۱-تھِسّلُنِیکوں 2:4 - پنجابی نواں عہد نامہ نظرثانی شدہ چھپائی

⁴ پر جیویں اسی خُدا کولوں منظُور ہوئے۔ پئی خُوشخبری ساڈے سپُرد کِیتی جائے۔ اوسے طرح اسی بیان کرنے آں۔ بندیاں نُوں نئیں پر خُدا نُوں خُوش کرن لئی۔ جیہڑا ساڈے دِلاں نُوں پرکھدا اے۔

۱-تھِسّلُنِیکوں 2:4 ပူးပေါင်းရင်းမြစ်များ

لُوقا 12:42

خُداوند آکھیا کیہڑا اے اوہ اعتباری تے داناکار مُختِیار جِہنُوں مالک اپنے نَوکراں اُتّے مُقرّر کرے۔ پئی ویلے سر رسد ونڈ دیوے؟

لُوقا 16:11

سو جے تُسی جُھوٹھی دَولت وِچ وفادار نا ہوئے۔ تے سَچّی دَولت تُہانوں کون سونپے گا؟

یُوحنّا 21:17

اوس اوہنوں ترِیجی وار آکھیا اَے شمعُون یُوحنّا دے پُتر تُوں مَینُوں پیار کرنا ایں؟ ایس گلّے پئی اوس ترِیجی وار اوہنوں آکھیا تُوں مَینُوں پیار کرنا ایں؟ پطرس اُداس ہویا تے اوہنوں آکھیا اَے خُداوند تُوں ای سبھ کُجھ جاننا ایں تینُوں معلُوم اے پئی مَیں تینُوں پیار کرنا آں۔ یِسُوع اوہنوں آکھیا میرِیاں بھیڈاں نُوں چار۔

رُومِیوں 8:27

تے اوہ جیہڑا دِلاں دا جانن والا اے جان دا اے۔ پئی رُوح دی کِیہ نِیّت اے۔ کیوں جو اوہ خُدا دی مرضی دے سببّوں پاک لوکاں دی سفارِش کر دا اے۔

۱-کُرِنتھِیوں 7:25

تے کوارِیاں لئی میرے کول خُداوند دا کوئی حُکم نئیں پر ایس کر کے۔ پئی میرے اُتّے دیانتدار ہون لئی اجیہا خُداوند ولّوں رَحم ہویا۔ مَیں ایہہ صلاح دینا آں۔

۱-کُرِنتھِیوں 9:17

کیوں جو جے اپنی مرضی نال ایہہ کرنا آں۔ تے میرے لئی بدلہ اے تے جے اپنی مرضی نال نئیں کر دا۔ تے مُختیاری میرے سپُرد ہوئی اے۔

۲-کُرِنتھِیوں 2:17

کیوں جو اسی اوہناں بتھیریاں لوکاں وانگر نئیں جیہڑے خُدا دے کلام وِچ مِلاوٹ کر دے نیں۔ سگوں دِل دی صفائی نال تے خُدا ولّوں خُدا نُوں حاضر جان کے مسِیح وِچ بولنے آں۔

۲-کُرِنتھِیوں 4:2

سگوں اساں شرم دِیاں لُکِیاں ہویاں گلّاں نُوں چھڈ دِتّا۔ تے مکّاری دی چال نئیں چلدے۔ نا خُدا دے کلام وِچ کُجھ رَلا دینے آں۔ سگوں سچیائی ظاہر کر کے خُدا دے اگّے ہر اِک بندے دے دِل وِچ اپنی نیکی بٹھالنے آں۔

۲-کُرِنتھِیوں 5:11

سو اسی خُدا دے خَوف نُوں جان کے بندیاں نُوں سمجھانے آں تے خُدا نُوں ساڈا حال معلُوم اے۔ تے آس اے پئی تُہاڈے دِلاں اُتّے وی ظاہر ہویا ہوئے گا۔

۲-کُرِنتھِیوں 5:16

سو ہُن توں اسی کِسے نُوں جِسم ولّوں نا سنجھاناں گے۔ آں بھانویں مسِیح نُوں وی جِسم ولّوں جانیا سی۔ پر ہُن توں نا جاناں گے۔

