۱-تِیمُتِھیُس 3:13 - پنجابی نواں عہد نامہ نظرثانی شدہ چھپائی

¹³ کیوں جو جیہڑے خِدمت دا کمّ چنگی طرح مُکاندے نیں اوہ اپنے لئی چَنگا رُتبہ تے اوس اِیمان وِچ جیہڑا یِسُوع مسِیح اُتّے اے۔ بڑی دلیری پاندے نیں۔

۱-تِیمُتِھیُس 3:13 ပူးပေါင်းရင်းမြစ်များ

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

متّی 25:21

اوہدے مالک نے اوہنوں آکھیا شاواشے چنگیا تے وفادار نوکرا۔ تُوں تے تھوڑے وِچ وفادار نِکلیا۔ مَیں تینُوں بتھیرے اُتّے اختیار دیاں گا۔ تُوں اپنے مالک دی خُوشی وِچ داخل ہو۔

لُوقا 19:17

تے اوس اوہنوں آکھیا۔ شاواشے! چنگے نوکر ایس لئی پئی تُوں بُہت تھوڑے وِچ وفادار نِکلیوں دَساں شہراں اُتّے تُوں مُختِیار ہو۔

اعمال 21:35

تے جد اوہ پَوڑِیاں اُتّے اَپڑیا۔ لوکاں دے زور تے زبردستی دے صدقے سپاہیاں نیں چُک لیا۔

اعمال 6:15

تے صدرِ مجلس دے سارے بہن والیاں اوہدے ولّ دھیان کر کے ویکھیا پئی اوہدا مُکھڑا فرِشتے دے مُکھڑے وانگر اے۔

اعمال 6:5

تَد ایہہ گلّ ساری جماعت نُوں چنگی لگّی۔ تے اوہناں ستِفنُس کر کے اِک جَنے نُوں جیہڑا اِیمان تے پاک رُوح نال بھریا ہویا سی۔ تے فِلپُّس تے پرُخُرس تے نیکانور۔ تے تِیمون تے پرمناس۔ تے نیکُلاؤس انطاکی نُوں جیہڑا نواں یہُودی مُرید سی چُنیا۔

اعمال 6:8

تے ستِفنُس فضل تے طاقت نال بھریا ہویا وڈّے وڈّے مُعجزے لوکاں وِچ کر دا سی۔

۱-کُرِنتھِیوں 16:15

بھراؤ! تُسی ستِفناس دے ٹبّر نُوں جان دے اوہ۔ پئی اوہ اَخیہ دے پہلے پَھل نیں تے پاک لوکاں دی سیوا لئی تیار رہندے نیں۔

فِلِپّیوں 1:14

تے جیہڑے خُداوند وِچ بھرا نیں کئی میرے قید ہون دے سببّوں دلیر ہو کے بے دھڑک خُدا دا کلام سُنان وِچ وَدّھ کے حَوصلہ کر دے نیں۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۱-تِیمُتِھیُس 3:14

تیرے کول چھیتی آؤن دی آس کر کے مَیں ایہہ گلّاں تینُوں لِکھنا آں۔

۲-تِیمُتِھیُس 2:1

سو میرے پُتر تُوں اوس فضل نال جیہڑا مسِیح یِسُوع وِچ اے تگڑا ہو۔

عِبرانیوں 6:10

ایس لئی خُدا بے نیاں نئیں پئی تُہاڈے کمّ تے اوس پیار نُوں بُھل جائے۔ جیہڑا تُساں اوہدے ناں لئی ایس طرح ظاہر کِیتا پئی پاک لوکاں دی سیوا کِیتی تے اجے پئے کر دے ہو۔