۱-تھِسّلُنِیکوں 1:6 - پنجابی نواں عہد نامہ نظرثانی شدہ چھپائی

⁶ تے تُسی کلام نُوں بڑی مُصِیبت وِچ پاک رُوح دی خُوشی نال مَن کے ساڈے تے نالے خُداوند دے نمونے اُتّے چَلّن والے بنے۔

۱-تھِسّلُنِیکوں 1:6 ပူးပေါင်းရင်းမြစ်များ

متّی 16:24

تَد یِسُوع نے اپنے شاگِرداں نُوں آکھیا۔ جے کوئی میرے پِچّھے آؤنا چاہے تے اپنے آپ دا اِنکار کرے تے اپنی صلِیب چُک کے میرے مگر ٹُر پئے۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

اعمال 13:52

تے شاگِرد خُوشی تے پاک رُوح نال بھر دے جاندے سن۔

اعمال 5:41

سو اوہ صدرِ مجلس دے اگّوں خُوش ہو کے ٹُر گئے پئی اسی ایس ناں دی خاطر بے عِزّت ہون دے لائق تاں سمجھے گئے۔

اعمال 9:31

تَد سارے یہُودیہ تے گلِیل تے سامریہ وِچ کلِیسیا سُکھ پایا۔ تے ترقی کر دی جاندی سی۔ تے خُداوند دے خَوف تے پاک رُوح دی تسلّی اُتّے چَلدی تے وَدّھدِی جاندی سی۔

رُومِیوں 15:13

ہُن اوس آس دا خُدا تُہاڈے اِیمان لیاؤن دے سبّب ساری خُوشی تے چَین نال تُہانوں بھر دیوے تاں جو تُسی پاک رُوح دی قُدرت نال آس وِچ وَدھدے جاؤ۔

۱-کُرِنتھِیوں 11:1

تُسی میرے وانگر بنو جیویں مَیں مسِیح وانگر بنیا آں۔

۱-کُرِنتھِیوں 11:2

مَیں تُہاڈی وڈیائی کرنا آں۔ پئی تُسی سبھناں گلّاں وِچ مَینُوں یاد رکھدے ہو۔ تے جیویں مَیں تُہانوں روائِتاں اپڑائیاں۔ تُسی اوسے طرح اوہناں نُوں برقرار رکھدے اوہ۔

۱-کُرِنتھِیوں 4:16

سو مَیں تُہاڈی مِنّت کرنا آں پئی میرے وانگر بنو۔

۲-کُرِنتھِیوں 6:10

اُداساں وانگر آں پر سدا خُوش رہنے آں۔ کنگالاں جیہے آں پر بتھیریاں نُوں دَولت مند کر دینے آں۔ ناداراں وانگر آں۔ تَد وی سبھ کُجھ رکھنے آں۔

۲-کُرِنتھِیوں 8:5

تے ساڈی آس دے سببّوں ای نئیں دِتّا۔ سگوں اپنے آپ نُوں پہلاں خُداوند دے تے فیر خُدا دی مرضی نال ساڈے سپُرد کِیتا۔

گلتِیوں 5:22

پر رُوح دا پَھل پیار۔ خُوشی۔ تسلّی۔ برداشت۔ مِہربانی۔ نیکی۔ دیانتداری۔

اِفسِیوں 5:1

ایس لئی پیاریاں بچّیاں وانگر خُدا دی رِیس۔

فِلِپّیوں 3:17

بھراؤ! تُسی رَل کے میری رِیس کرو تے اوہناں نُوں سنجھانو جیہڑے اِنج ٹُردے نیں جِیکُوں تُہاڈے لئی ساڈا وی نمونہ اے۔

۲-تھِسّلُنِیکوں 1:4

ایتھوں تِیکر پئی اسی آپ خُدا دی کلِیسیاواں وِچ تُہاڈے ولّوں فخر کرنے آں۔ پئی جِنّے ظُلم تے مُصِیبتاں تُسی سَہندے ہو۔ اوہناں ساریاں وِچ تُہاڈا صبر تے اِیمان ظاہر ہوندا اے۔

۲-تھِسّلُنِیکوں 3:7

کیوں جو تُسی آپ جان دے ہو پئی تُہانوں ساڈے نمونے اُتّے کِس طرح ٹُرناں چاہیدا اے۔ ایس لئی پئی اسی تُہاڈے وِچ بے قاعدہ نئیں ساں ٹُردے۔

۲-تھِسّلُنِیکوں 3:9

ایس لئی نئیں پئی سانُوں اختیار نئیں سی۔ پر ایس واسطے پئی اسی اپنے آپ نُوں تُہاڈے لئی نمونہ بنایئے تاں جو تُسی ساڈے وانگر بنو۔

۲-تِیمُتِھیُس 4:2

پئی تُوں کلام دی منادی کر۔ ویلے کویلے تیار رہ۔ تے ہر طرح دے صبر تے تعلِیم دے نال الزام دے۔ تے ملامت تے نصِیحت کر۔

عِبرانیوں 10:34

تے تُساں قیدِیاں دا ورد کِیتا تے اپنے مال دا لُٹیا جانا وی خُوشی نال سہہ لیا۔ ایہہ جان کے پئی ساڈے کول ایدوں چنگی ملکیّت اے جیہڑی اوڑک تِیکر رہے گی۔

۱-پطرس 1:6

ایہدے سبّب تُسی بڑی خُوشی کر دے ہو۔ بھانویں ہُن تھوڑے چِر لوڑاں توں کِیتے وَن سَووَنِیاں ازمایشاں دے سببّوں تُہانوں تکلیف ہوئی اے۔

۱-پطرس 1:8

اوہدے نال تُسی بِن ویکھیاں مُحبّت رکھدے ہو تے بھانویں اوہنوں ایس ویلے نئیں ویکھدے فیر وی اوہدے اُتّے اِیمان لیا کے اجیہی خُوشی کر دے ہو۔ تے جِہدا بیان نئیں ہو سکدا تے جیہڑی جلال نال بھری ہوئی اے۔

۱-پطرس 3:13

جے تُسی شَوق نال نیکی کرو۔ تے تُہاڈے نال بدی کیہڑا کرن والا اے؟

۳-یُوحنّا 1:11

پیارے! بُرائی دے پِچّھے نا جا سگوں نیکی پِچّھے جا۔ کیوں جو نیکی کرن والا خُدا ولّوں اے تے بُریائی کرن والے خُدا نُوں نئیں ویکھیا۔