۱-پطرس 5:12 - پنجابی نواں عہد نامہ نظرثانی شدہ چھپائی

¹² مَیں تُہانوں سِلوانُس دی راہِیں جیہڑا میری سمجھ وِچ اِیماندار بھرا اے تھوڑا جِہیا لِکھ کے تُہانوں نصِیحت کِیتی تے ایہہ گواہی دِتّی پئی خُدا دا سَچّا فضل ایہو ای اے۔ ایسے اُتّے قیم رہو۔

۱-پطرس 5:12 ပူးပေါင်းရင်းမြစ်များ

یُوحنّا 21:21

سو پطرس اوہنوں ویکھ کے یِسُوع نُوں آکھیا اَے خُداوند اوہدا کِیہ ہوئے گا؟

اعمال 11:23

جد اوہ اَپڑیا تے خُدا دا فضل ویکھیا۔ تَد خُوش ہویا۔ تے اوس اوہناں سبھناں نُوں نصِیحت کِیتی پئی دِل لا کے خُداوند نال مِلے رہن۔

اعمال 15:22

تَد رسُولاں تے بزُرگاں نیں ساری کلِیسیا سَنے ہَچھّا جانیا۔ پئی اپنے وِچوں کُجھ بندے چُنن تے پَولُس تے برنباس دے نال انطاکیہ نُوں گھلّن۔ یعنی یہُوداہ نُوں جیہڑا برسبّا اکھواؤندا اے۔ تے سِیلاس نُوں جیہڑے بھراواں وِچ وڈّے بندے سن۔

اعمال 20:24

پر مَیں اپنی جان دا خیال بالکل نئیں کر دا۔ پئی اوہ مَینُوں پیاری لگدی اے۔ تاں جو مَیں اپنی دَوڑ نُوں تے اوس خِدمت نُوں جیہڑی خُداوند یِسُوع توں مَینُوں سپُرد ہوئی۔ پُورا کراں۔ تے خُدا دے کرم دی خُوشخبری اُتّے گواہی دیاں۔

رُومِیوں 5:2

جِہدی راہِیں اِیمان نال ساڈی فضل تِیکر پہنچ اے۔ جِہدے وِچ اسی قیم آں۔ تے خُدا دے جلال دی آس اُتّے اسی فخر کریئے۔

۱-کُرِنتھِیوں 15:1

ہُن بھراؤ! مَیں تُہانوں اوہی خُوشخبری دس چھڈناں آں جیہڑی پہلاں دسی سی۔ جِہنُوں تُساں مَن وی لیا سی تے جِہدے اُتّے پکّے وی ہو۔

۲-کُرِنتھِیوں 1:19

کیوں جو خُدا دا پُتر یِسُوع مسِیح جِہدی منادی اساں یعنی مَیں تے سِلوانُس تے تِیمُتِھیُس نیں تُہاڈے وِچ کِیتی۔ اوہدے وِچ ہاں تے نئیں دونویں نئیں سن۔ سگوں اوہدے وِچ ہاں ای ہاں ہوئی۔

۲-کُرِنتھِیوں 1:24

ایہہ نئیں پئی اسی اِیمان ولّوں تُہاڈے اُتّے حکُومت کرنے آں سگوں خُوشی وِچ تُہاڈے مددگار ہاں کیوں جو تُسی اِیمان ای نال قیم رہندے ہو۔

اِفسِیوں 3:3

یعنی ایہہ پئی اوہ بھیت مَینُوں اِلہام نال معلُوم ہویا تے نالے مَیں پہلاں اوہدا تھوڑا جیہا حال لِکھیا سی۔

اِفسِیوں 6:21

تے تُخِکس جیہڑا پیارا بھرا تے خُداوند دا دیانتدار نوکر اے تُہانوں میرِیاں سارِیاں گلّاں دسے گا۔ تاں جو تُسی جانو پئی مَیں کِیہ کرنا آں۔

کُلُسِّیوں 1:7

جیویں تُساں ساڈے پیارے ساتھی اِپَفراس کولوں سُنیا اے۔ جیہڑا ساڈے ولّوں مسِیح دا دیانتدار نوکر اے۔

کُلُسِّیوں 4:7

پیارا بھرا تے دیانتدار خادم تُخِکس جیہڑا خُداوند دی سیوا وِچ سنگی اے۔ میرا سارا حال تُہانوں دسے گا۔

کُلُسِّیوں 4:9

تے اوہدے نال اُنیسِمُس نُوں وی گھلّیا اے۔ جیہڑا دیانتدار تے پیارا بھرا تے تُہاڈے وِچوں اے۔ ایہہ تُہانوں ایتھوں دِیاں سارِیاں گلّاں دسن گے۔

۱-تھِسّلُنِیکوں 1:1

پَولُس تے سِلوانُس تے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی خُدا باپ تے خُداوند یِسُوع مسِیح وِچ اے فضل تے تسلّی تُہانوں مِلدی رہے۔

۲-تھِسّلُنِیکوں 1:1

پَولُس تے سِلوانُس نے تِیمُتِھیُس ولّوں تھِسّلُنِیکیاں دی کلِیسیا دے ناں جیہڑی ساڈے باپ خُدا تے خُداوند یِسُوع مسِیح وِچ اے۔

عِبرانیوں 13:22

بھراؤ مَیں تُہاڈی مِنّت کرنا آں۔ پئی تُسی ایس نصِیحت دے کلام دی برداشت کرو۔ کیوں جو مَیں تُہانوں تھوڑیاں گلّاں وِچ لِکھیا اے۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 4:10

جِنّی نِعمت کِسے نُوں مِلی اے اوہ اوہنوں خُدا دِیاں سارِیاں نِعمتاں دے چنگے نَوکراں وانگر دُوجے دی سیوا واسطے ورتیا کرے۔

۲-پطرس 1:12

ایس لئی مَیں تُہانوں ایہہ گلّاں یاد دوان نُوں سدا تیار رہاں گا۔ بھانویں تُسی اوہناں نُوں جان دے ہو۔ تے اوس سَچّی گلّ اُتّے قیم ہو جیہڑی تُہانوں مِلی ہوئی اے۔

۲-پطرس 2:15

اوہ سِدّھا راہ چھڈ کے بدراہ ہوگئے نیں۔ تے بعُور دے پُتر بِلعام دے راہ اُتّے ٹُرے جِس ناراستی دی مزدُوری نُوں پیارا جانیا۔

۳-یُوحنّا 1:12

دیمتیِریُس دی بابت ساریاں بندیاں نیں تے سچیائی نے آپ وی گواہی دِتّی اے۔ تے اسی وی گواہی دینے آں تے تُوں جان دا ایں پئی ساڈی گواہی سَچّی اے۔

یہُوداہ 1:3

پیاریو! جِس ویلے مَیں تُہانوں اوس نجات دی بابت لِکھن دی پُوری کوشش کر دا ساں جِہدے وِچ اسی سارے سنگی آں مَیں تُہانوں ایہہ لِکھ کے مَت دینی ضرُوری سمجھی۔ پئی تُسی اِیمان دِیاں اوہناں گلّاں لئی گھلّو جیہڑیاں پاک لوکاں نُوں اِک واری حوالے کِیتاں گِئیاں سن۔