۱-تھِسّلُنِیکوں 2:13 - پنجابی نواں عہد نامہ نظرثانی شدہ چھپائی

¹³ ایس لئی اسی وی ہر ویلے خُدا دا شُکر کرنے آں پئی جدوں تُساں خُدا دے سنیہے دا کلام ساڈی راہِیں سُنیاں تدوں تُساں اوہنوں بندیاں دا کلام سمجھ کے نئیں پر (جو اوہ سَچ مُچ ہے وی۔) خُدا دا کلام جان کے قبول کِیتا تے اوہ تُہاڈے اِیمان لیاؤن والیاں وِچ کمّ وی پیا کر دا اے۔

۱-تھِسّلُنِیکوں 2:13 ပူးပေါင်းရင်းမြစ်များ

متّی 10:20

کیوں جو بولن والے تُسی نئیں ہو۔ پر تُہاڈے باپ دا رُوح۔ جیہڑا تُہاڈے وِچ بولدا اے۔

متّی 10:40

جیہڑا تُہانوں قبول کر دا اے مَینُوں قبول کر دا اے۔ تے جیہڑا مَینُوں قبول کر دا اے میرے گھلّن والے نُوں قبول کر دا اے۔

لُوقا 11:28

پر اوس آکھیا ہاں سگوں بُہتے دھنّ اوہ نیں جیہڑے خُدا دا کلام سُندے تے اوہدے اُتّے عمل کر دے نیں۔

لُوقا 5:1

تے جد بِھیڑ اوہدے اُتّے ڈِگّدی جاندی سی تے خُدا دا کلام سُندی سی تَد ایویں ہویا پئی اوہ گنّیسرت دی جِھیل دے کنڈھے کھلوتا ہویا سی۔

لُوقا 8:11

تمثِیل تے ایویں اے پئی بی خُدا دا کلام اے۔

لُوقا 8:21

اوس اوہناں نُوں جواب دِتّا میری ماں تے میرے بھرا ایہہ نیں جیہڑے خُدا دے کلام نُوں سُندے تے عمل کر دے نیں۔

یُوحنّا 15:3

ہُن اوس گلّ دے سبّب جیہڑی مَیں تُہانوں آکھی اے تُسی پاک اوہ۔

یُوحنّا 17:17

اوہناں نُوں سچیائی دی راہِیں مُقدّس کر۔ تیرا کلام سچیائی اے۔

یُوحنّا 17:19

تے اوہناں دے سببّوں مَیں اپنے آپ نُوں مُقدّس کرنا آں تاں جو اوہ وی سچیائی دی راہِیں پاک ہون۔

اعمال 10:33

خَیر مَیں اوسے ویلے تیرے کول گھلّیا تے تُوں چَنگا کِیتا پئی آ گیا ایں۔ سو ہُن اسی سبھو خُدا دے اگّے حاضر ہاں۔ پئی جو کُجھ خُداوند ولّوں تینُوں حُکم مِلیا ہوئے سو سُنیے۔

اعمال 13:48

غیر قوم والے ایہہ گلّاں سُن کے خُوش ہوئے۔ تے خُدا دے کلام دی وڈیائی کرن لگّے تے جِنّے سدا دی زِندگی لئی ٹھہرائے گئے سن سو اِیمان لیائے۔

اعمال 16:14

تے تھواتِیرہ شہر دی اِک زنانی۔ خُدا دی عبادت کرن والی لُدِیہ کر کے جامنو رنگ ویچن والی وی سُندی سی۔ اوہدا دِل خُداوند کھو لیا پئی پَولُس دِیاں گلّاں اُتّے دِل لاوے۔

اعمال 17:11

ایس شہر دے لوک تھِسّلُنِیکے دے لوکاں نالوں بھلے مانس سن۔ کیوں جو اوہناں نیں بڑے شَوق نال کلام مَن لیا۔ تے روز روز پاک کتاب وِچ لبّھدے رہئے۔ پئی ایہہ گلّاں ٹھیک ایسے طرح نیں کہ نئیں۔

