۱-تھِسّلُنِیکوں 2:14 - پنجابی نواں عہد نامہ نظرثانی شدہ چھپائی

¹⁴ ایس لئی پئی تُسی بھراؤ خُدا دی اوہناں کلِیسیاواں دے نمونے اُتّے چَلّن والے بن گئے۔ جیہڑیاں یہُودیہ وِچ مسِیح یِسُوع وِچ نیں۔ کیوں جو تُساں وی اپنے مُلکی بھراواں توں ہو تکلیفاں سَہیاں جیہڑیاں اوہناں وی یہُودِیاں کولوں۔

۱-تھِسّلُنِیکوں 2:14 ပူးပေါင်းရင်းမြစ်များ

اعمال 11:19

تے جیہڑے بندے اوس دُکھ مُصِیبت دے سببّوں جیہڑی ستِفنُس دے سبّب نال پئی سی کھِلّر گئے سن۔ سو فینِیکے کُپرُس تے انطاکیہ تِیکر اَپڑے۔ تے یہُودِیاں باہجوں کِسے نُوں کلام نئیں سن سُناندے۔

اعمال 13:50

پر یہُودِیاں نیں دِیندار تے عِزّت دار زنانِیاں تے شہر دے وڈّے بندیاں نُوں چُکیا تے پَولُس تے برنباس دے ستان واسطے اُبھار کے اوہناں نُوں اپنی حدّوں باہر کڈھ دِتّا۔

اعمال 14:19

پر انطاکیہ تے اِکُنِیُم توں آ کے یہُودِیاں لوکاں نُوں اپنے نال رَلایا۔ تے پَولُس نُوں روڑے مارے۔ تے ایہہ سمجھ کے پئی اوہ مر گیا اے شہروں باہر گھسِیٹ کے لے گئے۔

اعمال 14:2

پر بے اِیمان یہُودِیاں غیر قوم والیاں نُوں اُبھار کے اوہناں دے دِل بھراواں ولّوں بُرے کر دِتّے۔

اعمال 14:4

تے شہر دے لوکاں وِچ پُھٹ پَے گئی۔ کُجھ تاں یہُودِیاں ولّ تے کُجھ رسُولاں ولّ ہو گئے۔

اعمال 14:5

تے جد غیر قوماں تے یہُودِیاں اپنے سرداراں سَنے فساد چُکیا تاں جو اوہناں نال بدسلوکی کرن۔ تے اوہناں نُوں مارن۔

اعمال 17:13

جد تھِسّلُنِیکے دے یہُودِیاں نُوں معلُوم ہویا۔ پئی پَولُس خُداوند دا کلام بِیرِیّہ وِچ وی سُناندا اے تاں اوتھے وی لوکاں نُوں چُکیا تے اوہناں وِچ گڑ بڑی پائی۔

اعمال 18:12

تے جد گلیّو اَخیہ دا صُوبے دار سی۔ یہُودی اِک صلاح کر کے پَولُس اُتّے چڑھ آئے۔ تے اوہنوں کچہری وِچ لے گئے۔

اعمال 8:1

تے ساؤُل اوہدے مار دین اُتّے راضی سی۔ تے اوس دِن توں یرُوشلِیم دی کلِیسیا اُتّے بڑا ظُلم ہون لگّا۔ تے رسُولاں نُوں چھڈ کے اوہ سارے یہُودیہ تے سامریہ دے مُلک وِچ کھِلّر گئے۔

اعمال 8:3

تے ساؤُل گھر گھر وڑ کے کلِیسیا دا ناس کر دا سی تے بندیاں تے زنانِیاں نُوں گھسِیٹ کے قید وِچ پواندا سی۔

اعمال 9:1

تے ساؤُل جیہڑا خُداوند دے شاگِرداں نُوں دھمکان تے قتل کرن پیچھے پیا سی۔ سردار کاہِن دے کول جا کے۔

اعمال 9:13

حننیاہ جواب دِتّا پئی اے خُداوند مَیں بتھیریاں لوکاں کولوں ایس بندے دے بارے سُنیا اے پئی اوس یرُوشلِیم وِچ تیرے پاک لوکاں نال کِنیاں خرابیاں کِیتیاں۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

۱-کُرِنتھِیوں 10:32

تُسی نا یہُودِیاں دی ٹھوکر دا سبّب بنو۔ نا یُونانِیاں تے نا خُدا دی کلِیسیا دے۔

۱-کُرِنتھِیوں 7:17

پر جیہا خُدا ہر اِک نُوں حِصّہ دِتّا اے تے جیویں خُدا ہر اِک نُوں سدّیا اے۔ اوہ اوسے طرح ٹُرے۔ تے مَیں ساریاں کلِیسیاواں وِچ ایسے طرح حُکم دینا آں۔

گلتِیوں 1:22

تے یہُودیہ دِیاں کلِیسیاواں جیہڑیاں مسِیح وِچ سن میرِیاں واقف تے نئیں سن۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۱-تھِسّلُنِیکوں 1:6

تے تُسی کلام نُوں بڑی مُصِیبت وِچ پاک رُوح دی خُوشی نال مَن کے ساڈے تے نالے خُداوند دے نمونے اُتّے چَلّن والے بنے۔

۱-تھِسّلُنِیکوں 3:4

سگوں پہلاں وی جد اسی تُہاڈے کول ساں تُہانوں آکھدے ہوندے ساں۔ پئی سانُوں مُصِیبت سہنی پَوے گی۔ فیر ایسے طرح ہویا تے تُسی جان دے وی ہو۔

۲-تھِسّلُنِیکوں 1:1

پَولُس تے سِلوانُس نے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی ساڈے باپ خُدا تے خُداوند یِسُوع مسِیح وِچ اے۔

۲-تھِسّلُنِیکوں 1:4

ایتھوں تِیکر پئی اسی آپ خُدا دی کلِیسیاواں وِچ تُہاڈے ولّوں فخر کرنے آں۔ پئی جِنّے ظُلم تے مُصِیبتاں تُسی سَہندے ہو۔ اوہناں ساریاں وِچ تُہاڈا صبر تے اِیمان ظاہر ہوندا اے۔