گلتِیوں 1:10

ہُن مَیں بندیاں نُوں سجن بنانا آں یا خُدا نُوں؟ مَیں بندیاں نُوں راضی کرنا چاہناں آں؟ جے مَیں ہُن تِیکر بندیاں نُوں خُوش کر دا رہندا تے مسِیح دا بندہ نا ہوندا۔

گلتِیوں 2:7

پر اُلٹا جدوں اوہناں ایہہ ویکھیا۔ پئی سُنتِیاں نُوں خُوشخبری دین دا کمّ پطرس نُوں سونپیا گیا۔ ایسے طرح بے سُنتِیاں نُوں سُنان دا میرے سپُرد ہویا۔

اِفسِیوں 3:8

میرے اُتّے جیہڑا ساریاں پاک لوکاں وِچ حِقیر توں حِقیر ساں ایہہ فضل ہویا۔ پئی مَیں غیر قوماں نُوں مسِیح دی بے انت دَولت دی خُوشخبری دیاں۔

اِفسِیوں 6:6

تے بندیاں نُوں خُوش کرن والیاں وانگر وکھالے لئی سیوا نا کرو۔ سگوں مسِیح دیاں بندیاں وانگر دِل نال خُدا دی مرضی پُوری کرو۔

کُلُسِّیوں 3:22

نَوکرو جیہڑے جِسم ولّوں تُہاڈے مالک نیں سارِیاں گلّاں وِچ اوہناں دا آکھا مَنّو۔ بندیاں دے خُوش کرن والیاں وانگر وکھا لے لئی نئیں سگوں صاف دِلی تے خُدا دے خَوف نال۔

۱-تِیمُتِھیُس 6:20

اَے تِیمُتِھیُس ایس امانت نُوں چنگی طرح رکھ۔ تے جیہڑے عِلم نُوں عِلم آکھنا ای نئیں چاہیدا۔ اوہدی واہیات بکواساں تے مخالفتاں اُتّے دھیان نا کر۔

۲-تِیمُتِھیُس 1:14

اوس پاک رُوح دی راہِیں جیہڑا ساڈے وِچ وسّیا ہویا اے۔ اوس چنگی امانت دی حفاظت کر۔

۲-تِیمُتِھیُس 2:2

تے جیہڑیاں گلّاں میرے کولوں بتھیرے گواہاں دے سامھنے سُنیاں نیں اوہناں نُوں اجیہے دیانتدار بندیاں نُوں سونپ جیہڑے ہورناں نُوں وی سکھان دے لائق ہون۔

طِطُس 1:3

پر اپنے ویلے سِر اپنے کلام نُوں اوس سنیہے وِچ اُگھیڑیا۔ جیہڑا ساڈے نجات دین والے خُدا دے حُکم دے سببّوں میرے سپُرد ہویا۔

عِبرانیوں 4:13

جِہدے نال سانُوں کمّ اے۔ اوہدے کولوں دُنیا دی کوئی شے چُھپی ہوئی نئیں۔ سگوں اوہدیاں اکھّاں اگّے سارِیاں شیواں ننگِیاں تے کُھلِیاں ہویاں نیں۔

۱-پطرس 4:11

جے کوئی کُجھ آکھے تے اجیہا آکھے جیویں خُدا دا کلام اے۔ جے کوئی سیوا کرے تے اونہی طاقت نال کرے۔ جِنّی خُدا دیندا اے۔ تاں جو سارِیاں گلّاں وِچ یِسُوع مسِیح دی راہِیں خُدا دا جلال ظاہر ہوئے۔ جلال تے سلطنت ہمیشہ تِیکر اوہدی ای اے۔ آمِین۔

مُکاشفہ 2:23

تے اوہدے پُتراں نُوں جانوں ماراں گا۔ تے سارِیاں کلِیسیاواں نُوں پتا لگّے گا۔ پئی گُردیاں تے دِلاں دا جانن والا مَیں آں۔ تے مَیں تُہاڈے وِچوں ہر اِک نُوں اوہدیاں کمّاں دے سببّوں بدلہ دیاں گا۔