۱-تِیمُتِھیُس 6:16 - پنجابی نواں عہد نامہ نظرثانی شدہ چھپائی

¹⁶ بے انت زِندگی نِری اوہدی اے۔ تے اوہ چانن وِچ رہندا اے۔ جِتّھے کوئی اَپڑ نئیں سکدا۔ تے نا کِسے بندے اوہنوں ویکھیا اے۔ تے نا ویکھ سکدا اے۔ اوہدی عِزّت تے بادشاہی سدا تِیکر رہے۔ آمِین۔

۱-تِیمُتِھیُس 6:16 ပူးပေါင်းရင်းမြစ်များ

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 14:9

یِسُوع اوہنوں آکھیا اَے فِلپُّس مَیں اینے چِر دا تُہاڈے نال آں تے تُوں مَینُوں نئیں جان دا؟ جِس مَینُوں ویکھیا اے اوس باپ نُوں ویکھ لیا اے۔ تے تُوں کِیویں آکھنا ایں پئی باپ سانُوں وکھال؟

یُوحنّا 6:46

ایہہ نا سمجھو پئی کِسے باپ نُوں ویکھیا اے۔ بِناں اوہدے جیہڑا خُدا ولّوں اے اوس باپ نُوں ویکھیا اے۔

یُوحنّا 8:58

یِسُوع اوہناں نُوں آکھیا مَیں تُہانوں سَچ سَچ آکھنا آں۔ ایدوں پہلاں پئی ابرہام سی مَیں آں۔

اِفسِیوں 3:21

کلِیسیا وِچ تے مسِیح یِسُوع وِچ سارِیاں پِیہڑیاں تِیکر تے سدا تِیکر اوسے دا جلال ہوندا رہے۔ آمِین۔

فِلِپّیوں 4:20

ساڈے خُدا تے باپ دی وڈیائی سدا تِیکر ہوندی رہے۔ آمِین۔

کُلُسِّیوں 1:15

اوہ اَن ویکھے خُدا دی صُورت تے ساری خلقت وِچوں پلیٹھا اے۔

۱-تِیمُتِھیُس 1:17

ہُن جُگّاں دے بادشاہ سدا حیات۔ اَن ڈِٹھ۔ اِکّو خُدا دی عِزّت تے ٹھاٹھ باٹھ سدا دے لئی ہوئے۔ آمِین۔

عِبرانیوں 13:8

یِسُوع مسِیح کل تے اَج سگوں سدا تِیکر اِکّو جِہیا اے۔

یعقُوب 1:17

سارِیاں چَنگیاں نِعمتاں تے اِنعام اُتّوں نیں۔ تے چانن دے باپ ولّوں مِلدے نیں۔ جیہڑا نا بدل سکدا اے نا بھون دے سبّب اوہدے اُتّے کوئی پر چھاواں پَے سکدا اے۔

۱-یُوحنّا 1:5

جیہڑا سنیہا اسی اوہدے کولوں سُن کے تُہانوں دینے آں اوہ ایہہ اے۔ پئی خُدا چانن اے تے اوہدے وِچ کُجھ وی ہنیرا نئیں۔

۱-یُوحنّا 1:7

پر جے اسی چانن وِچ ٹُر نیں آں۔ جیویں اوہ چانن وِچ اے تے ساڈی آپو وِچ سنگت اے تے اوہدے پُتر یِسُوع مسِیح دا لہو سانُوں ساریاں گُناہاں توں پاک کر دا اے۔

۱-یُوحنّا 4:12

خُدا نُوں کَدے کِسے نئیں ویکھیا۔ جے اسی اِک دُوجے نُوں مُحبّت کرنے آں۔ تے خُدا ساڈے وِچ رہندا اے۔ تے اوہدی مُحبّت ساڈیاں دِلاں وِچ پُوری ہوندی اے۔

یہُوداہ 1:25

اوس اِکّو خُدا دا جیہڑا ساڈا نجات دین والا اے۔ ساڈے خُداوند یِسُوع مسِیح دی راہِیں جلال تے عِزّت تے حکُومت تے قُدرت مُڈھوں وی اے تے ہُن تے اوڑک تِیکر ہوئے۔ آمِین۔

مُکاشفہ 1:6

تے سانُوں اِک بادشاہی بنایا تے اپنے خُدا تے باپ دے لئی کاہِن وی بنا دِتّا۔ اوہدا جلال تے سلطنت ہمیشہ تِیکر رہے۔ آمِین۔

مُکاشفہ 1:8

خُداوند خُدا جیہڑا اَے تے جیہڑا اَے سی تے جیہڑا آؤن والا اے۔ یعنی قادرِمُطلق آکھدا اَے۔ پئی مَیں الفا تے اومیگا ہاں۔

مُکاشفہ 21:3

فیر مَیں کِسے نُوں تخت وِچوں اُچّی اواز نال ایہہ آکھدیاں سُنیا۔ پئی ویکھو خُدا دا تنبُو بندیاں دے وِچ اے۔ اوہ اوہناں دے نال تنبُو لائے گا۔ تے اوہ اوہدے لوک ہون گے۔ تے اوہ آپ اوہناں دے نال رہے گا۔ تے اوہناں دا خُدا ہوئے گا۔

مُکاشفہ 22:5

تے فیر رات نا ہوئے گی۔ تے اوہناں نُوں دِیوے تے سُورج دی روشنی دی لوڑ نئیں ہوئے گی۔ کیوں جو خُداوند خُدا اوہناں نُوں روشن کرے گا۔ تے اوہ ہمیشہ تِیکر بادشاہی کرن گے۔

مُکاشفہ 4:11

اَے ساڈے خُداوند تے خُدا تُوہی وڈیائی تے عِزّت تے قُدرت دے لائق ایں۔ کیوں جو تُوہی سارِیاں شیواں پَیدا کِیتیاں تے اوہ تیری ای مرضی نال سن تے پَیدا ہویاں۔

مُکاشفہ 7:12

آکھیا آمِین وڈیائی تے جلال تے حِکمت تے شُکر تے عِزّت تے قُدرت تے طاقت ہمیشہ تِیکر ساڈے خُدا دی ہوئے آمِین۔