۱-پطرس 5:7 - پنجابی نواں عہد نامہ نظرثانی شدہ چھپائی

⁷ تے اپنا سارا فِکر اوسے اُتّے سُٹ دیو۔ کیوں جو اوہنوں تُہاڈا فِکر اے۔

۱-پطرس 5:7 ပူးပေါင်းရင်းမြစ်များ

متّی 6:27

تُہاڈے وِچوں اوہ کون اے جیہڑا فِکر کرن نال اپنا قد اِک ہتّھ وَدّھا سکدا اے؟

متّی 6:28

تے کپڑیاں دا کاہِنُوں فِکر کر دے اوہ بیابان دیاں پُھلّاں توں مَت لوؤ پئی اوہ کِیہ کر وَدھدے نیں۔ اوہ نا محنت کر دے نا کَتّدے نیں۔

متّی 6:31

سو تُسی فِکر کر کے ایہہ نا آکھو پئی اسی کِیہ کھایئے یاں کِیہ پِیئے یا کِیہ پائیے۔

مرقس 4:38

تے اوہ بیڑی دے پِچّھلے سِرے ولّ سرہانا رکھ کے سُتّا پیا سی۔ تَد اوہناں اوہنوں جگایا تے اوہنوں آکھیا۔ اے اُستاد تینُوں فِکر نئیں پئی اسی مر چلّے آں؟

لُوقا 12:22

تے اوس اپنے شاگِرداں نُوں آکھیا۔ مَیں ایس کر کے تُہانوں آکھنا آں پئی اپنی جان دا فِکر نا کرو۔ پئی اسی کِیہ کھاواں گے۔ تے نا اپنے بدن دا پئی کِیہ پاواں گے۔

لُوقا 12:26

سو جد نِکّے توں نِکّا کمّ نئیں کر سکدے۔ تے کیوں ہورناں شیواں دی فِکر کر دے ہو۔

یُوحنّا 10:13

کیوں جو اوہ مزدُور اے تے اوہنوں بھیڈاں دی پرواہ نئیں اے۔

فِلِپّیوں 4:6

کِسے گلّ دی فِکر نا کرو۔ سگوں سارِیاں گلّاں وِچ دُعا تے مِنّت کر کے اپنیاں عرضاں شُکر گُزاری نال خُدا دے اگّے کرو۔