۱-تِیمُتِھیُس 5:8 - پنجابی نواں عہد نامہ نظرثانی شدہ چھپائی

⁸ جے کوئی اپنیاں تے خاص کر اپنے گھر والیاں دی وی خبر نا لَوے۔ تے اوہ اِیمان دا مُنکر تے بے اِیمان نالوں وی بَھیڑا اے۔

۱-تِیمُتِھیُس 5:8 ပူးပေါင်းရင်းမြစ်များ

متّی 18:17

تے جے کر اوہ اوہناں دی گلّ نا مَنّے تے کلِیسیا نُوں آکھ۔ پر جے کلِیسیا دی وی نا مَنّے تے اوہ تیرے لئی اجیہا ہوئے جِہیا کوئی غیر قوم یا محصُولیا۔

متّی 7:11

سو جدوں تُسی جیہڑے بُرے ہو اپنیاں بچّیاں نُوں چَنگیاں شیواں دینیاں جان دے ہو تے تُہاڈا باپ جیہڑا اسمان اُتّے اے اوہناں نُوں جیہڑے اوہدے کولوں منگدے نیں۔ چَنگیاں شیواں ضرُور دے گا۔

یُوحنّا 15:22

جے مَیں نا آیا ہوندا تے اوہناں نُوں نا دِسدا تَد اوہناں دا گُناہ نا ہوندا۔ پر ہُن تے اوہناں کول اوہناں دے گُناہ دا کُجھ عُذر نئیں۔

۱-کُرِنتھِیوں 6:6

سگوں بھراواں بھراواں وِچ مُقدّمہ ہوندا اے۔ سو اوہ وی بیدیناں اگّے۔

۲-کُرِنتھِیوں 12:14

ویکھو ایہہ ترِیجی واری مَیں تُہاڈے کول آؤن لئی تیار آں۔ تے تُہاڈے اُتّے بھار نا پاں گا۔ ایس لئی پئی مَیں تُہاڈا مال نئیں سگوں تُہانوں چاہناں آں۔ کیوں جو بچّیاں نُوں ماں پئیو لئی جوڑنا نئیں چاہیدا سگوں ماپیاں نُوں بچّیاں لئی جوڑنا چاہیدا اے۔

۲-کُرِنتھِیوں 6:15

مسِیح دا بلِیعال دے نال کِیہ واسطہ؟ یا اِیماندار دابے اِیمان نال کِیہ واسطہ؟

گلتِیوں 6:10

سو جدوں موقع مِلے۔ ساریاں نال نیکی کریئے۔ خاص کر اِیمانداراں نال۔

۲-تِیمُتِھیُس 2:12

جے اسی دُکھ سہاں گے۔ تے اوہدے نال بادشاہی وی کراں گے۔ جے اسی اوہدا اِنکار کراں گے۔ تے اوہ وی ساڈا اِنکار کرے گا۔

۲-تِیمُتِھیُس 3:5

اوہ دِینداری دی ڈول تے رکھن گے۔ پر اوہدے اثر نُوں نا مَنّن گے۔ اجیہے تُوں وکھرا ہو جا۔

طِطُس 1:16

اوہ خُدا دی پچھان دا دعویٰ کر دے نیں۔ پر اپنے کمّاں نال اوہدا اِنکار کر دے نیں۔ کیوں جو اوہ مکرُوہ تے نافرمان نیں تے کِسے نیک کمّ دے لائق نئیں۔

۲-پطرس 2:1

تے جیویں اوس اُمّت وِچ جُھوٹھے نبی اُٹھے سن ایسے طرح تُہاڈے وِچ وی جُھوٹھے اُستاد ہون گے جیہڑے لُک چُھپ کے ہلاک کرن والِیاں بِدعتاں کڈھن گے۔ تے اوس مالک دا اِنکار کرن گے جِس اوہناں نُوں مُل لیا سی تے اپنے آپ نُوں شتابی ہلاکت وِچ سُٹّن گے۔

یہُوداہ 1:4

کیوں جو کئی اجیہے بندے چُپ کِیتے ساڈے وِچ آ وڑے نیں۔ جِنہاں دی ایس سزا دا چَرچا پرانے زمانے توں پہلاں لِکھیا گیا سی۔ ایہہ بے دین نیں تے ساڈے خُداوند دے فضل نُوں لُچ پُناں بناندے نیں۔ تے ساڈے اِکّو مالک تے خُداوند یِسُوع مسِیح توں مُکّر جاندے نیں۔

مُکاشفہ 2:13

مَیں ایہہ تے جاننا آں پئی تُوں شیطان دے تخت دے تھاں وِچ رہنا ایں۔ تے میرے ناں اُتّے قیم رہنا ایں۔ تے جِنہاں دِناں وِچ میرا وفادار گواہ اِنتپاس تُہاڈے وِچ اوس تھاں قتل ہویا سی جِتّھے شیطان رہندا اے اوہناں دِناں وِچ وی تُوں میرے اُتّے اِیمان رکھن توں اِنکار نا کِیتا۔

مُکاشفہ 3:8

پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