۱-تِیمُتِھیُس 3:15 - پنجابی نواں عہد نامہ نظرثانی شدہ چھپائی

¹⁵ تے جے مَینُوں چِر لگّے تے تُوں جان لے پئی خُدا دے گھر یعنی جِیوندے خُدا دی کلِیسیا وِچ جیہڑی سچیائی دا تھم تے نِیہہ اے۔ کِیویں وَرتنا چاہیدا اے۔

۱-تِیمُتِھیُس 3:15 ပူးပေါင်းရင်းမြစ်များ

متّی 16:16

شمعُون پطرس نے جواب دے کے آکھیا۔ تُوں تے مسِیح ایں زِندہ خُدا دا پُتر۔

متّی 18:18

مَیں تُہانوں سَچ آکھنا آں پئی جو کُجھ تُسی زمین اُتّے بَنّھو گے سو اسمان وِچ بَدّھا جائے گا۔ تاں جو کُجھ تُسی زمین اُتّے کھولو گے سو اسمان وِچ کھولیا جائے گا۔

یُوحنّا 1:17

کیوں جو شریعت مُوسیٰ دی راہِیں دِتّی گئی سی۔ پر فضل تے سچیائی یِسُوع مسِیح دی راہِیں آئی۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 18:37

تَد پِیلاطُس اوہنوں آکھیا۔ تے فیر تُوں بادشاہ ایں؟ یِسُوع جواب دِتّا تے آکھیا تُوں آپی آکھنا ایں پئی مَیں بادشاہ آں۔ مَیں ایس گلّ لئی جمّیا تے ایس گلّ لئی دُنیا وِچ آیا آں پئی مَیں سچیائی اُتّے گواہی دیاں۔ ہر اِک جیہڑا سچیائی دا اے میری اواز سُندا اے۔

یُوحنّا 6:69

اسی اِیمان لیائے تے جان گئے آں پئی خُدا دا قُدُّوس تُوں ای ایں۔

اعمال 1:2

اوس دِن تِیکر پئی جد پاک رُوح دی راہِیں اپنے چُنیاں ہویاں رسُولاں نُوں حُکم دین دے پِچّھوں اوہ اُتانہہ چُکیا گیا۔

اعمال 14:15

اَے بندیو! تُسی ایہہ کِیہ کر دے ہو؟ اسی وی تُہاڈے جیہے دُکھ سُکھ سہن والے بندے آں تے تُہانوں خُوشخبری دینے آں پئی ایہناں واہیات گلّاں توں لانبھے ہو کے زِندہ خُدا ولّ پِھرو۔ اوسے ای اسمان تے زمین۔ تے سمُندر نُوں۔ تے سبھ کُجھ جو اوہناں دے وِچ اے بنایا اے؟

رُومِیوں 3:2

ہر طرح نال بُہت اے خاص ایس گلّے پئی خُدا دا کلام اوہناں دے سپُرد کِیتا گیا۔

رُومِیوں 9:26

تے اِنج ہوئے گا پئی جِس تھاں اوہناں نُوں آکھیا گیا سی۔ پئی تُسی میری قوم نئیں اوہ۔ اوتھے اوہ جِیوندے خُدا دے پُتر اکھوان گے۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 3:16

تُسی نئیں جان دے ہو۔ پئی تُسی خُدا دی ہیکل ہو تے خُدا دا رُوح تُہاڈے وِچ وَسدا اے؟

۲-کُرِنتھِیوں 3:3

ظاہر اے پئی تُسی مسِیح دا اوہ خط اوہ جیہڑا اساں خادماں دے طَور اُتّے لِکھیا۔ سیاہی نال نئیں سگوں زِندہ خُدا دے رُوح نال پتّھر دِیاں تختِیاں اُتّے نئیں سگوں گوشت دی یعنی دِل دِیاں تختِیاں اُتّے۔

۲-کُرِنتھِیوں 6:16

تے خُدا دے مَقدِس نُوں بُتاں نال کِیہ تعلق اے؟ کیوں جو اسی زِندہ خُدا دا مَقدِس آں۔ جیویں خُدا آکھیا اے پئی مَیں اوہناں وِچ وَسّاں گا تے اوہناں وِچ ٹُراں پھراں گا۔ تے مَیں اوہناں دا خُدا ہوواں گا۔ تے اوہ میری اُمّت ہون گے۔

۲-کُرِنتھِیوں 6:7

سچیائی دے کلام نال۔ خُدا دی قُدرت نال۔ راست بازی دے ہتّھیاراں دی راہِیں جیہڑے سَجّے کھبّے نیں۔

گلتِیوں 2:9

تے یعقُوب تے کیفا تے یُوحنّا نے جیہڑے کلِیسیا دے سرپَینچ سمجھے جاندے سن۔ جدوں اوس فضل نُوں جیہڑا مَینُوں مِلیا سی معلُوم کِیتا تے سانجھداری دا سَجّا ہتّھ دے کے مَینُوں تے برنباس نُوں جوڑی دار بنا لیا۔ پئی اسی غیر قوماں ولّ جائیے۔ تے اوہ سُنتِیاں ولّ۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

