۱-پطرس 5:2 - پنجابی نواں عہد نامہ نظرثانی شدہ چھپائی

² پئی خُدا دے اوس اِجّڑ دی رکھوالی کرو۔ جیہڑا تُہاڈے وِچ اے۔ لاچاری نال نِگہبانی نا کرو۔ سگوں خُوش ہو کے خُدا دی مرضی نال۔ تے ناجائز نفع واسطے نئیں سگوں دِل دے شَوق نال۔

۱-پطرس 5:2 ပူးပေါင်းရင်းမြစ်များ

لُوقا 12:32

اَے چھوٹے اِجّڑ نا ڈر۔ کیوں جو تُہاڈے باپ نُوں پسند آیا۔ پئی تُہانوں بادشاہی دیوے۔

اعمال 20:29

مَیں جاننا آں پئی میرے کُوچ کرن دے مگروں بُرے بگھیاڑ تُہاڈے وِچ آ وڑن گے جیہڑے اِجّڑ نُوں نئیں چھڈن گے۔

اعمال 21:13

تَد پَولُس جواب دِتّا۔ پئی تُسی کِیہ کر دے ہو؟ روندے تے میرا دِل توڑ دے ہو؟ کیوں جو مَیں صرف یرُوشلِیم وِچ خُداوند یِسُوع دے ناں پِچّھے بَدّھے جان نُوں سگوں مر جان نُوں وی تیار آں۔

رُومِیوں 1:15

سو مَیں اپنی طاقت دے سببّوں تُہانوں وی جیہڑے رُومہ وِچ اوہ۔ خُوشخبری سُنان نُوں تیار آں۔

۱-کُرِنتھِیوں 9:7

کیہڑا سپاہی اپنے پلّیوں کھا کے لڑائی کر دا اے۔ کون انگور دا باغ لاکے پَھل نئیں کھاندا؟ یا کون اِجّڑ چار کے اوس اِجّڑ دا دُدّھ نئیں پَیندا؟

۱-تِیمُتِھیُس 3:3

تے نا نشے وِچ ڈنڈ پان والا تے نا مارن کُٹّن والا ہوئے سگوں حلِیم ہوئے۔ تے جھگڑا کرن والا تے پَیسے دا پیارا نا ہوئے۔

۱-تِیمُتِھیُس 3:8

ایسے طرح معاونین نُوں وی سنجیدہ ہونا چاہیدا اے۔ نِگلّے تے شرابی تے ناجائز نفع لین دے لالچی نا ہون۔

طِطُس 1:11

اوہناں دا مُنھ بند کرنا چاہیدا اے اوہناں لوکاں ناجائز نفع لئی بَھیڑیاں گلّاں سِکھا کے گھراں دے گھر اُجاڑ چھڈے۔

طِطُس 1:7

کیوں جو نِگہبان ایس واسطے پئی خُدا دا مُختِیار اے بے الزام ہونا چاہیدا اے۔ نا ضِدی ہوئے۔ نا غُصّے والا۔ نا نشئی ہو کے شور کرن والا۔ نا مارن والا۔ نا ناجائز نفع دا لالچی۔

طِطُس 2:14

جِس اپنے آپ نُوں ساڈے لئی دے دِتّا۔ پئی سانُوں ساری بیدینی توں ڈنڈ بھرکے چھڈائے تے پاک کر کے اپنے خاص وِرثہ لئی اِک اُمّت بنائے۔ جیہڑی نیک کمّاں وِچ سرگرم ہوئے۔

طِطُس 3:1

اوہناں نُوں یاد دوا پئی حاکماں تے اختیار والیاں دے تابعیاں رہن اوہناں دا حُکم مَنّن تے سارے نیک کمّاں لئی تیار رہن۔

فلِیمون 1:14

پر تیری مرضی باہجوں کُجھ کرنا نئیں ساں چاہندا تاں جو تیرا چَنگا کمّ لاچاری نال نئیں سگوں خُوشی ناں ہوئے۔

عِبرانیوں 12:15

دھیان نال ویکھدے رہو۔ پئی کوئی بندہ خُدا دے فضل توں خالی نا رہ جائے۔ اینج نا ہوئے۔ پئی کوئی کَوڑی جڑ پُھٹ کے تُہانوں دُکھ دے تے اوہدے سبّب بُہتے لوک پلِیت ہو جان۔

۲-پطرس 2:3

تے اوہ لالچ نال داء والیاں گلّاں بنا کے تُہانوں ویچ چھڈن گے۔ تے جیہڑا مُڈھوں اوہناں دی سزا دا حُکم ہوگیا اے۔ اوہدے آؤن وِچ کوئی چِر نئیں تے اوہناں دی ہلاکت سَوندی نئیں۔