۱-پطرس 5:9 - پنجابی نواں عہد نامہ نظرثانی شدہ چھپائی

⁹ تُسی اِیمان وِچ پکّے ہو کے اوہدا سامنا کرو۔ کیوں جو تُسی جان دے ہو پئی تُہاڈے بھرا جیہڑے دُنیا وِچ نیں اجیہے ای دُکھ پئے سَہندے نیں۔

۱-پطرس 5:9 ပူးပေါင်းရင်းမြစ်များ

لُوقا 22:32

پر مَیں تیرے لئی دُعا کِیتی۔ پئی تیرا اِیمان جاندا نا رہے۔ تے جد تُوں مُڑ پئیں تے اپنے بھراواں نُوں تگڑیاں کریں۔

یُوحنّا 16:33

ایہہ گلّاں مَیں تُہانوں آکھیاں نیں تاں جو تُہانوں میرے وِچ سُکھ مِلے۔ دُنیا وِچ تُہانوں دُکھ اے پر تگڑے رہو کیوں جو مَیں دُنیا نُوں جِت لیا اے۔

اعمال 14:22

تے شاگِرداں دے دِلاں نُوں تگڑیاں کر دے سن تے نصِیحت دیندے سن۔ پئی اِیمان اُتّے قیم رہو۔ تے آکھیا پئی ایہہ ضرُور اے۔ پئی بُہت مُصِیبتاں سہہ کے اسی خُدا دی بادشاہی وِچ داخل ہو جائیے۔

۱-کُرِنتھِیوں 10:13

تُسی کِسے اجیہی ازمایش وِچ نئیں پئے۔ جیہڑی بندے دی برداشت توں باہر ہوئے۔ تے خُدا سَچّا اے۔ اوہ تُہانوں تُہاڈی طاقت توں وَدّھ ازمایش وِچ نئیں پَین دے گا۔ سگوں ازمایش وِچوں نِکل جان دا راہ وی بناوے گا۔ تاں جو تُسی برداشت کر سکو۔

اِفسِیوں 4:27

تے نا ابلیس نُوں تھاں دیو۔

اِفسِیوں 6:16

جِہدے نال تُسی اوس شرِیر دے بَلدے ہوئے تِیراں نُوں بُجھا سکو۔

کُلُسِّیوں 2:5

تے بھانویں میرا جِسم تُہاتھوں دُور اے پر میری رُوح تُہاڈے نال اے۔ تے تُہاڈے ڈھب تے پکّے اِیمان نُوں ویکھ کے خُوش آں جیہڑا مسِیح اُتّے اے۔

۱-تھِسّلُنِیکوں 3:3

پئی کوئی بندہ ایہناں مُصِیبتاں توں گھابر نا جائے۔ کیوں جو تُسی آپ جان دے اوہ۔ پئی اسی ایہناں ای لئی مُقرّر ہوئے آں۔

۱-تِیمُتِھیُس 6:12

اِیمان دی چنگی کُشتی گُھل اوس سدا دی زِندگی اُتّے قبضہ کر لے۔ جِہدے لئی سدّیا گیا سَیں۔ تے بتھیرے گواہاں اگّے چَنگا اِقرار کِیتا سی۔

۲-تِیمُتِھیُس 3:12

سگوں جِنّے مسِیح یِسُوع وِچ دِینداری دے نال زِندگی کٹنی چاہندے نیں۔ اوہ سارے ستائے جان گے۔

۲-تِیمُتِھیُس 4:7

مَیں چَنگا دنگل گھلّیا اے مَیں دَوڑ مُکا چھڈی۔ مَیں اِیمان نُوں سانبھ رکھیا۔

عِبرانیوں 11:33

اوہناں اِیمان دی راہِیں بادشاہیاں جِت لَیاں۔ نیکی دے کمّ کِیتے وعدے دِیاں شیواں نُوں لے لیا شیراں دے مُنھ بند کِیتے۔

عِبرانیوں 12:8

تے جے تُہانوں ایہہ جِھڑک نا دِتّی گئی۔ جیہڑی ساریاں نُوں مِلدی اے۔ تے تُسی حرامدے ہوئے تے پُتر نئیں۔

یعقُوب 4:7

سو خُدا دے تابعیاں ہو جاؤ تے ابلیس نال لڑائی کرو تے اوہ تُہاڈے توں بھج جائے گا۔

۱-پطرس 1:6

ایہدے سبّب تُسی بڑی خُوشی کر دے ہو۔ بھانویں ہُن تھوڑے چِر لوڑاں توں کِیتے وَن سَووَنِیاں ازمایشاں دے سببّوں تُہانوں تکلیف ہوئی اے۔

۱-پطرس 2:21

تے تُسی ایسے لئی سَدّے گئے سو۔ کیوں جو مسِیح وی تُہاڈے لئی دُکھ پا کے تُہانوں اِک نمونہ دے گیا تاں جو اوہدے کُھرے اُتّے ٹُرو۔

۱-پطرس 3:14

تے جے راستبازی دی خاطر دُکھ سَہو تے تُسی مُبارک ہو۔ نا اوہناں دے ڈران توں ڈرو تے نا گھابرو۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 6:11

تے اوہناں وِچوں ہر اِک نُوں چِٹّا چوغہ دِتّا گیا تے اوہناں نُوں آکھیا گیا۔ پئی ہور تھوڑا چِر آرام کرو۔ جد تِیکر تُہاڈے سَنگیاں تے بھراواں دی گنتری پُوری نا ہو جائے۔ جیہڑے تُہاڈے وانگر قتل ہون والے نیں۔

مُکاشفہ 7:14

مَیں اوہنوں آکھیا اَے میرے خُداوند تُوں ای جاندا ایں۔ اوس مَینُوں آکھیا ایہہ اوہ نیں جیہڑے اوس وڈّی مُصِیبت وِچوں نِکل کے آئے ہوئے نیں ایہناں اپنے کپڑیاں نُوں لیلے دے لہو وِچ دھوکھے چٹیاں کِیتا ہویا اے۔