اعمال 17:32

تے جد اوہناں مُردیاں وِچوں جی اُٹھن دی گلّ سُنی تَد کئی مخَول کرن لگّے۔ تے ہورناں آکھیا۔ پئی اسی ایہہ گلّ تَیتھوں فیر سُناں گے۔

اعمال 2:41

سو جِنہاں اوہدی گلّ مَن لئی اوہناں بپتِسمہ لیا۔ تے اوسے دِن تِنّ کُو ہزار لوک اوہناں نال رَل گئے۔

اعمال 8:14

تے جد رسُولاں نیں۔ جیہڑے یرُوشلِیم وِچ سن سُنیا پئی سامریاں نیں خُدا دا کلام قبولیا اے۔ تَد پطرس تے یُوحنّا نُوں اوہناں دے کول گھلّیا۔

رُومِیوں 10:17

سو اِیمان سُنن توں۔ تے سُننا مسِیح دے کلام دی راہِیں آؤندا اے۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

گلتِیوں 4:14

تے تُساں میرے جِسم نُوں جِہدے وِچ تُہاڈی ازمایش سی نا ماڑا جانیا نا اوس توں نفرت کِیتی۔ پر خُدا دے فرِشتے سگوں مسِیح یِسُوع وانگر مَینُوں مَن لیا۔

کُلُسِّیوں 1:6

جیہڑا تُہاڈے کول اَپڑیا اے۔ تے سارے جہان وِچ پَھلدا اے۔ تے وَدھدا جاندا اے۔ تُہاڈے وِچ وی جد توں تُساں خُدا دے فضل نُوں سُنیا تے اوہنوں سَچ کر کے جانیا اے۔ اینج ای کر دا اے۔

عِبرانیوں 4:12

کیوں جو خُدا دا کلام زِندہ تے اثر کرن والا تے ہر اِک دو مُونہی تلوار نالوں تیز اے۔ تے جان تے رُوح تے جوڑ جوڑ تے مِنّجھ مِنّجھ وَکھو وکھرے کر کے دُسّر لنگھ جاندا اے۔ تے دِل دیاں خیالاں تے اِرادیاں نُوں جاچدا اے۔

عِبرانیوں 4:2

کیوں جو سانُوں وی اوہناں وانگر خُوشخبری سُنائی گئی۔ پر سُنے ہوئے کلام اوہناں نُوں ایس لئی کُجھ فائدہ نا دِتّا۔ پئی سُنن والیاں دے دِلاں وِچ اِیمان نال نا رچیا۔

یعقُوب 1:18

اوس اپنی مرضی نال سَچّے کلام دی راہِیں سانُوں پَیدا کِیتا تاں جو اوہدی خلقت وِچوں اِک طرح دے پہلے پَھل ہوئیے۔

۱-پطرس 1:23

کیوں جو تُسی جِسمانی تُخم توں نئیں۔ سگوں رُوحانی توں۔ خُدا دے کلام دی راہِیں جیہڑا جِیوندا تے قیم اے نَوِیں سِریوں جمّے ہو۔

۱-پطرس 1:25

پر خُداوند دا کلام سدا تِیکر قیم رہے گا۔ ایہہ اوہ ای خُوشخبری دا کلام اے۔ جیہڑا تُہانوں سُنایا گیا سی۔

۱-پطرس 2:2

نَوِیں جمّیاں ہویاں بچّیاں وانگر کلام دے نَروَیر رُوحانی دُدّھ دی چاہ رکھو۔ پئی اوہدی راہِیں نجات پان لئی وَدھدے جاؤ۔

۲-پطرس 3:2

پئی تُسی اوہناں گلّاں نُوں جیہڑیاں پاک نبیاں پہلاں آکھیاں نیں تے خُداوند تے نجات دین والے دے اوس حُکم نُوں یاد رکھو۔ جیہڑا تُہاڈے رسُولاں دی راہِیں آیا سی۔

۱-یُوحنّا 3:3

تے جیہڑا اوہدے توں ایہہ آس رکھدا اے اپنے آپ نُوں تِہا ای پاک کر دا اے۔ جِہیو جِہیا اوہ پاک اے۔