۱-پطرس 5:1 - پنجابی نواں عہد نامہ نظرثانی شدہ چھپائی

¹ مَیں اوہناں نُوں نصِیحت کرنا آں جیہڑے تُہاڈے وِچوں بزُرگ نیں اوہناں وانگر بزُرگ تے مَیں وی آں تے مسِیح دے دُکھاں دا گواہ تے ظاہر ہون والے جلال وِچ سنگی آں۔

۱-پطرس 5:1 ပူးပေါင်းရင်းမြစ်များ

لُوقا 24:48

تُسی ایہناں گلّاں دے گواہ ہو۔

اعمال 1:22

یُوحنّا دے بپتِسمے توں لے کے اوس دِن تِیکر جدوں اوہ ساڈے کولوں چُک لیا گیا سی۔ اِک بندہ اوہدے جی اُٹھن دا گواہ ساڈے نال بنے۔

اعمال 1:8

پر جدوں پاک رُوح تُہاڈے اُتّے آوے گا۔ تے تُہانوں طاقت مِلے گی۔ تے یرُوشلِیم تے سارے یہُودیہ تے سامریہ وِچ نالے دھرتی دے اخِیر تِیکر۔ تُسی میرے گواہ ہوؤ گے۔

اعمال 11:30

تے اوہناں ایویں کِیتا تے برنباس تے ساؤُل دی ہتّھِیں بزُرگاں کول گھل دِتّا۔

اعمال 14:23

تے روزے تے دُعا نال ہر اِک کلِیسیا وِچ اوہناں دے لئی بزُرگاں نُوں مُقرّر کِیتا۔ تے اوہناں نُوں خُداوند دے سپُرد کِیتا جِہدے اُتّے اوہ اِیمان لیائے سن۔

اعمال 15:4

تے جد یرُوشلِیم اَپڑے۔ تَد کلِیسیا تے رسُولاں تے بزُرگاں نیں اوہناں دی خاطر کِیتی۔ تے جو کُجھ خُدا اوہناں دے نال کِیتا سی۔ سو اوہناں آکھ سُنایا۔

اعمال 15:6

تے رسُول تے بزُرگ اکٹّھے ہوئے پئی ایس گلّ نُوں سوچن۔

اعمال 2:32

ایسے یِسُوع نُوں خُدا جوالیا جِہدے اسی سارے گواہ ہاں۔

اعمال 20:17

تے مِیلیتُس توں اوس اِفِسُس وِچ سنیہا گھل کے کلِیسیا دے بزُرگاں نُوں سدّیا۔

اعمال 20:28

تُسی اپنی اوس سارے اِجّڑ دی خبرداری کرو۔ جِہدا پاک رُوح نے تُہانوں نِگہبان بنایا۔ پئی خُدا دی کلِیسیا نُوں چارو جِہنُوں اوس اپنے ای لہو نال مُل لیا۔

اعمال 21:18

تے دُوجے دِن پَولُس ساڈے نال یعقُوب دے گھر گیا۔ تے بزُرگ سارے حاضر سن۔

اعمال 3:15

پر تُساں زِندگی دے مالک نُوں قتل کِیتا۔ جِہنُوں خُدا مُردیاں وِچوں جوالیا۔ تے اسی اوہدے گواہ آں۔

۲-کُرِنتھِیوں 5:1

کیوں جو اسی جاننے آں پئی جد ساڈا ایہہ تنبُو جیہا گھر جیہڑا زمین اُتّے اے ڈیگیا جائے گا۔ تے سانُوں خُدا ولّوں اسماناں اُتّے اِک اجیہی عمارت مِلے گی۔ جیہڑا ہتّھاں دا بنیا ہویا گھر نئیں سگوں سدا رہن والا اے۔

۲-کُرِنتھِیوں 5:8

سو ساڈی خاطرجمع اے تے سانُوں بدن دے وطن توں وَکھریاں ہو کے خُداوند دے وطن وِچ رہنا وَدّھ منظُور اے۔

فِلِپّیوں 1:19

کیوں جو مَیں جاننا آں پئی تُہاڈی دُعا تے یِسُوع مسِیح دے رُوح دے اِنعام توں ایہدا انت میری نجات ہوئے گا۔

۱-تِیمُتِھیُس 5:1

کِسے بُڈّھے نُوں نا جِھڑکیں۔ سگوں پئیو سمجھ کے نصِیحت کریں۔

۱-تِیمُتِھیُس 5:19

جیہڑا دعویٰ کِسے بزُرگ اُتّے کِیتا جائے۔ اوہنوں دو تِنّ گواہاں بِناں نا سُنیں۔

۲-تِیمُتِھیُس 4:8

اگّے لئی میرے واسطے راستبازی دا اوہ تاج رکھیا ہویا اے۔ جیہڑا راستباز نیائِیں یعنی خُداوند مَینُوں اوس دِن دے گا۔ تے نِرا مَینُوں ای نئیں سگوں اوہناں ساریاں نُوں وی جیہڑے اوہدے ظاہر ہون دی اُڈِیک وِچ نیں۔

طِطُس 1:5

مَیں کریتے وِچ تینُوں ایس لئی چھڈیا سی پئی تُوں جِنہاں گلّاں وِچ کسر رہ گئی سی ٹھیک کریں۔ تے جیویں مَیں حُکم دِتّا ساریاں شہراں وِچ اجیہے بزُرگ نامزد کر۔

فلِیمون 1:9

تے وی مَینُوں ایہہ بُہتا چَنگا لگدا اے۔ پئی مَیں بُڈّھا پَولُس سگوں ایس ویلے مسِیح یِسُوع دا قیدی ہو کے پیار نال مِنّتاں کراں۔

عِبرانیوں 12:1

ایس لئی جد گواہاں دے اَیڈے وڈّے بدّل سانُوں گھیرا پا لیا اے تے آؤ اسی سارے بھار لاہ کے تے اوس گُناہ نُوں جیہڑا سانُوں شتابی پھسا لَیندا اے۔ ہٹا کے اوس دَوڑ وِچ صبر نال دَوڑیئے جِہدے نال سانُوں واہ پیا اے۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-پطرس 1:7

تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-پطرس 5:4

تے جدوں وَڈا آجڑی ظاہر ہوئے گا۔ تے تُہانوں جلال دا اجیہا سِہرا مِلے گا جیہڑا کُملاؤندا نئیں۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

۲یُوحنّا 1:1

میرے ولّوں جیہڑا بزُرگ آں اوس چُنی ہوئی بی بی تے اوہدے پُتراں دے نال جِنہاں نال مَیں اوس سچیائی دے سببّوں سَچّی مُحبّت رکھنا آں جیہڑی ساڈے وِچ قیم رہندی اے۔ تے سدا تِیکر ساڈے نال رہے گی۔

۳-یُوحنّا 1:1

میرے ولّوں جیہڑا بزُرگ آں پیارے گَیُس دے ناں۔ جِہدے نال مَیں سَچّی مُحبّت کرنا آں۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