۱-تھِسّلُنِیکوں 2:12 - پنجابی نواں عہد نامہ نظرثانی شدہ چھپائی

¹² تاں جو تُہاڈا چال چَلّن اوس خُدا دے وانگُوں ہوئے جیہڑا تُہانوں اپنی بادشاہی تے جلال وِچ سدّدا اے۔

۱-تھِسّلُنِیکوں 2:12 ပူးပေါင်းရင်းမြစ်များ

رُومِیوں 8:28

تے اسی جاننے آں پئی سارِیاں شیواں اوہناں لئی جیہڑے خُدا نال مُحبّت رکھدے نیں رَل کے فائدہ پَیدا کر دیاں نیں ایہہ اوہ نیں جیہڑے خُدا دے اِرادے دے سببّوں سَدّے گئے نیں۔

رُومِیوں 8:30

تے جِنہاں نُوں اوس اگّے توں مُقرّر کِیتا اوس اوہناں نُوں سدّیا وی۔ تے جِنہاں نُوں سدّیا اوہناں نُوں راستباز وی ٹھیرایا۔ تے جِنہاں نُوں راستباز ٹھیرایا اوہناں نُوں اوس جلال وی دِتّا۔

۱-کُرِنتھِیوں 1:9

خُدا سَچّا اے۔ جِس تُہانوں اپنے پُتر ساڈے خُداوند یِسُوع مسِیح دی سنگت لئی سدّیا اے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

گلتِیوں 5:16

پر مَیں ایہہ آکھنا آں پئی رُوح دے طَور نال چلّو ایس طرح نال تُسی جِسم دی خواہش نُوں کدی پُورا نا کرو گے۔

اِفسِیوں 4:1

سو مَیں جیہڑا خُداوند دے سببّوں قیدی آں تُہاڈے اگّے عرض کرنا آں پئی جیویں سَدّے گئے سو۔ اوسے طرح چلّو۔

اِفسِیوں 5:2

تے تُہاڈا چالا مُحبّت وِچ ہوئے جیویں مسِیح وی تُہاڈے نال مُحبّت کِیتی۔ تے ساڈے واسطے اپنے آپ نُوں خُوشبوئی وانگر خُدا دی نظر کر کے قُربان کِیتا۔

اِفسِیوں 5:8

کیوں جو تُسی پہلاں ہنیرا سو۔ ہُن خُداوند وِچ چانن ہو۔ سو چانن دے بچّیاں وانگر چلّو۔

فِلِپّیوں 1:27

نِرا ایہہ کرو پئی تُہاڈا چال چَلّن مسِیح دی خُوشخبری دے لائق ہوئے۔ تاں جو بھانویں مَیں آواں تے تُہانوں ویکھاں تے بھانویں نا آواں تُہاڈا ایہہ حال سُناں۔ پئی تُسی اِکّو رُوح وِچ پکّے اوہ۔ تے اِنجِیل دے اِیمان دے لئی تُسی رَل کے اِک جان ہو کے دِلوں محنت کر دے ہو۔

کُلُسِّیوں 1:10

تاں جو تُہاڈا چال چَلّن خُدا دے لائق ہوئے تے تُسی اوہنوں سارِیاں گلّاں وِچ خُوش کرو۔ تے تُہاڈے ساریاں نیک کمّاں وِچ پَھل لگّے۔ تے تُسی خُدا دی پچھان وِچ وَدھدے جاؤ۔

کُلُسِّیوں 2:6

ایس لئی جیویں تُساں مسِیح یِسُوع خُداوند نُوں مَنّیا جھلیا اے اوسے طرح اوہدے وِچ ای چلدے رہو تے اوہدے وِچ جڑ پھڑ کے وَدھدے جاؤ۔

۱-تھِسّلُنِیکوں 4:1

باقی بھراؤ! اسی تُہاڈی مِنّت کرنے آں تے خُداوند یِسُوع مسِیح وِچ تُہانوں ایہہ نصِیحت کرنے آں۔ پئی جیویں تُساں ساڈے کولوں سِکھیا۔ پئی جیویں ٹُرناں تے خُدا نُوں خُوش کرنا چاہیدا اے تے جیویں تُسی ٹُر دے وی ہو اوسے طرح وَدھدے جاؤ۔

۱-تھِسّلُنِیکوں 4:12

تاں جو باہر والے لوکاں نال بھلمانسی دے نال چلّو۔ تے کِسے شے دی لوڑ نا رکھو۔

۱-تھِسّلُنِیکوں 5:24

تُہاڈا سَدّن والا وفادار اے۔ اوہ ایسے طرح کرے گا۔

۲-تھِسّلُنِیکوں 1:10

ایہہ اوس دِن ہوئے گا۔ جدوں اوہ اپنے پاک لوکاں وِچ جلال پان تے ساریاں اِیمان لیاؤن والیاں لئی اچرج دسن لئی آوے گا۔ کیوں جو تُساں ساڈی گواہی اُتّے اِیمان لیاندا۔

۲-تِیمُتِھیُس 1:9

جِس سانُوں نجات دِتّی تے پاک بُلاوے نال بُلایا۔ ساڈے کمّاں دے سببّوں نئیں۔ سگوں اپنے خاص اِرادے تے اوس فضل دے سببّوں جیہڑا مسِیح یِسُوع وِچ ساڈے اُتّے مُڈھوں ای ہویا۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-پطرس 3:9

بدی دے بدلے بدی نا کرو۔ تے گال دے بدلے گال نا دیو۔ سگوں برکت منگو۔ کیوں جو تُسی برکت دے وارث ہون لئی سَدّے گئے ہو۔

۱-پطرس 5:10

ہُن تُہاڈے تھوڑے چِر تِیکر تکلیف سہن دے پِچّھوں جیہڑا سارے فضل دا خُدا اے جِس تُہانوں مسِیح وِچ اپنے سدا دے جلال واسطے سدّیا اے۔ آپ ای تُہانوں کامِل تے قیم تے مضبُوط کرے گا۔

۲-پطرس 1:3

کیوں جو اوہدی اِلہٰی قُدرت نے اوہ سارِیاں شیواں جیہڑیاں زِندگی تے دِینداری دِیاں ہوندیاں نیں سانُوں اوہدی پہچان دی راہِیں دِتّیاں۔ جِس سانُوں اپنے خاص جلال تے نیکی دی راہِیں سدّیا۔

۱-یُوحنّا 2:6

جیہڑا ایہہ آکھدا اے۔ پئی مَیں اوہدے وِچ رہنا آں۔ تے اوہنوں اوسے طرح ٹُرناں چاہیدا اے۔ جیویں اوہ ٹُردا ہوندا سی۔

۳-یُوحنّا 1:6

اوہناں کلِیسیا دے اگّے تیری مُحبّت دی گواہی دِتّی سی۔ جے تُوں اوہناں نُوں ایس طرح وِداع کریں گا۔ جیویں خُدا دے لوکاں نُوں چاہیدا اے تے چَنگا کریں گا۔