۱-تھِسّلُنِیکوں 4:4 - پنجابی نواں عہد نامہ نظرثانی شدہ چھپائی

⁴ تے ہر اِک تُہاڈے وِچوں اپنے بدن نُوں پاکیزگی تے عِزّت نال قابُو رکھنا جانے۔

۱-تھِسّلُنِیکوں 4:4 ပူးပေါင်းရင်းမြစ်များ

اعمال 9:15

پر خُداوند اوہنوں آکھیا تُوں جا۔ کیوں جو اوہ غیر قوماں تے بادشاہاں تے بنی اِسرائیل دے اگّے میرا ناں پُہنچان نُوں میرا چُنیا ہویا وسیلہ اے۔

رُومِیوں 1:24

ایس لئی خُدا اوہناں دے دِلاں دِیاں خواہشاں دے سببّوں اوہناں نُوں پلِیتی وِچ چھڈ دِتّا پئی اپنے بدناں نُوں آپو وِچ بے عِزّت کرن۔

رُومِیوں 12:1

سو بھراؤ۔ مَیں خُدا دِیاں مہربانِیاں دے سببّوں تُہاڈی مِنّت کرنا آں۔ پئی تُسی اپنے بدناں نُوں جیوندی پاک قُربانی چڑھاؤ۔ جیہڑی خُدا نُوں چنگی لگّے۔ پئی ایہو تُہاڈی رُوحانی بندگی اے۔

رُومِیوں 6:19

تُہاڈے جِسم دی کمزوری دے سببّوں مَیں اِنسانی سبھا وانگُوں گلّ کرنا آں کیوں جو جیویں تُساں اپنے انگاں نُوں شرارت کرن لئی پلِیتی تے شرارت دی غلامی دے حوالے کِیتا اوسے طرح ہُن تُسی اپنے انگاں نُوں پاک ہون لئی راستبازی دی غلامی دے حوالے کر دیو۔

۱-کُرِنتھِیوں 6:15

تُسی نئیں جان دے پئی تُہاڈے بدن مسِیح دے انگ نیں؟ سو مَیں مسِیح دے انگ لے کے کسبی دے انگ بناواں؟ کدی نئیں۔

۱-کُرِنتھِیوں 7:2

پر حرامکاری دے خطریوں ہر اِک مرد اپنی بیوی تے ہر اِک زنانی اپنا شوہر رکھّے۔

۱-کُرِنتھِیوں 7:9

پر جے رُک نا سکن تے ویاہ کر لین۔ کیوں جو ویاہ کرنا مسَتی نالوں چَنگا اے۔

۲-کُرِنتھِیوں 4:7

پر ساڈے کول ایہہ خزانہ مِٹّی دیاں بھانڈیاں وِچ رکھیا ہویا اے۔ تاں جو اوہ حدّوں وَدّھ قُدرت ساڈے ولّوں نئیں سگوں خُدا ولّوں معلُوم ہوئے۔

فِلِپّیوں 4:8

بھراؤ! ہور ایہہ گلّ اے جیہڑیاں گلّاں سَچیاں نیں جیہڑیاں عِزّت جوگیاں نیں جیہڑیاں نیک نیں۔ جیہڑیاں سُدّھ نیں۔ جیہڑیاں پیاریاں نیں۔ جیہڑیاں بھلیاں نیں۔ جیہڑیاں گُن دِیاں نیں تے جیہڑیاں تعرِیف دِیاں نیں اوہناں اُتّے دھیان رکھو۔

عِبرانیوں 13:4

ویاہ کرناں ساریاں وِچ عِزّت دی گلّ سمجھی جائے تے کوئی زنا نا ہوئے۔ ایس لئی پئی خُدا زناکاراں تے حرامکاراں دا نیاں کرے گا۔

۱-پطرس 3:7

گھر والیو! تُسی وی اپنیاں زنانِیاں نال عقل نال وسّیا کرو تے زنانی نُوں کمزور جان کے اوہدی عِزّت کرو تے ایسے طرح سمجھو پئی اسی دونویں زِندگی دی نِعمت دے وارث آں۔ تاں جو تُہاڈیاں دُعاواں رُک نا جان۔