:8

سو آؤ اسی عید کریئے نا پرانے خمیر نال تے نا بُرائی تے شرارت دے خمیر نال۔ سگوں صاف دِلی تے سچیائی دی بے خمیری روٹی نال۔

۲-کُرِنتھِیوں 1:17

سو مَیں جو ایہہ اِرادہ کِیتا سی کِیہ مَیں اِقرار دا کچّا ساں؟ یا جِنہاں گلّاں دا اِرادہ کرنا آں جِسم ولّوں کرنا آں پئی ہاں ہاں وی کراں تے نئیں نئیں وی؟

۲-کُرِنتھِیوں 11:3

پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

۲-کُرِنتھِیوں 8:8

مَیں حُکم دے طَور نال نئیں آکھدا سگوں ایس لئی پئی ہورناں دی سرگرمی نال تُہاڈی مُحبّت وِچ سچیائی نُوں ازماواں۔

گلتِیوں 6:4

سو ہر کوئی اپنے ای کمّ نُوں جاچے۔ ایس طرح اوہدے کمّ واسطے اوہدی وڈیائی ہوئے گی نا کِسے ہور دے کمّ واسطے۔

اِفسِیوں 6:14

سو سچیائی دی پیٹی لکّ بَنّھ کے تے راستبازی دا بکتر پا کے۔

فِلِپّیوں 1:10

تاں جو چَنگیاں چَنگیاں شیواں نُوں پرکھ سکو تے مسِیح دے دِن تِیکر صاف دِل رہو۔ تے کدی ٹھیڈا نا کھاؤ۔

۱-تھِسّلُنِیکوں 2:10

تُسی گواہ ہو۔ تے خُدا وی گواہ اے۔ پئی ساڈا رویّہ تُہاڈے نال جِنہاں اِیمان لے آؤندا اے کیہو جیہا پاک تے راست تے بے عیب سی۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

طِطُس 2:7

سارِیاں گلّاں وِچ اپنے آپ نُوں نیک گلّاں دا نمونہ بنا۔ تیری تعلِیم وِچ صفائی تے سنجِیدگی ہوئے۔

عِبرانیوں 13:18

ساڈے لئی دُعا کرو۔ کیوں جو سانُوں یقِین اے پئی ساڈا دِل صاف اے۔ تے اسی سبھنیں گلِّیں نیکی نال جِیوندیاں رہنا چاہنے آں۔

یعقُوب 4:6

اوہ تے بُہتا فضل دیندا اے۔ ایس لئی ایہہ لِکھیا ہویا اے۔ پئی خُدا مغرُوراں دا سامنا کر دا اے۔ تے حلِیماں نُوں فضل دیندا اے۔

۱-پطرس 3:16

تے نِیّت وی نیک رکھو۔ تاں جو جِنہاں گلّاں وِچ تُہاڈے اُتّے عیب لایا جاندا اے۔ اوہناں وِچ اوہ لوک شرمندے ہون جیہڑے تُہاڈے مسِیح وِچ نیک روَئیے اُتّے طعنے دیندے نیں۔

۱-پطرس 3:21

تے ٹھیک اوسے پانی وانگر بپتِسمہ وی یِسُوع مسِیح دے جی اُٹھن دی راہِیں ہُن تُہانوں بچاندا اے۔ اوہدے توں جِسم دی مَیل دُور کرنا نئیں پر چنگی نِیّت نال خُدا دا طالب ہونا مُراد اے۔