۱-تھِسّلُنِیکوں 2:9 - پنجابی نواں عہد نامہ نظرثانی شدہ چھپائی

⁹ کیوں جو بھراؤ تُہانوں ساڈی محنت تے سختی یاد اے۔ دِنے راتِیں مزدُوری کر کے تُہاڈے کول خُدا دی خُوشخبری دی منادی کِیتی۔ تاں جو تُہاڈے وِچوں کِسے اُتّے بھارُو نا ہوئے۔

۱-تھِسّلُنِیکوں 2:9 ပူးပေါင်းရင်းမြစ်များ

لُوقا 18:7

خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

اعمال 18:3

تے ایس لئی پئی اوہناں دا وِپار اِکّو سی۔ اوہناں دے نال رہیا۔ تے اوہ رَل کے کمّ کرن لگّے۔ کیوں جو اوہ وِپار ولّوں تنبُو سیون والے سن۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

اعمال 20:31

سو جاگدے رہو۔ تے یاد رکھو۔ پئی مَیں تِنّ ورھے رات تے دِن رو رو کے ہر اِک نُوں دسن توں نئیں رُکیا۔

رُومِیوں 1:1

پَولُس ولّوں جیہڑا یِسُوع مسِیح دا غلام سدّیا ہویا رسُول تے خُدا دی خُوشخبری لئی وَکھ کِیتا گیا۔

رُومِیوں 15:16

پئی مَیں خُدا دی خُوشخبری دی سیوا کاہِن وانگر کر کے غیر قوماں دے لئی مسِیح یِسُوع دا سیوک ہوواں۔ تاں جو غیر قوماں دا چڑھاوا پاک رُوح توں پاک ہو کے منظُور کِیتا جاوے۔

رُومِیوں 15:19

بھانویں نشانِیاں تے کراماتاں دی قُدرت نال بھانویں پاک رُوح دی قُدرت نال۔ ایتھوں تِیکر پئی یرُوشلِیم توں لے کے اِلّرِکُم تِیکر وی مَیں پھیرا مار کے مسِیح دی خُوشخبری دی پُوری منادی کِیتی۔

۱-کُرِنتھِیوں 4:12

تے اپنے ہتّھاں نال محنت کرنے آں لوک بُرا آکھدے نیں اسی دُعا دینے آں۔ اوہ دُکھ دیندے نیں اسی سہنے آں۔

۱-کُرِنتھِیوں 9:15

پر مَیں ایہناں وِچوں کِسے اُتّے عمل نئیں کِیتا۔ نا ایس مطلب نال ایہہ لِکھیا۔ پئی میرے لئی اجیہا ہوئے۔ کیوں جو میرا مر جانا ای اوہدے نالوں چَنگا اے۔ پئی کوئی میرا فخر گواوے۔

۱-کُرِنتھِیوں 9:18

سو مَینُوں کِیہ بدلہ مِلدا اے؟ ایہہ پئی جدوں خُوشخبری دی منادی کراں تے خُوشخبری نُوں مُفت کر دیاں۔ تاں جو جیہڑا اختیار مَینُوں خُوشخبری دے لئی مِلیا ہویا اے۔ اوہدے سببّوں پُورا عمل نا کراں۔

۱-کُرِنتھِیوں 9:4

پئی سانُوں کھان پِین دا اختیار نئیں؟

۲-کُرِنتھِیوں 11:27

محنت تے مُشقّت وِچ۔ کئی واری جاگدیاں رہن۔ بُھکھ تے تَریہہ دی مُصِیبت وِچ۔ کئی واری فاقے وِچ۔ پالے تے ننگے رہن دی حالت وِچ رہیا آں۔

۲-کُرِنتھِیوں 11:9

تے جد مَیں تُہاڈے کول ساں تے ضرورت مند ہوگیا ساں۔ تَد وی مَیں کِسے اُتّے بھار نا پایا۔ کیوں جو بھراواں مَکِدُنیہ توں آ کے میری لوڑ پُوری کر دِتّی سی۔ تے مَیں ہر گلّ وِچ تُہاڈے اُتّے بھار پان توں رُکیا رہیا۔ تے رہاں گا وی۔

۲-کُرِنتھِیوں 6:5

کولڑے کھان نال۔ قید ہون نال۔ ہنگامیاں نال۔ محِنتاں نال۔ جاگدیاں رہن نال۔ بُھکھیاں رہن نال۔

فِلِپّیوں 4:16

تھِسّلُنِیکے وِچ میری تُھڑ پُوری کرن لئی اِکّو واری نئیں سگوں دو واری کُجھ گھلّیا۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۱-تھِسّلُنِیکوں 2:2

سگوں تُہانوں پتا اے۔ پئی بھانویں اساں فِلپّی وِچ دُکھ جھلیا تے بے عِزّت ہوئے۔ پر فیر وی سانُوں اپنے خُداوند وِچ ایہہ دلیری مِلی۔ پئی خُداوند دی خُوشخبری جان توڑ کے تُہانوں سُنائیے۔

۱-تھِسّلُنِیکوں 2:6

تے اسی لوکاں توں عِزّت نئیں چاہندے نا تُہاتھوں نا ہورناں توں۔ بھانویں مسِیح دے رسُول ہون دے سببّوں تُہاڈے اُتّے بھار پا سکنے آں۔

۱-تھِسّلُنِیکوں 3:10

اسی دِنے راتِیں بُہت وَدّھ کے دُعا منگنے آں۔ پئی تُہاڈی صُورت ویکھئے۔ تے تُہاڈے اِیمان دے گھاٹے نُوں پُوریاں کرئیے۔

۱-تِیمُتِھیُس 1:11

ایہہ مُبارک خُدا دے جلال دی اوس خُوشخبری دے سببّوں اے۔ جیہڑی میرے سپُرد ہوئی اے۔

۱-تِیمُتِھیُس 4:10

کیوں جو اسی ایسے واسطے محنت تے جتن کرنے آں۔ پئی ساڈی آس اوس جِیوندے خُدا توں اے جیہڑا سارے بندیاں نُوں نجات دین والا اے۔ تے خاص کر اِیمان والیاں نُوں۔

۱-تِیمُتِھیُس 5:5

جیہڑی سَچّی مُچّی رَنڈی اے۔ تے اوہدا کوئی وی نئیں۔ اوہ خُدا اُتّے آس رکھدی اے۔ تے راتِیں دِنے بینتی تے دُعا وِچ لگّی رہندی اے۔

۲-تِیمُتِھیُس 1:3

جیہڑے خُدا دی بندگی وِچ صاف دِل نال پئیو دادیاں دے طریقے اُتّے کرنا واں اوہدا شُکر کرنا آں۔ پئی اپنیاں دُعاواں وِچ ہرویلے تینُوں یاد کرنا آں۔