۱-تھِسّلُنِیکوں 3:10 - پنجابی نواں عہد نامہ نظرثانی شدہ چھپائی

¹⁰ اسی دِنے راتِیں بُہت وَدّھ کے دُعا منگنے آں۔ پئی تُہاڈی صُورت ویکھئے۔ تے تُہاڈے اِیمان دے گھاٹے نُوں پُوریاں کرئیے۔

۱-تھِسّلُنِیکوں 3:10 ပူးပေါင်းရင်းမြစ်များ

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

اعمال 26:7

اوسے وعدے دے پُورے ہون دی آس اُتّے ساڈے باراں گھرانے دِلوں جانوں رات دِن بندگی کر دے نیں۔ اَے بادشاہ ایسے آس دے سبّب یہُودی مَینُوں الزام دیندے نیں۔

۲-کُرِنتھِیوں 1:15

تے ایسے بھروسے اُتّے مَیں ایہہ اِرادہ کِیتا سی پئی پہلاں تُہاڈے کول آواں تاں جو تُہانوں اِک ہور بخشِش مِلے۔

۲-کُرِنتھِیوں 1:24

ایہہ نئیں پئی اسی اِیمان ولّوں تُہاڈے اُتّے حکُومت کرنے آں سگوں خُوشی وِچ تُہاڈے مددگار ہاں کیوں جو تُسی اِیمان ای نال قیم رہندے ہو۔

۲-کُرِنتھِیوں 13:11

سو بھراؤ! خُوش رہو۔ کامِل بنو۔ خاطرجمع رکھو۔ اِک دِل رہو۔ میل ملاپ رکھو۔ تے خُدا مُحبّت تے تسلّی دا سرچشمہ تُہاڈے نال ہوئے گا۔

۲-کُرِنتھِیوں 13:9

جدوں اسی کمزور آں تے تُسی زوراور تَد اسی خُوش آں تے ایہہ دُعا وی منگنے آں۔ پئی تُسی کامِل بنو۔

فِلِپّیوں 1:25

تے ایس کر کے پئی مَینُوں ایہدا یقِین اے۔ ایس لئی مَیں جاننا آں پئی جِیوندا رہاں گا۔ سگوں تُہاڈے سبھناں دے نال رہواں گا تاں جو تُسی اِیمان وِچ وَدھو۔ تے اوہدے وِچ خُوش رہو۔

کُلُسِّیوں 1:28

جِہدی منادی کر کے اسی ہر اِک بندے نُوں نصِیحت کرنے آں۔ تے ہر اِک نُوں پُوری دانائی نال تعلِیم دینے آں۔ تاں جو اسی ہر اِک بندے نُوں مسِیح وِچ کامِل کر کے پیش کریئے۔

کُلُسِّیوں 4:12

اِپَفراس جیہڑا تُہاڈے وِچوں اے تے مسِیح یِسُوع دا خادم اے تُہانوں سلام آکھدا اے۔ اوہ تُہاڈے لئی دُعا وِچ سدا دَوڑ بھج کر دا رہندا اے۔ تاں جو تُسی خُدا دی پُوری مرضی وِچ کامِل تے پکّے یقِین والے رہو۔

۱-تھِسّلُنِیکوں 3:11

ہُن آپ ساڈا خُدا تے باپ تے ساڈا خُداوند یِسُوع تُہاڈے ولّ ساڈا راہ بنائے۔

۲-تھِسّلُنِیکوں 1:11

ایس لئی اسی تُہاڈے لئی ہر ویلے دُعا وی منگدے رہنے آں پئی ساڈا خُدا تُہانوں ایس بُلاوے دے قابل جانے تے نیکی دی ہر خواہش تے اِیمان دے ہر کمّ نُوں قُدرت نال پُوریاں کرے۔

۲-تِیمُتِھیُس 1:3

جیہڑے خُدا دی بندگی وِچ صاف دِل نال پئیو دادیاں دے طریقے اُتّے کرنا واں اوہدا شُکر کرنا آں۔ پئی اپنیاں دُعاواں وِچ ہرویلے تینُوں یاد کرنا آں۔

فلِیمون 1:22

نالے میرے لئی رہن دا تھاں بنائِیں۔ کیوں جو مَینُوں آس اے پئی تُہاڈیاں دُعاواں دی راہِیں مَیں تُہانوں بخشیا جاواں گا۔

مُکاشفہ 4:8

ایہناں چَوہاں جانداراں دے چھ چھ پَر تے چَونہہ پاسے تے اندر اَکھّیاں ای اَکھّیاں نیں۔ تے دِنے راتِیں آرام نئیں کر دے۔ تے ایہو آکھدے رہندے نیں۔ پئی قُدُّوس قُدُّوس قُدُّوس خُداوند خُدا قادرِ مُطلق جیہڑا ہے سی تے جیہڑا ہے تے جیہڑا آؤن والا اے۔

مُکاشفہ 7:15

ایسے صدقہ ایہہ خُدا دے تخت اگّے نیں تے ہیکل وِچ دِنے راتِیں اوہدی بندگی کر دے نیں۔ تے جیہڑا تخت اُتّے بَیٹھا ہویا اے اوہ اپنا تنبُو اوہناں دے اُتّے تانیں گا۔