۱-پطرس 5:5 - پنجابی نواں عہد نامہ نظرثانی شدہ چھپائی

⁵ جوانو! تُسی وی بزُرگاں دی تابعیاں وِچ رہو اِک دُوجے دی سیوا واسطے عاجزی نال لکّ بنھیں رکھو۔ ایس لئی پئی خُدا مغرُوراں دا سامنا کر دا اے پر عاجزاں نُوں فضل دیندا اے۔

۱-پطرس 5:5 ပူးပေါင်းရင်းမြစ်များ

لُوقا 22:26

پر تُہاڈا اوہ حال نئیں۔ سگوں تُہاڈے وِچ جیہڑا وَڈا اے اوہ نِکّے وانگر تے جیہڑا سردار اے اوہ ٹہلئے وانگر اے۔

رُومِیوں 12:10

بھراواں وَرگی مُحبّت نال آپو وِچ بڑا پیار رکھو۔ عِزّت ولّوں اِک دُوجے نُوں چَنگا سمجھو۔

رُومِیوں 13:14

سگوں خُداوند یِسُوع مسِیح نُوں پا لوؤ تے جِسم دِیاں خواہشاں پُوریاں کرن لئی سوچ فِکر نا کرو۔

اِفسِیوں 5:21

تے مسِیح دے ڈر نال اِک دُوجے دے تابعیاں رہو۔

فِلِپّیوں 2:3

دھڑے بازی تے پھنڈ مارِیاں کُجھ نا کرو۔ سگوں عاجزی نال اِک دُوجے نُوں اپنے نالوں چَنگا جانو۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

۱-تِیمُتِھیُس 5:1

کِسے بُڈّھے نُوں نا جِھڑکیں۔ سگوں پئیو سمجھ کے نصِیحت کریں۔

عِبرانیوں 13:17

اپنے راہبراں دے آکھے لگو تے تابعیاں رہو کیوں جو اوہ تُہاڈیاں جاناں دے فائدے لئی اوہناں وانگر جاگدے رہندے نیں۔ جِنہاں نُوں حِساب دینا پَوے گا تاں جو اوہ خُوشی نال ایہہ کمّ کرن نا دُکھ نال کیوں جو ایس گلّ توں تُہانوں کُجھ فائدہ نئیں۔

یعقُوب 4:6

اوہ تے بُہتا فضل دیندا اے۔ ایس لئی ایہہ لِکھیا ہویا اے۔ پئی خُدا مغرُوراں دا سامنا کر دا اے۔ تے حلِیماں نُوں فضل دیندا اے۔

۱-پطرس 3:8

چھیکڑلی گلّ ایہہ اے۔ پئی سارے اِک دِل تے ہمدرد ہوؤ۔ بھراواں وانگر مُحبّت کرو۔ نرم دِل تے نِیویں رہو۔

۱-پطرس 4:1

جد مسِیح ساڈے واسطے جِسم دا دُکھ چُکیا۔ تے تُسی وی اوسے طبیعت دے ہتّھیار بنو۔ کیوں جو جِس جِسم دا دُکھ چُکیا اوس گُناہ توں خلاصی پائی اے۔

۱-پطرس 4:5

اوہ اوسے نُوں لیکھا دین گے۔ جیہڑا جِیوندیاں تے مُردیاں دی عدالت کرن نُوں تیار اے۔