اِفسِیوں 4:21

سگوں تُساں اوس سچیائی دے سببّوں جیہڑی یِسُوع وِچ اے اوسے دی سُنی تے اوسے دی ایہہ تعلِیم سِکھی۔

کُلُسِّیوں 1:5

اوس آس کِیتی ہوئی شے دے سببّوں جیہڑی تُہاڈے واسطے اسمان اُتّے رکھی ہوئی اے۔ جِہدا ذِکر تُساں اوس خُوشخبری دے سَچّے کلام وِچ سُنیا اے۔

۱-تھِسّلُنِیکوں 1:9

ایس لئی پئی اوہ آپ ساڈا ذِکر کر دے نیں پئی ساڈا تُہاڈے کول آؤنا کیہو جِہیا ہویا تے تُسی کِس طرح بُتاں ولّوں خُدا ولّ مُڑے۔ تاں جو زِندہ تے سَچّے خُدا دے بندے بنو۔

۱-تِیمُتِھیُس 3:14

تیرے کول چھیتی آؤن دی آس کر کے مَیں ایہہ گلّاں تینُوں لِکھنا آں۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

۱-تِیمُتِھیُس 3:2

ایس لئی نگران بے نُقص تے اِک زنانی دا بندہ۔ تے پرہیزگار تے سُرت والا تے سُچجا تے مُسافراں دی سیوا کرن والا تے سکھان وِچ چَنگا ہوئے۔

۱-تِیمُتِھیُس 3:5

(جدوں کوئی اپنے گھر دا ای بندوبست نئیں کر سکدا تے اوہ خُدا دی کلِیسیا دی کِیویں راکھی کرے گا؟)

۱-تِیمُتِھیُس 4:10

کیوں جو اسی ایسے واسطے محنت تے جتن کرنے آں۔ پئی ساڈی آس اوس جِیوندے خُدا توں اے جیہڑا سارے بندیاں نُوں نجات دین والا اے۔ تے خاص کر اِیمان والیاں نُوں۔

۱-تِیمُتِھیُس 6:16

بے انت زِندگی نِری اوہدی اے۔ تے اوہ چانن وِچ رہندا اے۔ جِتّھے کوئی اَپڑ نئیں سکدا۔ تے نا کِسے بندے اوہنوں ویکھیا اے۔ تے نا ویکھ سکدا اے۔ اوہدی عِزّت تے بادشاہی سدا تِیکر رہے۔ آمِین۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

۲-تِیمُتِھیُس 2:20

وڈّے گھر وِچ نا نِرے سونے چاندی دے بھانڈے ہوندے نیں سگوں لکڑ تے مِٹّی دے وی بعضے عِزّت تے بعضے بے عِزّتی دے لئی۔

عِبرانیوں 10:21

تے جد ساڈا وَڈا کاہِن اے جیہڑا خُدا دے گھر دا مُختِیار اے۔

عِبرانیوں 12:22

سگوں تُسی صِیُّون دے پہاڑ تے جِیوندے خُدا دے شہر یعنی اسمانی یرُوشلِیم دے کول آئے ہو تے لَکّھاں فرِشتیاں۔

عِبرانیوں 3:12

بھراؤ! خبردار تُہاڈے وِچوں کِسے دا اجیہا بَھیڑا تے بے اِیمان دِل نا ہوئے۔ جیہڑا جِیوندے خُدا توں پھر جاوے۔

عِبرانیوں 9:14

تے مسِیح دا لہو جِس اپنے آپ نُوں سدا دی رُوح دی راہِیں خُدا دے اگّے بے عیب قُربان کِیتا۔ تُہاڈے دِلاں نُوں مُردہ کمّاں توں کِنّاں کُو چوکھا پاک کرے گا۔ تاں جو تُسی جِیوندے خُدا دی بندگی کرو۔

۱-پطرس 2:5

تُسی وی جِیوندے پتّھراں وانگر رُوحانی گھر بندے جاندے ہو۔ تاں جو کاہِناں دا پاک فِرقہ بن کے اجیہاں رُوحانی قُربانِیاں چاہڑو۔ جیہڑیاں یِسُوع مسِیح دی راہِیں چَنگیاں لگدِیاں نیں

۱-پطرس 4:17

کیوں جو اوہ ویلا آ پُجیا اے پئی خُدا دے گھروں عدالت شُروع ہوئے۔ تے جد ساتھوں ای شُروع ہوئے گی تے اوہناں دا کِیہ اوڑک ہوئے گا جیہڑے خُدا دی خُوشخبری نُوں نئیں مَن دے۔

مُکاشفہ 7:2

فیر مَیں اِک ہور فرِشتے نُوں ویکھیا پئی جِیوندے خُدا دی مُہر لے کے چڑھدے ولّوں اُتانہہ آیا۔ اوس اوہناں چَوہاں فرِشتیاں نُوں جِنہاں نُوں زمین تے سمُندر دے نُقصان کرن دا اختیار دِتّا گیا سی اُچّی اواز نال آکھیا۔