۱-تِیمُتِھیُس 1:19 - پنجابی نواں عہد نامہ نظرثانی شدہ چھپائی

¹⁹ اِیمان تے نیک نِیتی نُوں پَکیّاں رکھّیں۔ جِنہاں دے چھڈن دے سببّوں بتھیریاں لوکاں دے اِیمان دا بیڑا ڈُب گیا اے۔

۱-تِیمُتِھیُس 1:19 ပူးပေါင်းရင်းမြစ်များ

متّی 6:27

تُہاڈے وِچوں اوہ کون اے جیہڑا فِکر کرن نال اپنا قد اِک ہتّھ وَدّھا سکدا اے؟

۱-کُرِنتھِیوں 11:19

کیوں جو تُہاڈے وِچ بِدعتاں دا ہونا ضرُوری اے۔ تاں جو پَتا لگ جائے پئی تُہاڈے وِچ قبول کِیتے ہوئے کیہڑے کیہڑے نیں۔

گلتِیوں 5:4

تُسی جیہڑے شریعت دی راہِیں راستباز ٹھہرنا چاہندے ہو مسِیح توں وکھرے ہو گئے۔ تے فضل ولّوں رہ گئے۔

۱-تِیمُتِھیُس 1:5

حُکم دا مطلب ایہہ اے پئی پاک دِلی تے نیک نِیتی تے سَچّے اِیمان نال مُحبّت ہوئے

۱-تِیمُتِھیُس 3:9

تے خُدا دے اِیمان دے بھیت نُوں صاف دِل وِچ حفاظت نال رکھن۔

۱-تِیمُتِھیُس 6:12

اِیمان دی چنگی کُشتی گُھل اوس سدا دی زِندگی اُتّے قبضہ کر لے۔ جِہدے لئی سدّیا گیا سَیں۔ تے بتھیرے گواہاں اگّے چَنگا اِقرار کِیتا سی۔

۱-تِیمُتِھیُس 6:21

بُہتے اوہدا اِقرار کر کے اِیمان ولّوں بُھل گئے نیں۔ تُہاڈے اُتّے فضل ہوندا رہے۔

۱-تِیمُتِھیُس 6:9

پر جیہڑے دَولتمند بننا چاہندے نیں اوہ ایسے ای ازمایش تے پھاہی تے بُہت ساری واہیات تے نُقصان دین والِیاں خواہشاں وِچ پَھس جاندے نیں جیہڑیاں بندیاں نُوں بربادی تے مَوت دے دریا وِچ ڈوب دیندیاں نیں۔

۲-تِیمُتِھیُس 2:18

اوہ ایہہ آکھ کے پئی قیامت ہوگئی اے سچیائی توں پھر گئے نیں۔ تے بعضیاں دا اِیمان وگاڑ دے نیں۔

۲-تِیمُتِھیُس 4:4

تے اپنے کنّاں نُوں سچیائی ولّوں فیر کے کہانِیاں اُتّے لان گے۔

طِطُس 1:9

تے اِیمان دے کلام نُوں جیہڑا ایس تعلِیم دے سببّوں اے پَھڑی رکھّے۔ پئی ٹھیک تعلِیم نال نصِیحت وی کرے۔ تے مخالفاں نُوں وی منائے۔

عِبرانیوں 3:14

کیوں جو اسی مسِیح وِچ شریک ہوئے آں جے اسی اپنے شُروع دے بھروسے وِچ اوڑک تِیکر مضبُوطی نال قیم رہئے۔

۱-یُوحنّا 2:19

نِکلے تے اوہ ساڈے وِچوں ای سن۔ پر ساڈے نئیں سن۔ ایس لئی پئی جے اوہ ساڈے ہوندے تے ساڈے نال رہندے پر ایس لئی نِکل گئے تاں جو پَتا لگ جائے۔ پئی اوہ سارے ساڈے نئیں۔

مُکاشفہ 3:10

ایس کر کے پئی تُوں میرے صبر دے کلام اُتّے عمل کِیتا ایس لئی مَیں وی ازمایش دے اوس ویلے تیری حفاظت کراں گا۔ جیہڑا زمین دے رہن والیاں دے ازمان لئی ساری دُنیا اُتّے آؤن والا ہے۔

مُکاشفہ 3:3

تَد یاد کر پئی تُوں کِیویں دی تعلِیم سِکھی تے سُنی سی۔ تے اوہدے اُتّے قیم رہو تے تَوبہ کر۔ جے تُوں جاگدا نا رہیں گا۔ تے مَیں چور وانگر آ جاواں گا تے تینُوں کدی پتا نا ہوئے گا۔ پئی مَیں کیہڑے ویلے تیرے اُتّے آپَواں گا

مُکاشفہ 3:8

پئی مَیں تیرے کمّاں نُوں جاننا آں (ویکھ مَیں تیرے سامھنے اِک بُوہا کھولیا ہویا اے۔ کوئی اوہنوں بند نئیں کر سکدا) کیوں جو تیرے وِچ تھوڑا جِہیا زور اے۔ تے تُوں میرے کلام اُتّے عمل کِیتا اے۔ تے میرے ناں دا اِنکار نئیں کِیتا۔